ການຜະລິດ ເປັນສິນຄ້າສະຫວັນນະເຂດ ໄປໄດ້ງາມ ນັກລົງທຶນສົນໃຈສ້າງ ໂຮງງານປຸງແຕ່ງ ໃຫມ່ຫລາຍແຫ່ງ

Sunday, May 20th

Last update12:47:10 AM GMT

Headlines

ເຜີຍ! ຄວາມຄືບ ຫນ້າແຜນລາວ-ໄທ ສ້າງຂົວຂ້າມ ສະເພາະລົດໄຟ

ຄວາມອຶດອັດ ຈາກຜົນກະທົບ ຂອງລະເບີດ ທີ່ຍັງບໍ່ທັນແຕກ ຈາກບ້ານແສນອຸດົມ

ຂ້ອຍມີເລື້ອງໜື່ງ ຈະເລົ່າສູ່ຟັງເດີ້ ເພື່ອເປັນອຸທາຫອນ

Special lecture by Sounay Phothisane ການປົດປ່ອຍອຳນາດ (Unlock the Power)

Alexandra Bounxouei MV "My Radio" has released

ເປີດນໍາໃຊ້ ເວັບໄຊອາເຊັມ ຄັ້ງທີ 9 ຢ່າງເປັນທາງການ

PTT to open integrated facility in Vientiane, expand Laos network

ພິດສະໄຫມ ຈັນທະສອນ ຄອງຕໍາແຫນ່ງ ສາວງາມຈໍາປາສັກ 2012

Sounay Phothisane participates ON|OFF event 2011 Jakarta

ລັດ ຈະອອກໃບ ສອງພັນກີບ

ການຜະລິດ ເປັນສິນຄ້າສະຫວັນນະເຂດ ໄປໄດ້ງາມ ນັກລົງທຶນສົນໃຈສ້າງ ໂຮງງານປຸງແຕ່ງ ໃຫມ່ຫລາຍແຫ່ງ

Monday, 21 March 2011 23:01 Sounay Phothisane

Share

ການຜະລິດກະສິກຳເປັນສິນຄ້າ ຕິດພັນກັບອຸດສາຫະກຳປຸງແຕ່ງຕາມທິດຫັນເປັນອຸດສາຫະກຳ ແລະ ທັນສະໄຫມແຂວງສະຫວັນນະເຂດຂະຫຍາຍການຜະລິດເປັນສິນຄ້າປະຊາຊົນ ພໍໃຈຕໍ່ລາຍໄດ້ຈາກການຜະລິດ ເຮັດໃຫ້ນັກລົງທຶນທັງໃນ ແລະ ຕ່າງປະເທດຈັບຕາທີ່ຈະເຂົ້າມາສ້າງຕັ້ງໂຮງງານອຸດສາຫະກຳທັນ ສະໄຫມຂຶ້ນໃຫມ່ຫລາຍແຫ່ງ.

ຕາມການລາຍງານຂອງສະ ຫາຍ ວິໄລວັນ ພົມເຂ ເລຂາພັກ ຄະນະບໍລິຫານພັກແຂວງ, ເຈົ້າແຂວງສະຫວັນນະເຂດ ຕໍ່ກອງປະຊຸມໃຫຍ່ຄັ້ງທີ IX ຂອງພັກ ເມື່ອຕອນບ່າຍວັນທີ 17 ມີນາຜ່ານມານີ້ ໃຫ້ຮູ້ວ່າ: ການສົ່ງເສີມການຜະລິດເປັນສິນຄ້າຕິດພັນກັບອຸດສາຫະກຳປຸງແຕ່ງ ຕາມທິດຫັນເປັນອຸດສາຫະກຳ ແລະທັນສະໄຫມໃນປະຈຸບັນທົ່ວແຂວງສະຫວັນນະເຂດ ມີການຂະຫຍາຍຕົວຢ່າງກວ້າງຂວາງລົງເຖິງຂັ້ນບ້ານ ແລະກຸ່ມບ້ານຈົນກາຍເປັນຂະບວນ; ອັນພົ້ນເດັ່ນແມ່ນເນື້ອທີ່ທຳການຜະລິດທົ່ວແຂວງມີການຂະຫຍາຍຕົວ ເຊັ່ນ: ໃນປີ 2005 ເນື້ອ ທີ່ນາປີມີ 137 ພັນກວ່າເຮັກຕາ ແລະ ນາແຊງ 25 ພັນກວ່າເຮັກຕາ ມາຮອດປີ 2010 ມີເນື້ອທີ່ນາປີເຖິງ 160 ພັນກວ່າເຮັກຕາ ແລະ ນາແຊງ 29 ພັນກວ່າເຮັກຕາຜົນຜະລິດເຂົ້າສະເລ່ຍໃສ່ຫົວຄົນໄດ້ 716 ກິໂລກຣາມ ຕໍ່ຄົນ ແລະ ພ້ອມດຽວກັນນີ້ ກໍ່ມີເນື້ອທີ່ປູກອ້ອຍຂອງ 2 ບໍລິສັດຜູ້ລົງທຶນ 15 ພັນກວ່າເຮັກຕາ ໂດຍການເຂົ້າຮ່ວມຂອງປະຊາຊົນແບບ 2+3 ມີເນື້ອທີ່ປູກ 3 ພັນກວ່າເຮັກຕາ ປູກໄມ້ວິກຂອງບໍລິສັດ 21 ພັນກວ່າເຮັກຕາ, ເນື້ອທີ່ປະຊາຊົນເຂົ້າຮ່ວມ 2+3 ມີ 7 ພັນກວ່າເຮັກຕາ, ປູກຢາງພາລາ 8 ພັນກວ່າເຮັກຕາປະຊາຊົນເຂົ້າ ຮ່ວມ 2+3 ມີ 1 ພັນກວ່າ ເຮັກຕາ, ມັນຕົ້ນມີ 6 ຮ້ອຍກວ່າເຮັກຕາ (ບໍລິສັດຍັງບໍ່ທັນໄດ້ສົ່ງເສີມປະຊາຊົນປູກ 2+3), ການປູກຢາສູບຂອງປະຊາຊົນມີ 1 ພັນກວ່າເຮັກຕາ ນອກຈາກ ນີ້ ຍັງມີການລ້ຽງຫມູ, ງົວ, ຄວາຍເປັນຟາມ ແລະ ປູກຫມາກເລັ່ນ ແລະ ພືດຜັກອື່ນໆເປັນສິນຄ້າ 18 ພັນກວ່າເຮັກຕາ.

ແນວໃດກໍ່ຕາມ ທ່ານເລຂາພັກຄະນະບໍລິຫານງານພັກແຂວງເຈົ້າແຂວງສະຫວັນນະເຂດ ຍອມຮັບວ່າ: ໃນການຈັດຕັ້ງປະຕິບັດວຽກງານດັ່ງກ່າວ ເບື້ອງຕົ້ນເຫັນວ່າພົບຄວາມຫຍຸ້ງຍາກຫລາຍປະການ ເນື່ອງຈາກປະຊາຊົນບໍ່ມີປະສົບການເຮັດການຜະລິດແບບຂະຫນາດໃຫຍ່ ເປັນຕົ້ນແມ່ນບໍ່ເຄີຍປູກພືດຈຳນວນຫລາຍຮ້ອຍເຮັກຕາ ຫາກເຄີຍພຽງແຕ່ປູກເພື່ອກຸ້ມກິນ, ຮັບໃຊ້ສະເພາະພາຍໃນຄອບຄົວ ແລະ ມີສ່ວນເຫລືອຫນ້ອຍຫນຶ່ງຂາຍອອກເທົ່ານັ້ນ, ເຂົາເຈົ້າບໍ່ທັນໂລ່ງໃຈຄວາມລະແວງສົງໃສໃນຮູບການລົງທຶນຂອງ ຕ່າງປະເທດ, ການປຸກລະດົມນຳໃຊ້ ເຕັກນິກສະໄຫມໃຫມ່ເຂົ້າໃນການຜະລິດແມ່ນມີຄວາມຫຍຸ້ງຍາກຫລາຍ ຍ້ອນການປູກພືດຜ່ານມາ ອາໄສທຳມະຊາດເປັນຫລັກ, ການອອກແຮງງານບໍ່ເຕັມເມັດ ແຕ່ຜັດຕ້ອງການຄ່າຕອບແທນສູງ ເຊິ່ງເປັນບັນຫາຫນຶ່ງທີ່ກໍ່ໃຫ້ເກີດຄວາມຂັດແຍ່ງລະຫວ່າງຜູ້ ອອກແຮງງານກັບບໍລິສັດຜູ້ລົງທຶນໄປ ພ້ອມກັນນີ້ກໍ່ຍັງມີກຸ່ມຄົນບໍ່ດີຈຳນວນຫນຶ່ງຍຸແຍ່ປະຊາຊົນ ສ້າງຄວາມສັບສົນໃຫ້ ແກ່ພາກລັດ ແລະ ບໍລິສັດເປັນຕົ້ນບັນຫາຂໍ້ຂັດແຍ່ງທາງທີ່ດິນທີ່ບໍ່ຖືກ ລະບຽບການ.

ຢ່າງໃດກໍ່ດີ ເມື່ອເກີດມີບັນຫາຄືແນວນີ້ທາງແຂວງ ໂດຍອີງຕາມການຊີ້ນຳຂອງກົມການເມືອງສູນກາງພັກ ແລະ ລັດຖະບານໄດ້ສືບຕໍ່ເອົາພະນັກງານລົງກໍ່ສ້າງຮາກຖານຢູ່ບ້ານ ແລະ ກຸ່ມບ້ານຢ່າງລຽນຕິດໂຄສະນາເຜີຍແຜ່ປຸກລະດົມປະຊາຊົນແລະບໍລິສັດ ຜູ້ລົງທຶນໃຫ້ເຂົ້າຢ່າງເລິກ ເຊິ່ງຕໍ່ແນວທາງນະໂຍບາຍຂອງພັກລັດກ່ຽວກັບການລົບລ້າງຄວາມທຸກຍາກ ຢ່າງຕໍ່ເນື່ອງ ເຮັດໃຫ້ສະພາບການ ແລະ ບັນດາຄວາມຫຍຸ້ງຍາກຄ່ອຍໆຫລຸດລົງເທື່ອລະກ້າວໃນປີ 2007 ອັນສຳຄັນແມ່ນປະຊາຊົນມີຄວາມເບີກບານມ່ວນຊື່ນຕໍ່ຫມາກຜົນຂອງການ ຜະລິດ ແລະລາຍ ໄດ້ທີ່ໄດ້ຮັບຈາກການຂາຍຜະລິດຕະພັນກະສິກຳເປັນວັດຖຸດິບປ້ອນ ໂຮງງານອຸດສາຫະກຳ.

ຈາກຄວາມກະຕືລືລົ້ນຂອງ ຊາຊົນໃນການຜະລິດກະສິກຳປ້ອນໂຮງງານເພີ່ມຂຶ້ນທາງບໍລິສັດຜູ້ ລົງທຶນທັງພາຍໃນ ແລະ ຕ່າງປະເທດໄດ້ມີຄວາມສົນໃຈສ້າງຕັ້ງໂຮງງານອຸດສາຫະກຳປຸງແຕ່ງທີ່ ທັນສະໄຫມຂຶ້ນໃຫມ່ຫລາຍແຫ່ງ ອັນພົ້ນເດັ່ນແມ່ນໂຮງງານຜະລິດນ້ຳຕານຊາຍສຳເລັດຮູບ 2 ແຫ່ງ ທີ່ຈະນຳເອົາວິທີການການຜະລິດທີ່ທັນສະໄຫມປຸງແຕ່ງອ້ອຍເປັນ ນ້ຳຕານຊາຍສຳເລັດຮູບ ສົ່ງຈຳຫນ່າຍໄປຕະຫລາດຕ່າງປະເທດ ມີກຳລັງການຜະລິດສາມແສນຫາຫ້າແສນໂຕນຕໍ່ປີ (ຜົນຜະລິດຜ່ານມາໄດ້ 381.000 ໂຕນ) ໂຮງງານຜະລິດສາຍໄຟທອງແດງ ໂດຍນຳໃຊ້ທອງແດງທີ່ຜະລິດໄດ້ຈາກໂຄງການຂຸດຄົ້ນບໍ່ຄຳທອງແດງ ເມືອງວິລະບູລີມາປຸງແຕ່ງເປັນສາຍໄຟຟ້າສົ່ງອອກ ແລະ ໃນມໍ່ໆນີ້ ກຳລັງກໍ່ສ້າງໂຮງງານອຸດສາຫະກຳທັນສະໄຫມຂະຫນາດໃຫຍ່ ເພື່ອປຸງແຕ່ງຜະລິດຕະພັນໄມ້ວິກເປັນໃຍສັງເຄາະ ແລະ ຜະລິດເຈ້ຍຂອງນັກລົງທຶນຕ່າງປະເທດ 2 ແຫ່ງຈາກຈີນ ແລະ ອິນເດຍ, ໂຮງງານປຸງແຕ່ງມັນຕົ້ນ, ປຸງແຕ່ງກົ່ວສົ່ງອອກ, ປຸງແຕ່ງຫີນກາວ, ໂຮງງານຜະລິດເຄື່ອງອາໄຫລ່ຍົນໂບອິງ, ໂຮງງານປະກອບລົດຈັກ ແລະ ລົດໂອໂຕ, ໂຮງງານຜະລິດເຄື່ອງປະກອບກ້ອງຖ່າຍຮູບ (ແຄນນອນ), ໂຮງ ງານສະບູຝຸ່ນຊີວະພາບ 2 ແຫ່ງ, ໂຮງງານຜະລິດເຫລັກເສັ້ນເຫລັກຮູບປະພັນ, ໂຮງງານເບຍສະຫວັນແລະນ້ຳດື່ມ, ໂຮງງານຖົງຢາງປຣາສະຕິກ ແລະໂຮງງານສີເຂົ້າທັນສະໄຫມ ໂດຍ ລວມທັງຫມົດທົ່ວແຂວງມີໂຮງງານປຸງແຕ່ງທັງຫມົດ 2 ພັນກວ່າແຫ່ງ.

ພາບແລະເນື້ອຂ່າວຈາກ

Comments: