ເປີດຢ່າງ ເປັນທາງການ ງານມະຫະກໍາ ສີມືຫັດຖະກໍາລາວ ຄັ້ງທີ 10

Sunday, May 20th

Last update12:47:10 AM GMT

Headlines

ເຜີຍ! ຄວາມຄືບ ຫນ້າແຜນລາວ-ໄທ ສ້າງຂົວຂ້າມ ສະເພາະລົດໄຟ

ຄວາມອຶດອັດ ຈາກຜົນກະທົບ ຂອງລະເບີດ ທີ່ຍັງບໍ່ທັນແຕກ ຈາກບ້ານແສນອຸດົມ

ຂ້ອຍມີເລື້ອງໜື່ງ ຈະເລົ່າສູ່ຟັງເດີ້ ເພື່ອເປັນອຸທາຫອນ

Special lecture by Sounay Phothisane ການປົດປ່ອຍອຳນາດ (Unlock the Power)

Alexandra Bounxouei MV "My Radio" has released

ເປີດນໍາໃຊ້ ເວັບໄຊອາເຊັມ ຄັ້ງທີ 9 ຢ່າງເປັນທາງການ

PTT to open integrated facility in Vientiane, expand Laos network

ພິດສະໄຫມ ຈັນທະສອນ ຄອງຕໍາແຫນ່ງ ສາວງາມຈໍາປາສັກ 2012

Sounay Phothisane participates ON|OFF event 2011 Jakarta

ລັດ ຈະອອກໃບ ສອງພັນກີບ

ເປີດຢ່າງ ເປັນທາງການ ງານມະຫະກໍາ ສີມືຫັດຖະກໍາລາວ ຄັ້ງທີ 10

Friday, 21 October 2011 00:26 Sounay Phothisane

Share

ງານມະຫະກຳສີມືຫັດຖະກຳລາວຄັ້ງທີ 10 ໄດ້ເປີດຢ່າງເປັນທາງການ ໃນມື້ວານນີ້ ທີ່ສູນການຄ້າລາວ-ໄອເຕັກ ນະຄອນຫລວງວຽງຈັນ, ໂດຍການເຂົ້າຮ່ວມຂອງ ທ່ານ ນາງ ປານີ ຢາທໍ່ຕູ້ ກຳມະການກົມການເມືອງສູນກາງພັກປະທານ ສະພາແຫ່ງຊາດລາວ ພ້ອມດ້ວຍເຈົ້າແຂວງ, ລັດຖະມົນຕີຊ່ວຍວ່າການ, ປະທານ ສຄອ, ປະທານສະມາຄົມຫັດຖະກຳລາວ, ບັນ ດາທຸຕານຸທູດ ແລະ ນັກທຸລະກິດທັງພາຍໃນ ແລະ ຕ່າງປະເທດເຂົ້າຮ່ວມ.

ທ່ານ ນາງ ຈິນດາ ພົມມະສະຖິດ ປະທານສະມາຄົມຫັດຖະກຳລາວ ລາຍງານວ່າ: ງານມະຫະກຳສີມືຫັດຖະກຳແມ່ນບຸນປາງໃຫຍ່ຂອງຊາວຊ່າງຫັດຖະກຳລາວໃນທົ່ວປະເທດເພື່ອໃຫ້ຊາວຊ່າງຫັດຖະກຳຢູ່ເຂດຊົນນະບົດມີໂອກາດໄດ້ພົບປະລູກຄ້າພາຍໃນ ແລະ ຕ່າງປະເທດ, ທີ່ສຳຄັນເປັນການເສີມພັດທະນາຜະລິດຕະພັນທີ່ເປັນເອກະລັກຂອງລາວອອກສູ່ສາຍຕາມະຫາຊົນຜູ້ຊົມໃຊ້. ງານວາງສະແດງສິນຄ້າຫັດຖະກຳປີນີ້ມີຫ້ອງວາງຂາຍສິນຄ້າຫັດຖະກຳທັງຫມົດ 170 ຮ້ານ ແລະ ສິນຄ້າອຸປະໂພກ, ບໍລິໂພກອີກ 100 ກວ່າຫ້ອງ.

ສິນຄ້າສ່ວນໃຫຍ່ທີ່ນຳມາວາງສະແດງແມ່ນຜະລິດຕະພັນແຜ່ນແພ ແລະ ຝ້າຍ; ຜະລິດຕະພັນເຄື່ອງປ່າຂອງດົງທີ່ຂຸດຄົ້ນແບບອະນຸຮັກສິ່ງແວດລ້ອມເຊັ່ນ: ຫວາຍ, ໄມ້ໄຜ່, ໄຍພືດຕ່າງໆ; ຜະລິດຕະພັນຈາກວັດຖຸເສດເຫລືອເຊັ່ນ: ໄມ້ເສດ, ໂລຫະສິນ, ຜະລິດຕະພັນເຄື່ອງເງິນ ແລະ ວັດຖຸມີຄ່າ ເຊັ່ນ: ຄຳຮູບປະພັນ, ເຄື່ອງປະດັບ, ເຄື່ອງທີ່ລະນຶກ; ຜະລິດຕະພັນວັດທະນະທຳເຊັ່ນ: ແກະສະຫລັກໄມ້; ຜະລິດຕະພັນເຄື່ອງປັ້ນດິນເຜົາ... ງານມະຫະກຳສີມືຫັດຖະກຳຄັ້ງນີ້ຈະມີການຈັດກິດຈະກຳ 6 ກິດຈະກຳໃຫຍ່ຄື: ການຈັດວາງ ແລະ ຂາຍສິນຄ້າຫັດຖະກຳລາວ; ກິດຈະກຳປະກວດແຂ່ງຂັນຜະລິດຕະພັນດີເດັ່ນ; ກິດຈະກຳສາທິດການຜະລິດ; ການສຳມະນາ; ກິດຈະກຳເດີນແບບເສື້ອຜ້າອາພອນ ແລະ ເຄື່ອງປະດັບລາວ; ກິດຈະກຳງານເດີນແບບເສື້ອຜ້າອາພອນລາວ.

ທ່ານ ກິດສະຫນາ ວົງໄຊ ປະທານສະພາການຄ້າ ແລະ ອຸດສາຫະກຳແຫ່ງຊາດລາວ ກ່າວວ່າ: ການຈັດງານໃນລັກສະນະນີ້ ບໍ່ພຽວແຕ່ເປັນການຂາຍສິນຄ້າຫັດຖະກຳ ແຕ່ຍັງເປັນເວທີເປີດໂອກາດໃຫ້ຜູ້ປະກອບການປຶກສາຫາລືແລກປ່ຽນບົດຮຽນ ເພື່ອສ້າງມູນຄ່າເພີ່ມໃຫ້ຜະລິດຕະພັນຫັດຖະກຳທີ່ເປັນສິນຄ້າມີເອກະລັກສະຫນອງຜູ້ຊົມໃຊ້ທັງພາຍໃນ ແລະ ເປັນສິນ ຄ້າສົ່ງອອກເອກອ້າງສີມືຄວາມປານີດຂອງຄົນລາວບັນດາເຜົ່າ. ພັກລັດຖະບານພວກເຮົາໄດ້ມີກົນໄກສະຫນັບສະຫນູນຢ່າງຖືກຕ້ອງ ຈິ່ງເຮັດໃຫ້ພູມປັນຍາຊາວບ້ານພົ້ນເດັ່ນຂຶ້ນກາຍເປັນສິນຄ້າສະຫນອງສູ່ຕະຫລາດ ແລະ ສາມາດເວົ້າໄດ້ວ່າວິຊາຊີບຫັດຖະກຳ ເຊິ່ງແຕ່ກ່ອນເປັນອາຊີບເສີມເທົ່ານັ້ນ ແຕ່ມາປະຈຸບັນໄດ້ກາຍເປັນອາຊີບຫລັກສາມາດຂາຍເປັນສິນຄ້າ ແລະ ສ້າງຄວາມສົນໃຈແກ່ນັກທ່ອງທ່ຽວ, ພໍ່ຄ້າຊາວຂາຍຕ່າງປະ ເທດທີ່ມາຢ້ຽມຢາມລາວໄດ້ຢ່າງກວ້າງຂວາງ.

ດັ່ງນັ້ນ ການຈັດງານວາງສະແດງຜະລິດຕະພັນຫັດຖະກຳຈະຊ່ວຍກະຕຸ້ນໃຫ້ຊາວຊ່າງຫັດຖະກຳລາວໄດ້ຕື່ນຕົວສູງຕໍ່ການພັດທະນາສີມືຂອງຕົນ. ສະນັ້ນ ຢາກໃຫ້ມະຫາພາກເພີ່ມຄວາມສຳຄັນໃນການສົ່ງເສີມ, ປົກປັກຮັກສາ ແລະ ຟື້ນຟູສີໄມ້ລາຍມືອັນໂດດເດັ່ນຂອງຊາວຊ່າງຫັດຖະກຳໃຫ້ເປັນມໍລະດົກຢູ່ຄຽງຄູ່ກັບຊາດລາວຕະຫລອດໄປ. (ທ່ານ ກິດສະຫນາກ່າວ); ງານຄັ້ງນີ້ ຈະດຳເນີນໄປຮອດວັນທີ 23 ຕຸລາ 2011 ນີ້.

ພາບແລະເນື້ອຂ່າວຈາກ

Comments: