ເຜີຍ! ຄວາມຄືບ ຫນ້າແຜນລາວ-ໄທ ສ້າງຂົວຂ້າມ ສະເພາະລົດໄຟ

Sunday, May 20th

Last update12:47:10 AM GMT

Headlines

ຄວາມອຶດອັດ ຈາກຜົນກະທົບ ຂອງລະເບີດ ທີ່ຍັງບໍ່ທັນແຕກ ຈາກບ້ານແສນອຸດົມ

ຂ້ອຍມີເລື້ອງໜື່ງ ຈະເລົ່າສູ່ຟັງເດີ້ ເພື່ອເປັນອຸທາຫອນ

Special lecture by Sounay Phothisane ການປົດປ່ອຍອຳນາດ (Unlock the Power)

Alexandra Bounxouei MV "My Radio" has released

ເປີດນໍາໃຊ້ ເວັບໄຊອາເຊັມ ຄັ້ງທີ 9 ຢ່າງເປັນທາງການ

PTT to open integrated facility in Vientiane, expand Laos network

ພິດສະໄຫມ ຈັນທະສອນ ຄອງຕໍາແຫນ່ງ ສາວງາມຈໍາປາສັກ 2012

Sounay Phothisane participates ON|OFF event 2011 Jakarta

ລັດ ຈະອອກໃບ ສອງພັນກີບ

ເຜີຍ! ຄວາມຄືບ ຫນ້າແຜນລາວ-ໄທ ສ້າງຂົວຂ້າມ ສະເພາະລົດໄຟ

Thursday, 16 February 2012 20:21 Sounay Phothisane

Share

ແຜນລັດຖະບານລາວ-ໄທທີ່ຢາກສ້າງຂົວສະເພາະລົດໄຟ ຂ້າມໄດ້ມີແນວຄິດລິເລີ່ມຫລັງເປີດນຳໃຊ້ລົດໄຟລະຫວ່າງລາວ-ໄທຂ້າມ ຂົວມິດຕະພາບ 1 ທີ່ບໍລິເວນເມືອງຫາດຊາຍຟອງ ນະຄອນຫລວງວຽງຈັນໄດ້ພຽງ 2 ປີ ຫລື ປະມານຕົ້ນປີ 2011 ເຫັນວ່າພົບຄວາມຫຍຸ້ງຍາກຫລາຍ ເຖິງແມ່ນວ່າຜ່ານມາ ການນຳໃຊ້ລົດໄຟທີ່ແລ່ນຕາມລາງກາງຂົວມິດຕະພາບ 1 ຈະມີພຽງ 2 ຖ້ຽວຕໍ່ມື້ກໍ່ຕາມ.

ໂດຍແຕ່ລະຖ້ຽວກ່ອນລົດໄຟຈະເຂົ້າຂົວຕ້ອງໄດ້ຢຸດການແລ່ນຂອງລົດ ຕ່າງໆຢູ່ສົ້ນຂົວທັງສອງເບື້ອງໄວ້ຈົນກວ່າລົດໄຟຈະແລ່ນຜ່ານໃຊ້ ເວລາຢ່າງຊ້າປະມານ 15 ນາທີຕໍ່ຖ້ຽວອັນໄດ້ ເຮັດໃຫ້ຂະບວນລົດຕາມສົ້ນຂົວແອອັດ ແລະ ໃນອະນາຄົດຫາກມີການຂົນສົ່ງສິນຄ້າ ຫລື ເພີ່ມຖ້ຽວລົດໄຟອອກອີກຍິ່ງຈະພົບຄວາມຫຍຸ້ງຍາກຂຶ້ນຕື່ມ.

ແນວໃດກໍ່ດີ ເມື່ອບໍ່ດົນມານີ້ ທ່ານ ສົມສະນະ ລາດສະພົງ ຫົວຫນ້າກອງຄຸ້ມຄອງສະຖານີລົດໄຟທ່ານາແລ້ງເປີດເຜີຍຕໍ່ທີມຂ່າວ ເສດຖະກິດວ່າ: ແຜນດັ່ງກ່າວ ແມ່ນນອນຢູ່ໃນແຜນຍຸດທະສາດທີ່ທາງລັດຖະບານ ມອບໃຫ້ກັບກະຊວງໂຍທາທິການ ແລະ ຂົນສົ່ງເປັນຜູ້ຈັດຕັ້ງປະຕິບັດ ໂດຍມາຮອດປະຈຸບັນ ຫວັງໄດ້ມີການຫາລືກັນຫລາຍຄັ້ງປະຈຸບັນລັດຖະບານລາວ-ໄທຕົກລົງ ກັນໄດ້ແລ້ວໃນການ ເລືອກສະຖານທີ່ຂອງຂົວ ໂດຍສອງຝ່າຍໄດ້ກຳນົດເອົາເບື້ອງ ໃຕ້ຂອງແລວນ້ຳໄຫລຫ່າງຈາກຂົວມິດຕະພາບປະມານ 30 ແມັດ.

ສຳລັບວັນເວລາທີ່ຈະລົງມືກໍ່ສ້າງ ແລະ ມູນຄ່າແມ່ນຍັງບໍ່ຈະແຈ້ງເທື່ອເນື່ອງຈາກໂຄງການດັ່ງກ່າວຕ້ອງສຶກ ສາຄົ້ນຄວ້າ ແລະ ສຳຫລວດອອກແບບແຜນຜັງຢ່າງລະອຽດເສຍກ່ອນ ແຕ່ຄາດວ່າການລົງທຶນອາດຝ່າຍລະ 50% ແລະ ກໍ່ຈະໃຫ້ສຳເລັດ ພ້ອມກັບໂຄງການລົດໄຟຟ້າຄວາມໄວສູງລາວ-ຈີນໃນປີ 2015.

ສ່ວນລາງທີ່ຈະສ້າງຂຶ້ນໃຫມ່ ທ່ານ ສົມສະນະ ລາດສະພົງ ແຈ້ງວ່າ: ແມ່ນລາງໄດ້ມາດຖານສາກົນ ຫລື ລະດັບລົດໄຟ ຟ້າລາວ-ຈີນມີ 2 ລະບົບ (ແຕ່ໃນລາງດຽວມີ 3 ເສັ້ນ) ຄື: ລະບົບລາງສອງເສັ້ນໃຊ້ສະເພາະລົດໄຟທຳມະດາ ແລະ 3 ເສັ້ນໃຊ້ສະເພາະລົດໄຟຟ້າຄວາມໄວສູງ.

ຢ່າງໃດກໍ່ຕາມ ອີງຂ່າວທີ່ໄດ້ນຳສະເຫນີກ່ອນຫນ້ານີ້ ລະບຸວ່າ: ແຜນທີ່ຈະສ້າງທາງລົດໄຟໄລຍະສອງທີ່ລັດຖະບານເປັນຜູ້ລົງທຶນກ່ອນ ຄວາມຍາວ ປະມານ 9 ກິໂລແມັດ ຈາກສະຖານີລົດໄຟທ່ານາແລ້ງຫາບ້ານຄຳສະຫວາດ ເມືອງໄຊເຊດຖາ ນະຄອນຫລວງວຽງຈັນເຊິ່ງເປັນຈຸດໃຈກາງເມືອງທີ່ຈະເອີ້ນລູກຄ້າເຂົ້າ ໃຊ້ບໍລິການລົດໄຟໃຫ້ເພີ່ມຂຶ້ນໄດ້ ແຕ່ໂຄງການດັ່ງກ່າວ ກໍ່ຖືກສັ່ງໂຈະ ໂດຍຈະນຳເອົາແຜນທຶນໂຄງການດັ່ງກ່າວ ໄປສ້າງສາງເກັບມ້ຽນສິນຄ້າກ່ອນ.

ຂະນະທີ່ ປີນີ້ລົດໄຟລາວເລີ່ມມີບັນຍາກາດຄຶກຄື້ນລູກຄ້າທີ່ມາໃຊ້ ບໍລິການມີລັກສະເພີ່ມຂຶ້ນ ສະເລ່ຍທັງຂາເຂົ້າ ແລະ ອອກປະມານ 70-100 ຄົນຕໍ່ວັນ.

ສະເພາະປີກາຍ ມີຜູ້ໃຊ້ບໍລິການທັງຫມົດ 30 ພັນກວ່າຄົນ ໃນນີ້ 90% ແມ່ນລູກຄ້າຕ່າງປະເທດ ແຕ່ທຽບໃສ່ຕົວເລກປີກ່ອນ ເພີ່ມຂຶ້ນເລັກນ້ອຍທີ່ມີບໍ່ເຖິງ 30 ພັນຄົນ ແລະ ຄາດວ່າຫາກຂົວຂ້າມສະເພາະລົດໄຟສຳເລັດຜູ້ໂດຍສານທີ່ມາໃຊ້ ບໍລິການຈະເພີ່ມສູງຂຶ້ນກວ່ານີ້ແນ່ນອນ ໂດຍສະເພາະແມ່ນລູກຄ້າພາຍໃນ.

ພາບແລະເນື້ອຂ່າວຈາກ

Comments: