ເປີດງານວາງ ສະແດງຮູບເງົາຜົນສຳເລັດ 60 ປີ ແນວລາວສ້າງຊາດ

Sunday, May 20th

Last update12:47:10 AM GMT

Headlines

ເຜີຍ! ຄວາມຄືບ ຫນ້າແຜນລາວ-ໄທ ສ້າງຂົວຂ້າມ ສະເພາະລົດໄຟ

ຄວາມອຶດອັດ ຈາກຜົນກະທົບ ຂອງລະເບີດ ທີ່ຍັງບໍ່ທັນແຕກ ຈາກບ້ານແສນອຸດົມ

ຂ້ອຍມີເລື້ອງໜື່ງ ຈະເລົ່າສູ່ຟັງເດີ້ ເພື່ອເປັນອຸທາຫອນ

Special lecture by Sounay Phothisane ການປົດປ່ອຍອຳນາດ (Unlock the Power)

Alexandra Bounxouei MV "My Radio" has released

ເປີດນໍາໃຊ້ ເວັບໄຊອາເຊັມ ຄັ້ງທີ 9 ຢ່າງເປັນທາງການ

PTT to open integrated facility in Vientiane, expand Laos network

ພິດສະໄຫມ ຈັນທະສອນ ຄອງຕໍາແຫນ່ງ ສາວງາມຈໍາປາສັກ 2012

Sounay Phothisane participates ON|OFF event 2011 Jakarta

ລັດ ຈະອອກໃບ ສອງພັນກີບ

ເປີດງານວາງ ສະແດງຮູບເງົາຜົນສຳເລັດ 60 ປີ ແນວລາວສ້າງຊາດ

Friday, 13 August 2010 19:58 Sounay Phothisane

Share

ເປີດງານວາງສະແດງຮູບເງົາຜົນສຳເລັດ 60 ປີ ແນວລາວສ້າງຊາດ

ງານວາງສະແດງຮູບພາບຜົນສຳເລັດຂອງອົງການແນວລາວສ້າງຊາດຕະຫລອດໄລຍະ 60 ປີ ຖືກເປີດຂຶ້ນໃນຕອນບ່າຍຂອງວັນ 11 ສິງຫາ 2010 ທີ່ສູນການຄ້າລາວ-ໄອເຕັກໂດຍມີທ່ານສີສະຫວາດ ແກ້ວບຸນພັນ ກຳມະການກົມການເມືອງສູນກາງພັກ, ປະທານ ສູນກາງແນວລາວສ້າງຊາດ, ຜູ້ຊີ້ນຳອົງການຈັດຕັ້ງມະຫາຊົນຂັ້ນສູງກາງເປັນປະທານ, ມີບັນດາຕົວແທນອົງການຈັດຕັ້ງແນວໂຮມທົ່ວ ປະເທດເຂົ້າຮ່ວມ.

ເພື່ອເຮັດໃຫ້ບັນຍາກາດການສະເຫລີມສະຫລອງວັນສ້າງຕັ້ງແນວລາວອິດສະຫລະແນວລາວ ຮັກຊາດແນວລາວສ້າງຊາດ ໃນປະ ຈຸບັນ ຄົບຮອບ 60 ປີໃຫ້ມີເນື້ອໃນຄວາມຫມາຍເລິກເຊິ່ງ ແລະ ໂຄສະນາໃຫ້ທົ່ວປວງຊົນລາວບັນດາເຜົ່າໄດ້ຮັບຮູ້ເຖິງຄຸນງາມຄວາມ ດີຂອງອົງການແນວໂຮມໃນໄລຍະຜ່ານມາ, ເປັນການເຜີຍແຜ່ຜົນສຳເລັດຂອງແນວໂຮມໃນແຕ່ລະໄລຍະເພື່ອສ້າງຂະບວນການສຶກສາ ອົບຮົມນ້ຳໃຈບຸກບືນຫ້າວຫັນປະຕິບັດນະໂຍບາຍຕ່າງໆຂອງພັກລັດ ພ້ອມທັງເສີມຂະຫຍາຍມູນເຊື້ອມັກຄີເປັນປຶກແຜ່ນຂອງທຸກເຜົ່າ, ທຸກສາສະຫນາ, ເພດໄວ ແລະ ຊັ້ນຄົນ. ໃຫ້ເຂົ້າໃຈມູນເຊື້ອອັນດີງາມ.

ການວາງສະແດງຮູບພາບຄັ້ງ ນີ້ປະກອບດ້ວຍຮູບຖ່າຍ ແລະການສາຍວິດີໂອ ໄປພ້ອມກັນ, ສຳລັບຮູບພາບແມ່ນມີທັງຫມົດ 150 ຮູບແບ່ງເປັນ IV ພາກໃຫຍ່ຄື: ພາກ I ແມ່ນສະເຫນີກ່ຽວກັບປະເທດລາວ ແລະ ຄົນລາວ, ພາກ II ສະເຫນີກ່ຽວກັບການເຄື່ອນໄຫວ ຂອງອົງການຈັດຕັ້ງແນວໂຮມສະໄຫມປຸກລະດົມປະຊາຊົນຕໍ່ຕ້ານຈັກກະພັດຜູ້ຮຸກຮານ, ພາກ III ສະເຫນີກ່ຽວກັບອົງການຈັດຕັ້ງແນວ ໂຮມພາຍໃຕ້ຄັນທຸງຂອງພັກໃນພາລະກິດປົກປັກຮັກສາ ແລະ ສ້າງສາປະເທດຊາດ ແລະ ພາລະກິດປ່ຽນແປງໃຫມ່ ແລະ ພາກ IV ພາກສຸດທ້າຍແມ່ນສະເຫນີກ່ຽວກັບອົງການຈັດຕັ້ງແນວໂຮມກັບເພື່ອນມິດສາກົນ.

ນອກຈາກນີ້ ໃນຕອນເຊົ້າຂອງວັນດຽວກັນທີ່ສູນກາງແນວລາວສ້າງຊາດ ກໍ່ໄດ້ຈັດພິທີປະດັບຫລຽນກາທີ່ລະນຶກ 60 ປີ ແນວລາວ ສ້າງຊາດໃຫ້ແກ່ຜູ້ມີຜົນງານດີເດັ່ນປະເພດບຸກຄົນ 189 ທ່ານ ມອບຫລຽນໄຊອິດສະຫລະຊັ້ນ1 ໃຫ້ແກ່ 2 ກົມກອງ, ຫລຽນໄຊອິດສະ ຫລະຊັ້ນ II ໃຫ້ແກ່ 2 ກົມກອງ ແລະ ຊັ້ນ III ໃຫ້ແກ່ 1 ກົມກອງໃຫ້ກຽດປະດັບຫລຽນໃນຄັ້ງນີ້ ໂດຍແມ່ນທ່ານ ສີສະຫວາດ ແກ້ວ ບຸນພັນ ກຳມະການກົມການເມືອງສູນກາງພັກ, ປະທານສູນກາງແນວລາວສ້າງຊາດ.

ສຳລັບງານວາງສະແດງຮູບພາບໃນຄັ້ງນີ້ ແມ່ນຈະໄດ້ຈັດຂຶ້ນແຕ່ວັນທີ 11-13 ສິງຫາ 2010 ຖ້າຫາກທ່ານໃດສົນໃຈກໍ່ສາມາດ ໄປຊົມໄດ້ທີ່ສູນການຄ້າລາວ-ໄອເຕັກ.

ພາບແລະເນື້ອຂ່າວຈາກ

Comments: