ຍີ່ປຸ່ນ ຊ່ວຍເຫລືອລາວ 2 ໂຄງການ ມູນຄ່າເກືອບ 7 ລ້ານໂດລາ

Sunday, May 20th

Last update12:47:10 AM GMT

Headlines

ເຜີຍ! ຄວາມຄືບ ຫນ້າແຜນລາວ-ໄທ ສ້າງຂົວຂ້າມ ສະເພາະລົດໄຟ

ຄວາມອຶດອັດ ຈາກຜົນກະທົບ ຂອງລະເບີດ ທີ່ຍັງບໍ່ທັນແຕກ ຈາກບ້ານແສນອຸດົມ

ຂ້ອຍມີເລື້ອງໜື່ງ ຈະເລົ່າສູ່ຟັງເດີ້ ເພື່ອເປັນອຸທາຫອນ

Special lecture by Sounay Phothisane ການປົດປ່ອຍອຳນາດ (Unlock the Power)

Alexandra Bounxouei MV "My Radio" has released

ເປີດນໍາໃຊ້ ເວັບໄຊອາເຊັມ ຄັ້ງທີ 9 ຢ່າງເປັນທາງການ

PTT to open integrated facility in Vientiane, expand Laos network

ພິດສະໄຫມ ຈັນທະສອນ ຄອງຕໍາແຫນ່ງ ສາວງາມຈໍາປາສັກ 2012

Sounay Phothisane participates ON|OFF event 2011 Jakarta

ລັດ ຈະອອກໃບ ສອງພັນກີບ

ຍີ່ປຸ່ນ ຊ່ວຍເຫລືອລາວ 2 ໂຄງການ ມູນຄ່າເກືອບ 7 ລ້ານໂດລາ

Sunday, 13 March 2011 16:56 Sounay Phothisane

Share

ລັດຖະບານຍີ່ປຸ່ນ ຈະສະຫນອງລົດເມຄັນໃຫມ່ໃຫ້ຊາວນະຄອນຫລວງວຽງຈັນ ພ້ອມຊ່ວຍປັບປຸງລາຍການໂທລະພາບທີ່ຊັດເຈນກວ່າເກົ່າໃຫ້ສັງຄົມໄດ້ ຕິດຕາມ ຫລັງມີພິທີລົງນາມການຊ່ວຍເຫລືອລ້າສອງໂຄງການມູນຄ່າ ເກືອບ 7 ລ້ານໂດລາສະຫະລັດ.

ພິທີເຊັນສັນຍາສຳລັບໂຄງການຊ່ວຍເຫລືອລ້າຈາກລັດຖະບານຍີ່ປຸ່ນ ຕໍ່ ສປປ ລາວ ໄດ້ຈັດຂຶ້ນວານນີ້ ທີ່ກະຊວງການຕ່າງປະເທດ ເຊິ່ງລົງນາມຕາງຫນ້າລັດຖະບານລາວ ໂດຍພະ ນະ ທ່ານ ດຣ. ທອງລຸນ ສີສຸລິດ ຮອງນາຍົກລັດຖະມົນຕີ, ລັດຖະ ມົນຕີວ່າການກະຊວງການຕ່າງ ປະເທດ ແລະ ເຊັນຕາງຫນ້າລັດ ຖະບານຍີ່ປຸ່ນແມ່ນພະນະທ່ານ ນາງ ຈຸນໂກະ ໂຢໂກຕະ ທູດຍີ່ປຸ່ນ ປະຈຳ ສປປ ລາວ, ມີພະນັກງານຂັ້ນສູນກາງຈາກກະຊວງການຕ່າງປະເທດ, ພາກສ່ວນກ່ຽວຂ້ອງ, ວິຊາການຈາກສະຖານທູດ ແລະ ພະນັກງານຈາກອົງການໄຈກາແຫ່ງປະເທດຍີ່ປຸ່ນເຂົ້າຮ່ວມ.

ທ່ານ ນາງ ຈຸນໂກະ ໂຢໂກຕະ ໄດ້ກ່າວໃນພິທີລົງນາມວ່າ: ການໃຫ້ທຶນຊ່ວຍເຫລືອລ້າຂອງລັດຖະບານຍີ່ປຸ່ນຄັ້ງນີ້ ແມ່ນເພື່ອດຳເນີນສອງໂຄງການຄື: ໂຄງການປັບປຸງການຂົນສົ່ງສາທາລະນະນະຄອນຫລວງວຽງຈັນ ເປັນມູນຄ່າ 500 ລ້ານເຢັນ ຫລື ປະມານ 6 ລ້ານໂດລາສະຫະລັດ ເຊິ່ງທາງການຍີ່ປຸ່ນຈະສະຫນອງໃຫ້ເປັນລົດເມຈຳນວນ 42 ຄັນເພື່ອປ່ຽນແທນ ລົດທີ່ເກົ່າລ້າສະໄຫມພ້ອມອຸປະກອນບຳລຸງຮັກສາ ເພື່ອມອບໃຫ້ແກ່ລັດວິສາຫະກິດລົດເມນະຄອນຫລວງວຽງຈັນ, ສ່ວນໂຄງການທີ 2 ແມ່ນໃຫ້ທຶນເພື່ອປັບປຸງລາຍການໂທລະພາບແຫ່ງ ຊາດລາວໃນມູນຄ່າ 76 ລ້ານ 2 ແສນເຢັນ ຫລື ປະມານ 9 ແສນ 20 ພັນໂດລາສະຫະລັດ.

ທ່ານກ່າວອີກວ່າ: ຫລັງສອງໂຄງການດັ່ງກ່າວນີ້ ຖືກຈັດຕັ້ງປະຕິບັດຈະເຮັດໃຫ້ຕົວເມືອງວຽງຈັນທີ່ພວມມີພາວະການ ຈະລາຈອນແອອັດເພີ່ມຂຶ້ນຫລຸດຜ່ອນ ລົງທັງຊ່ວຍຮັກສາສິ່ງແວດ ລ້ອມ ໄດ້ສ່ວນໃດສ່ວນຫນຶ່ງ ສິ່ງສຳຄັນຈະເພີ່ມຄວາມສະດວກໃຫ້ຜູ້ໂດຍສານບໍ່ຫລາຍກໍ່ຫນ້ອຍ ແລະ ພາຍໃຕ້ການຊ່ວຍເຫລືອຂອງລັດຖະບານຍີ່ປຸ່ນແມ່ນຈະສະຫນອງ 484ລາຍການໃຫ້ແກ່ໂທລະພາບແຫ່ງຊາດ ເຊິ່ງເປັນສະຖານີຕົ້ນຕໍໃນການສົ່ງຂໍ້ມູນຂ່າວສານໄປຍັງທົ່ວ ປະເທດ ໄດ້ກະຈາຍຂໍ້ມູນທີ່ເປັນປະໂຫຍດຫລາຍຂຶ້ນ ໂດຍສະເພາະແມ່ນລາຍການໂທລະພາບດ້ານການສຶກສາ, ວິທະຍາສາດ, ເຕັກນິກ ເຮັດໃຫ້ປະຊາຊົນສາມາດເຂົ້າໃຈວັດນະທະທຳ ແລະ ສັງຄົມຂອງຍີ່ປຸ່ນໄດ້ດີຂຶ້ນ.

ຜ່ານມາ ນັບແຕ່ປີ 1997 ລັດຖະບານຍີ່ປຸ່ນໄດ້ໃຫ້ການຊ່ວຍເຫລືອດ້ານລົດເມໂດຍສານໃຫ້ ສປປ ລາວ ແລ້ວ ຈຳນວນ 135 ຄັນລວມ 3 ຄັ້ງ ຂະນະດຽວກັນກໍ່ເຄີຍໃຫ້ການຊ່ວຍ ເຫລືອໂທລະພາບແຫ່ງຊາດລາວແລ້ວສອງຄັ້ງ ເຊິ່ງມູນເຊື້ອສາມັກຄີມິດຕະພາບຊ່ວຍເຫລືອເຊິ່ງກັນ ແລະ ກັນລະຫວ່າງສອງປະເທດລາວ-ຍີ່ປຸ່ນ ຍັງຈະສືບຕໍ່ໄດ້ຮັບການເສີມຂະຫຍາຍເລື້ອຍໆໄປ.

ພາບແລະເນື້ອຂ່າວຈາກ

Comments: