ຕະຫລາດນັດ ສະຫມັກງານ ຄຶກຄັກ ນັກສຶກສາຫລາຍ ພັນຄົນໃຫ້ ຄວາມສົນໃຈ

Sunday, May 20th

Last update12:47:10 AM GMT

Headlines

ເຜີຍ! ຄວາມຄືບ ຫນ້າແຜນລາວ-ໄທ ສ້າງຂົວຂ້າມ ສະເພາະລົດໄຟ

ຄວາມອຶດອັດ ຈາກຜົນກະທົບ ຂອງລະເບີດ ທີ່ຍັງບໍ່ທັນແຕກ ຈາກບ້ານແສນອຸດົມ

ຂ້ອຍມີເລື້ອງໜື່ງ ຈະເລົ່າສູ່ຟັງເດີ້ ເພື່ອເປັນອຸທາຫອນ

Special lecture by Sounay Phothisane ການປົດປ່ອຍອຳນາດ (Unlock the Power)

Alexandra Bounxouei MV "My Radio" has released

ເປີດນໍາໃຊ້ ເວັບໄຊອາເຊັມ ຄັ້ງທີ 9 ຢ່າງເປັນທາງການ

PTT to open integrated facility in Vientiane, expand Laos network

ພິດສະໄຫມ ຈັນທະສອນ ຄອງຕໍາແຫນ່ງ ສາວງາມຈໍາປາສັກ 2012

Sounay Phothisane participates ON|OFF event 2011 Jakarta

ລັດ ຈະອອກໃບ ສອງພັນກີບ

ຕະຫລາດນັດ ສະຫມັກງານ ຄຶກຄັກ ນັກສຶກສາຫລາຍ ພັນຄົນໃຫ້ ຄວາມສົນໃຈ

Monday, 01 August 2011 21:22 Sounay Phothisane

Share

ງານຕະຫລາດນັດຮັບສະຫມັກ ງານທີ່ບັນດາຫົວຫນ່ວຍທຸລະກິດ, ບໍລິສັດ, ຫ້າງຮ້ານຕ່າງໆ ແລະ ມະຫາວິທະຍາໄລແຫ່ງຊາດ (ມຊ) ຮ່ວມກັນຈັດຂຶ້ນເພື່ອຈະຄັດເລືອກເອົາບຸກຄະລາ ກອນບັນຈຸເຂົ້າໃນຕຳແຫນ່ງງານຂອງຕົນເຕັມໄປດ້ວຍບັນຍາກາດອັນ ຄຶກຄັກ ເພາະນັກສຶກສາແລະ ມວນຊົນທົ່ວໄປໃຫ້ຄວາມ ສົນໃຈຄາດສອງວັນທີ່ດຳເນີນງານເປີດຕະຫລາດບໍ່ຕ່ຳກວ່າ 6.445 ຄົນ.

ທ່ານ ສົນທະນີ ຫລວງໄຊຊະນະ ຫົວຫນ້າຫ້ອງການຄຸ້ມຄອງນັກສຶກສາມະຫາວິທະຍາໄລແຫ່ງຊາດ (ມຊ) ກ່າວວ່າ: ງານຕະຫລາດນັດຮັບສະຫມັກງານ ແມ່ນຈັດຂຶ້ນເພື່ອອຳນວຍຄວາມສະດວກໃຫ້ແກ່ບັນດາສຳນັກງານ, ອົງການ, ບໍລິສັດ, ຫ້າງຮ້ານທັງພາກລັດ ແລະ ເອກະຊົນ ໃຫ້ມີຄວາມສະດວກໃນການຄັດເລືອກເອົາບຸກຄະລາກອນບັນຈຸເຂົ້າໃນວຽກ ງານຂອງຕົນທັງເປັນການສ້າງຄວາມສະດວກໃຫ້ແກ່ບັນດານັກສຶກສາ ຕະຫລອດຮອດມວນຊົນທົ່ວໄປທີ່ກຳລັງຊອກຫາວຽກເຮັດງານທຳໃນຕຳແຫນ່ງ ທີ່ຖືກກັບວິຊາທີ່ຕົນໄດ້ຮຽນມາ.

ງານດັ່ງກ່າວໄດ້ຈັດຂຶ້ນທີ່ມະຫາວິທະຍາໄລແຫ່ງຊາດເປັນເວລາ 2 ວັນຄື: ວັນທີ 2930 ກໍລະກົດ 2011 ໂດຍມີຜູ້ຕາງຫນ້າບໍລິສັດ, ອົງການຕ່າງໆທີ່ມີຄວາມຕ້ອງການຮັບສະຫມັກພະນັກງານເຂົ້າຮ່ວມທັງ ຫມົດ 17 ພາກສ່ວນ. ເຊິ່ງ ຄາດວ່າ ຕະຫລອດ 2 ວັນທີ່ເປີດ ຕະຫລາດຮັບສະຫມັກງານຈະມີນັກສຶກສາມວນຊົນທົ່ວໄປເຂົ້າມາສະຫມັກ ງານບໍ່ຕ່ຳກວ່າ 6.445 ຄົນໃນຈຳນວນ 55 ສາຂາວິຊາ.

ທ່ານຜູ້ຕາງຫນ້າບໍລິສັດລາວ ອີເທລດທີ່ປຶກສາການລົງທຶນ ຈຳກັດ ກ່າວວ່າ: ບໍລິສັດລາວອີເທລດ ທີ່ປຶກສາການລົງທຶນ ຈຳກັດ ຕ້ອງການພະນັກງານເປັນຈຳນວນຫລວງຫລາຍເນື່ອງຈາກວ່າ ບໍລິສັດຈະມີການຂະຫຍາຍກິດຈະການ ແລະ ຕ້ອງການຜູ້ທີ່ມີຄວາມຮູ້ຄວາມສາມາດຫ້າວຫັນຕໍ່ວຽກງານ ເພື່ອມາຮ່ວມທີມງານຂອງພວກເຮົາໃນຫລາຍຕຳແຫນ່ງ ເຊິ່ງເປົ້າ ຫມາຍທີ່ຈະສະຫມັກພະນັກງານແມ່ນເລີ່ມແຕ່ຜູ້ທີ່ຈົບຊັ້ນກາງ ຂຶ້ນໄປ ໂດຍສະເພາະແມ່ນນັກສຶກສາທີ່ກຳລັງຈະຈົບໃຫມ່ໃນສົກຮຽນນີ້.

ນາງ ມະສອນ ພົມມະສານນັກສຶກສາຄະນະເສດຖະສາດ ແລະ ບໍລິຫານທຸລະກິດມະຫາວິທະຍາໄລແຫ່ງຊາດ (ມຊ) ກ່າວວ່າ: ການທີ່ມາຈັດງານຕະຫລາດນັດຮັບສະຫມັກງານກໍ່ ເປັນການດີອີກຢ່າງຫນຶ່ງ ເພາະມັນສ້າງຄວາມສະດວກໃຫ້ແກ່ບັນດານັກສຶກສາຕະຫລອດຮອດ ເຖິງບຸກຄົນທົ່ວໄປທີ່ກຳລັງຕ້ອງການຊອກຫາວຽກເຮັດງານທຳບໍ່ ຈຳເປັນຕ້ອງໄປຊອກຫາຢູ່ ບ່ອນອື່ນໄກທີ່ສຳຄັນຄືເປັນການບົ່ງບອກໃຫ້ຮູ້ວ່າ ນັກສຶກສາທີ່ຈົບໃນແຕ່ລະປີຍັງມີບັນດາບໍລິສັດ, ຫ້າງຮ້ານ ແລະ ອົງການຈັດຕັ້ງຕ້ອງການ ເພື່ອບັນຈຸເຂົ້າໃນຕຳແຫນ່ງຕ່າງໆຢູ່.

ພາບແລະເນື້ອຂ່າວຈາກ

Comments: