ຄະນະພັກ ຄະນະຜູ້ວ່າການ ທຫລ ສຸມໃສ່ສ້າງ ສະຖາບັນການ ທະນາຄານ ໃຫ້ເປັນສູນກາງ ແຫ່ງການສຶກສາ ທີ່ທັນສະໄຫມ

Sunday, May 20th

Last update12:47:10 AM GMT

Headlines

ເຜີຍ! ຄວາມຄືບ ຫນ້າແຜນລາວ-ໄທ ສ້າງຂົວຂ້າມ ສະເພາະລົດໄຟ

ຄວາມອຶດອັດ ຈາກຜົນກະທົບ ຂອງລະເບີດ ທີ່ຍັງບໍ່ທັນແຕກ ຈາກບ້ານແສນອຸດົມ

ຂ້ອຍມີເລື້ອງໜື່ງ ຈະເລົ່າສູ່ຟັງເດີ້ ເພື່ອເປັນອຸທາຫອນ

Special lecture by Sounay Phothisane ການປົດປ່ອຍອຳນາດ (Unlock the Power)

Alexandra Bounxouei MV "My Radio" has released

ເປີດນໍາໃຊ້ ເວັບໄຊອາເຊັມ ຄັ້ງທີ 9 ຢ່າງເປັນທາງການ

PTT to open integrated facility in Vientiane, expand Laos network

ພິດສະໄຫມ ຈັນທະສອນ ຄອງຕໍາແຫນ່ງ ສາວງາມຈໍາປາສັກ 2012

Sounay Phothisane participates ON|OFF event 2011 Jakarta

ລັດ ຈະອອກໃບ ສອງພັນກີບ

ຄະນະພັກ ຄະນະຜູ້ວ່າການ ທຫລ ສຸມໃສ່ສ້າງ ສະຖາບັນການ ທະນາຄານ ໃຫ້ເປັນສູນກາງ ແຫ່ງການສຶກສາ ທີ່ທັນສະໄຫມ

Wednesday, 16 March 2011 09:43 Sounay Phothisane

Share

ບົນເສັ້ນທາງແຫ່ງການ ພັດທະນາຊັບພະຍາກອນມະນຸດ ແລະ ການປະຕິຮູບການສຶກສາໃນໄລຍະໃຫມ່ໃຫ້ມີຄວາມທັນສະໄຫມ ຕາມແນວທາງນະໂຍບາຍຂອງພັກ ແລະ ລັດຖະ ບານ, ຄະນະພັກຄະນະຜູ້ວ່າການທະນາຄານແຫ່ງ ສປປ ລາວ (ທຫລ) ຍາມໃດກໍ່ໄດ້ໃຫ້ຄວາມສຳຄັນໃນການກໍ່ສ້າງບຸກຄະລາກອນໃຫ້ພຽບພ້ອມ ໄປດ້ວຍຄວາມຮູ້ ມີຄວາມຊ່ຽວຊານດ້ານການທະນາຄານ ເພື່ອເຮັດຫລ້ອນຫນ້າທີ່ ທີ່ພັກ ແລະ ປະເທດຊາດມອບຫມາຍໃຫ້, ທ່ານ ສົມພາວ ໄຟສິດ ຮອງເລຂາຄະນະພັກ, ຮອງຜູ້ວ່າການທະນາຄານໄດ້ເນັ້ນວ່າ: "ສືບຕໍ່ສ້າງໃຫ້ສະຖາບັນການທະນາຄານ (ສທຄ) ກາຍເປັນສູນກາງແຫ່ງການສຶກສາ ແລະ ຄົ້ນຄວ້າດ້ານວິຊາການການເງິນການທະນາຄານໃນ ສປປ ລາວ.

ໃນຕະຫລອດໄລຍະແຫ່ງການກຳເນີດ ແລະ ພັດທະນາ ສທຄ ໃນຜ່ານມາ, ຄະນະພັກຄະນະຜູ້ວ່າການ ທຫລ ໄດ້ສຸມທຶນຮອນຢ່າງຫລວງຫລາຍ ເພື່ອກໍ່ສ້າງພື້ນຖານໂຄງລ່າງໂດຍສະເພາະສ້າງຕຶກອາຄານຮຽນໃຫ້ເປັນ ລະບົບຄົບຊຸດ ແລະ ມາດຕະຖານ, ປະຈຸບັນ ພວມເລ່ງກໍ່ສ້າງໂຄງການຕຶກທະນາຄານຈຳລອງ, ນອກນີ້ ຍັງໄດ້ເອົາໃຈໃສ່ກໍ່ສ້າງຖັນແຖວ ການນຳຂອງ ສທຄ, ຄູອາຈານທາງດ້ານການເມືອງແນວຄິດ ແລະ ການຈັດຕັ້ງຍົກລະດັບຄວາມຮູ້ວິຊາການ ເພື່ອແນໃສ່ເຮັດໃຫ້ການຮຽນການສອນມີຄຸນນະພາບ, ຮັບປະກັນວິໃສທັດຄວາມ ເປັນເລີດໃນດ້ານຕ່າງໆຂອງ ສທຄທ່ານ ນາງ ຄຳພາ ປານມະໄລທອງ ເລຂາຄະນະພັກຮາກຖານ ຫົວຫນ້າອຳນວຍການ ສທຄ ໄດ້ຢືນຢັນຫມາກຜົນແຫ່ງການນຳພາຂອງຄະນະພັກຮາກຖານໃນການກໍ່ສ້າງ ຊັບພະຍາກອນມະນຸດໂດຍໄດ້ສຳເລັດໃນການສ້າງແຜນຍຸດທະສາດ (2010-2020), ສຳເລັດການສຶກສາລະດັບປະລິນຍາໂທ ຊຸດທີ I ຕາມໂຄງການຮ່ວມມືລະ ຫວ່າງ ສທຄ ລາວ ແລະ ສທຄ ຫວຽດນາມ, ນອກນີ້ ກໍ່ໄດ້ຈັດຕັ້ງການຮຽນການສອນຕາມປະຕິທິນການສຶກສາ, ສາມາດສ້າງໄດ້ບຸກຄະລາກອນຮັບໃຊ້ສັງຄົມເປັນຈຳນວນ 2.500 ຄົນ.

ໃນສົກຮຽນປີ 2010-2011 ນີ້, ຍັງຈະສືບຕໍ່ການຮຽນການສອນລະດັບຊັ້ນສູງ ແລະ ປະລິນຍາຕີໃນທຸກລະບົບ, ສືບຕໍ່ໂຄງການສອນຫລັກສູດຕໍ່ເນື່ອງປະລິນຍາຕີ, ກະກຽມເງື່ອນໄຂ ແລະ ຄວາມພ້ອມໃນໂຄງການສຶກສາໃນລະດັບປະລິນຍາເອກ ໂດຍການຮ່ວມມືກັບ ສທຄ ຫວຽດນາມ, ເອົາໃຈໃສ່ສ້າງຫລັກສູດພິເສດສະເພາະດ້ານ ເພື່ອຝຶກອົບຮົມພະນັກງານທະນາ ຄານທີ່ຮຽນວິຊາອື່ນ, ສືບຕໍ່ຈັດຕັ້ງປະຕິບັດຂໍ້ຕົກລົງຮ່ວມມືການສຶກສາລະດັບປະລິນຍາ ໂທກັບ ສທຄ ຫວຽດນາມ, ສູ້ຊົນສ້າງຫລັກສູດການກໍ່ສ້າງວິຊາການດ້ານຕະຫລາດຫລັກຊັບ ແລະ ປັບປຸງພື້ນຖານໂຄງລ່າງຂອງ ສທຄ, ປັບປຸງຫລັກສູດ ແລະ ສ້າງແບບແຜນການຮຽນການສອນຄວບຄູ່ກັບການນຳໃຊ້ເຄື່ອງມືທີ່ທັນ ສະໄຫມ ທັງນີ້ ກໍ່ເພື່ອຕອບສະຫນອງກັບຫນ້າທີ່ການ ເມືອງຂອງພັກ ແລະ ລັດໃນການຫັນໄປສູ່ຄວາມທັນສະໄຫມໃນດ້ານທະນາຄານ.

ພາບແລະເນື້ອຂ່າວຈາກ

Comments: