ໂຮມອົງ ການທ່ອງ ທ່ຽວແຫ່ງຊາດ ເຂົ້າກັບ ກະຊວງ ຖະແຫລງຂ່າວ-ວັດທະນະທຳ

Sunday, May 20th

Last update12:47:10 AM GMT

Headlines

ເຜີຍ! ຄວາມຄືບ ຫນ້າແຜນລາວ-ໄທ ສ້າງຂົວຂ້າມ ສະເພາະລົດໄຟ

ຄວາມອຶດອັດ ຈາກຜົນກະທົບ ຂອງລະເບີດ ທີ່ຍັງບໍ່ທັນແຕກ ຈາກບ້ານແສນອຸດົມ

ຂ້ອຍມີເລື້ອງໜື່ງ ຈະເລົ່າສູ່ຟັງເດີ້ ເພື່ອເປັນອຸທາຫອນ

Special lecture by Sounay Phothisane ການປົດປ່ອຍອຳນາດ (Unlock the Power)

Alexandra Bounxouei MV "My Radio" has released

ເປີດນໍາໃຊ້ ເວັບໄຊອາເຊັມ ຄັ້ງທີ 9 ຢ່າງເປັນທາງການ

PTT to open integrated facility in Vientiane, expand Laos network

ພິດສະໄຫມ ຈັນທະສອນ ຄອງຕໍາແຫນ່ງ ສາວງາມຈໍາປາສັກ 2012

Sounay Phothisane participates ON|OFF event 2011 Jakarta

ລັດ ຈະອອກໃບ ສອງພັນກີບ

ໂຮມອົງ ການທ່ອງ ທ່ຽວແຫ່ງຊາດ ເຂົ້າກັບ ກະຊວງ ຖະແຫລງຂ່າວ-ວັດທະນະທຳ

Friday, 29 July 2011 19:20 Sounay Phothisane

Share

ກະຊວງຖະແຫລງຂ່າວ ແລະ ວັດທະນະທຳ ຮ່ວມກັບອົງການທ່ອງທ່ຽວແຫ່ງຊາດ ໄດ້ຈັດພິທີໂຮມເອົາວຽກງານທ່ອງທ່ຽວເຂົ້າກັບກະຊວງຖະແຫລງຂ່າວ ແລະ ວັດທະນະທຳເປັນກະ ຊວງຖະແຫລງຂ່າວ-ວັດທະນະທຳ ແລະ ທ່ອງທ່ຽວ ເຊິ່ງມີການມອບ-ຮັບຫນ້າທີ່ລະຫວ່າງ ທ່ານ ສົມພົງ ມົງຄົນວິໄລ ລັດຖະມົນຕີປະຈຳສຳນັກງານນາຍົກລັດຖະມົນຕີ, ປະທານອົງການ ທ່ອງທ່ຽວແຫ່ງຊາດຜູ້ເກົ່າ ກັບທ່ານ ສຈ ດຣ. ບໍ່ແສງຄຳ ວົງດາລາ ລັດຖະມົນຕີວ່າການກະຊວງຖະແຫລງຂ່າວ-ວັດທະນະທຳ ແລະ ທ່ອງທ່ຽວ, ການມອບ-ຮັບຫນ້າທີ່ດັ່ງກ່າວໂດຍປະຕິ ບັດຕາມລັດຖະດຳລັດປະທານປະເທດແຫ່ງ ສປປ ລາວ ເລກທີ 143/ປປລ ລົງວັນທີ 4 ກໍລະກົດ 2011 ວ່າດ້ວຍການອະນຸມັດໃຫ້ພະນັກງານອອກພັກການຮັບເບ້ຍບຳນານ ແລະ ລັດ ຖະດຳລັດ ເລກທີ 129/ປປທ, ລົງວັນທີ 4 ກໍລະກົດ 2011 ວ່າດ້ວຍການແຕ່ງຕັ້ງພະນັກງານນຳຂັ້ນສູງຮັບຫນ້າທີ່ໃຫມ່ ພິທີດັ່ງກ່າວຈັດຂຶ້ນໃນຕອນບ່າຍຂອງມື້ວານນີ້ ທີ່ຫໍວັດທະນະທຳແຫ່ງຊາດ.

ເປັນກຽດເຂົ້າຮ່ວມຂອງທ່ານ ອາຊາງ ລາວລີ ກຳມະການກົມການເມືອງສູນກາງພັກ, ຮອງນາຍົກລັດຖະມົນຕີ, ທ່ານ ສຈ ດຣ. ບໍ່ແສງຄຳ ວົງດາລາ ລັດຖະມົນຕີວ່າການກະຊວງຖະແຫລງຂ່າວວັດທະນະທຳແລະທ່ອງທ່ຽວ, ທ່ານ ຄຳປານ ພິລາວົງ ລັດຖະມົນຕີວ່າການກະຊວງພາຍໃນ ມີລັດຖະມົນຕີຊ່ວຍວ່າການ, ບັນດາກົມ, ຮອງກົມ, ພະແນກການ, ພະແນກ ທ່ອງທ່ຽວ ນະຄອນຫລວງ ແລະ ພະນັກງານທີ່ກ່ຽວຂ້ອງເຂົ້າຮ່ວມ.

ທ່ານ ສົມພົງ ມົງຄົນວິໄລ ລັດຖະມົນຕີ, ປະທານອົງການທ່ອງທ່ຽວແຫ່ງຊາດຜູ້ເກົ່າໄດ້ລາຍງານສະພາບການ ແລະແຜນການຈັດຕັ້ງປະຕິບັດໄລຍະຜ່ານມາ ທ່ານກ່າວວ່າ: ອົງການ ທ່ອງທ່ຽວແຫ່ງຊາດ ເປັນເສນາທິການໃຫ້ແກ່ລັດຖະບານໃນຂົງເຂດວຽກງານການພັດທະນາ ແລະສົ່ງເສີມການທ່ອງທ່ຽວມີບົດບາດໃນແຖວຫນ້າຮ່ວມກັບບັນດາ ຂະແຫນງການ ແລະທ້ອງ ຖິ່ນຕ່າງໆໃນການປະກອບສ່ວນແກ້ໄຂຄວາມທຸກຍາກ, ເຮັດໃຫ້ GDP ເພີ່ມຂຶ້ນ ແລະ ເຮັດໃຫ້ການພັດທະນາເສດຖະກິດ-ສັງຄົມຂະຫຍາຍຕົວຢ່າງບໍ່ຢຸດຢັ້ງໃນ ການສົມທົບປະຕິບັດຕົວຈິງກັບບັນດາແຂວງ, ທ້ອງຖິ່ນຕ່າງໆໃນການຂຶ້ນແຜນເຊື່ອມຕໍ່ການທ່ອງທ່ຽວລະຫວ່າງພາກ ໂດຍຈັດເປັນ 4 ພາກຂອງຂອບເຂດທົ່ວປະເທດ ເຊິ່ງປັດໄຈດັ່ງກ່າວໄດ້ເຮັດໃຫ້ນັກທ່ອງທ່ຽວເພີ່ມຂຶ້ນໃນປີ 2010 ເຖິງ 2,5 ລ້ານຄົນ, ທຽບໃສ່ປີ 2009 ເພີ່ມຂຶ້ນເຖິງ 25,12%, ສ້າງລາຍໄດ້ເຂົ້າລັດ ເຖິງ 381 ລ້ານກວ່າໂດລາສະຫະລັດກາຍເປັນລາຍໄດ້ຂາເຂົ້າໃຫ້ລັດລະດັບ ທີ 2 ຖັດຈາກບໍ່ແຮ່.

ເພື່ອເສີມຂະຫຍາຍເຮັດໃຫ້ກະຊວງຖະແຫລງຂ່າວ-ວັດທະນະທຳ ແລະ ທ່ອງທ່ຽວ ສືບຕໍ່ໃນການເປັນເຈົ້າການ, ຕິດພັນກັບວຽກງານການພັດທະນາການທ່ອງທ່ຽວໃຫ້ຖືກກັບທິດທາງ ຂອງພັກພວກເຮົາຈະຕ້ອງໄດ້ສຸມໃສ່ປະຕິບັດໂຄງການປີທ່ອງທ່ຽວລາວ 2012 ໃຫ້ໄດ້ຮັບຜົນສຳເລັດ ແລະ 7 ແຜນປະຕິບັດງານຍຸດທະສາດການພັດທະນາການທ່ອງທ່ຽວຮອດປີ 2020 ໃຫ້ບັນລຸໄດ້ຕາມຄາດຫມາຍທີ່ວາງໄວ້.

ພາບແລະເນື້ອຂ່າວຈາກ

Comments: