ຮູບປັ້ນ ເຈົ້າອານຸວົງ ຖືກປະດິດ ສະຖານແລ້ວ

Sunday, May 20th

Last update12:47:10 AM GMT

Headlines

ເຜີຍ! ຄວາມຄືບ ຫນ້າແຜນລາວ-ໄທ ສ້າງຂົວຂ້າມ ສະເພາະລົດໄຟ

ຄວາມອຶດອັດ ຈາກຜົນກະທົບ ຂອງລະເບີດ ທີ່ຍັງບໍ່ທັນແຕກ ຈາກບ້ານແສນອຸດົມ

ຂ້ອຍມີເລື້ອງໜື່ງ ຈະເລົ່າສູ່ຟັງເດີ້ ເພື່ອເປັນອຸທາຫອນ

Special lecture by Sounay Phothisane ການປົດປ່ອຍອຳນາດ (Unlock the Power)

Alexandra Bounxouei MV "My Radio" has released

ເປີດນໍາໃຊ້ ເວັບໄຊອາເຊັມ ຄັ້ງທີ 9 ຢ່າງເປັນທາງການ

PTT to open integrated facility in Vientiane, expand Laos network

ພິດສະໄຫມ ຈັນທະສອນ ຄອງຕໍາແຫນ່ງ ສາວງາມຈໍາປາສັກ 2012

Sounay Phothisane participates ON|OFF event 2011 Jakarta

ລັດ ຈະອອກໃບ ສອງພັນກີບ

ຮູບປັ້ນ ເຈົ້າອານຸວົງ ຖືກປະດິດ ສະຖານແລ້ວ

Monday, 08 November 2010 20:40 Sounay Phothisane

Share

ນັບແຕ່ມື້ນີ້ເປັນຕົ້ນໄປ ຮູບປັ້ນເຈົ້າອານຸວົງທີ່ຫລໍ່ດ້ວຍທອງຫມົດອົງ ແລະ ເປັນຮູບປັ້ນອົງທຳອິດທີ່ມີຂະຫນາດໃຫຍ່ກວ່າຮູບປັ້ນອົງ ອື່ນໆໃນປະເທດລາວ ໄດ້ປະດິດສະຖານເທິງແທ່ນຢ່າງສະຫງ່າຜ່າເຜີຍແລ້ວຢູ່ ສວນສາທາລະນະເຈົ້າອານຸວົງ ເມື່ອໄດ້ມີພິທີປະດິດສະ ຖານ ແລະ ສົມໂພດອະນຸສາວະລີ ເຈົ້າອານຸວົງຂຶ້ນໃນຕອນຄ່ຳວານນີ້ຢ່າງຍິ່ງໃຫຍ່. ເຊິ່ງເປັນກຽດຕີຄ້ອງເກົ້າບາດ ແລະ ເປີດທີ່ມີຢ່າງ ເປັນທາງການຂອງທ່ານ ຈູມມາລີ ໄຊຍະສອນ ປະທານປະເທດແຫ່ງ ສປປ ລາວ ມີບັນດາກົມການເມືອງ, ນາຍົກລັດຖະມົນຕີ, ລັດຖະ ມົນຕີວ່າການ, ຊ່ວຍວ່າການ, ອົງການຈັດຕັ້ງກົງຈັກລັດ ພ້ອມດ້ວຍມວນຊົນທົ່ວນະຄອນຫລວງວຽງຈັນເຂົ້າຮ່ວມຢ່າງຄັບຄາຫນາແຫນ້ນ.

ໃນໂອກາດນີ້ ທ່ານ ສົມສະຫວາດ ເລັ່ງສະຫວັດ ຮອງນາຍົກ ລັດຖະມົນຕີ, ຜູ້ປະຈຳການລັດຖະ ບານ, ປະທານຄະນະກຳມະການ ສະເຫລີມສະຫລອງວຽງຈັນ ເປັນນະຄອນຫລວງຄົບຮອບ 450 ປີ ໄດ້ກ່າວວ່າ: ໂຄງການປັ້ນຫລໍ່ ແລະກໍ່ສ້າງອະນຸສາວະລີເຈົ້າອານຸວົງ ແມ່ນຫນຶ່ງໃນ 21 ໂຄງການທີ່ມີຄວາມຫມາຍຄວາມສຳຄັນອັນເລິກເຊິ່ງທາງປະຫວັດສາດທີ່ຢຶດຫມັ້ນໃນຄວາມຈົງຮັກພັກດີຕໍ່ປະເທດຊາດ ບ້ານເມືອງ.

ໂຄງການດັ່ງກ່າວ ໄດ້ເລີ່ມຕົ້ນມາແຕ່ຕົ້ນປີ 2010 ແລະ ມາຮອດປະຈຸບັນໂຄງການດັ່ງກ່າວ ໄດ້ສຳເລັດແລ້ວ 100% ສ່ວນອະນຸສາ ວະລີຂອງເຈົ້າອານຸວົງ ປະກອບດ້ວຍ 2 ພາກສ່ວນໃຫຍ່ ຄື: ຮູບປັ້ນຫລໍ່ພ້ອມແທ່ນຮັບຮອງ ແລະບໍລິເວນແທ່ນອະນຸສາວະລີທີ່ມີລວງສູງ 14,99 ແມັດ ຖ້າເວົ້າສະເພາະຮູບປັ້ນມີລວງສູງ 8,29 ແມັດ ແທ່ນຮັບຮອງສູງ 5,50 ແມັດ ແລະ ກວ້າງ 5,50 ແມັດ ທີ່ໃຊ້ເວລາພຽງ ແຕ່ 4 ເດືອນເທົ່ານັ້ນໃນການປັ້ນຫລໍ່ກໍ່ສ້າງເສັດຢ່າງສະຫງ່າງາມ.

ໃນຕອນແລງກໍ່ໄດ້ມີການຄົບງັນ ແລະພິທີສົມໂພດຕະຫລອດທັງຄືນ ແລະໃນຕອນເຊົ້າມື້ນີ້ ເປັນການເປີດພະເນດເຈົ້າອານຸວົງ ແລະ ພິທີຕັກບາດ-ຖວາຍສັງຄະທານຕາມປະເພນີ.