ຮົງກາລີ ຈະໃຫ້ເງິນ ກູ້ຢືມບໍ່ມີດອກເບ້ຍ 40 ລ້ານໂດລາແກ່ລາວ

Sunday, May 20th

Last update12:47:10 AM GMT

Headlines

ເຜີຍ! ຄວາມຄືບ ຫນ້າແຜນລາວ-ໄທ ສ້າງຂົວຂ້າມ ສະເພາະລົດໄຟ

ຄວາມອຶດອັດ ຈາກຜົນກະທົບ ຂອງລະເບີດ ທີ່ຍັງບໍ່ທັນແຕກ ຈາກບ້ານແສນອຸດົມ

ຂ້ອຍມີເລື້ອງໜື່ງ ຈະເລົ່າສູ່ຟັງເດີ້ ເພື່ອເປັນອຸທາຫອນ

Special lecture by Sounay Phothisane ການປົດປ່ອຍອຳນາດ (Unlock the Power)

Alexandra Bounxouei MV "My Radio" has released

ເປີດນໍາໃຊ້ ເວັບໄຊອາເຊັມ ຄັ້ງທີ 9 ຢ່າງເປັນທາງການ

PTT to open integrated facility in Vientiane, expand Laos network

ພິດສະໄຫມ ຈັນທະສອນ ຄອງຕໍາແຫນ່ງ ສາວງາມຈໍາປາສັກ 2012

Sounay Phothisane participates ON|OFF event 2011 Jakarta

ລັດ ຈະອອກໃບ ສອງພັນກີບ

ຮົງກາລີ ຈະໃຫ້ເງິນ ກູ້ຢືມບໍ່ມີດອກເບ້ຍ 40 ລ້ານໂດລາແກ່ລາວ

Wednesday, 06 April 2011 13:39 Sounay Phothisane

Share

ຕອນບ່າຍວານນີ້ ທີ່ກະຊວງການຕ່າງປະເທດ, ທ່ານ ດຣ. ທອງລຸນ ສີສຸລິດ ຮອງນາຍົກລັດຖະມົນຕີ ລັດຖະມົນຕີວ່າການກະຊວງການຕ່າງປະເທດໄດ້ຮັບການເຂົ້າຢ້ຽມ ຂ່ຳນັບຂອງ ທ່ານ Balazs Botos ລັດຖະມົນຕີຊ່ວຍວ່າການກະຊວງເສດຖະກິດແຫ່ງຊາດ ສ.ຮົງກາລີ ເນື່ອງໃນໂອກາດເດີນທາງມາຢ້ຽມຢາມລາວໃນລະຫວ່າງວັນທີ 46 ເມສາ 2011.

ໃນການໂອ້ລົມສົນທະນາສອງຝ່າຍໄດ້ສະແດງຄວາມເພິ່ງພໍໃຈຕໍ່ການ ພົວພັນ ແລະ ຮ່ວມມືລະຫວ່າງ ສປປ ລາວ ແລະ ສາທາລະນະລັດ ຮົງກາລີ ໃນຂອບສອງຝ່າຍກໍ່ຄືໃນເວທີສາ ກົນ, ທ່ານ Botos ໄດ້ແຈ້ງໃຫ້ຊາບກ່ຽວກັບຜົນສຳເລັດຂອງການຮ່ວມມືສອງຝ່າຍ ໂດຍສະເພາະແມ່ນການຮ່ວມມືທາງດ້ານກະສິກຳ, ເຊິ່ງໃນໄລຍະຜ່ານມາ ຮົງກາລີ ໄດ້ໃຫ້ເງິນກູ້ບໍ່ມີດອກເບ້ຍແກ່ລາວ ມູນຄ່າ 8,6 ລ້ານໂດລາສະຫະລັດ ແລະໃນໂອກາດຢ້ຽມຢາມລາວຄັ້ງນີ້, ສອງຝ່າຍກໍ່ໄດ້ຕົກລົງທີ່ຈະເຊັນສັນຍາຂອບການຮ່ວມມືດ້ານການ ເງິນນຳກັນຢູ່ຮົງກາລີໃນອະ ນາຄົດອັນໃກ້ນີ້ ເຊິ່ງລັດຖະບານຮົງກາລີ ຈະໃຫ້ເງິນກູ້ຢືມໂດຍບໍ່ມີດອກເບ້ຍແກ່ລາວຕື່ມອີກ ເປັນມູນຄ່າ 40 ລ້ານໂດລາສະຫະລັດ ໃນກຳນົດ 18 ປີ ເພື່ອນຳໃຊ້ເຂົ້າໃນການພັດທະນາຂະແຫນງກະສິກຳຂອງລາວ ເມື່ອໃດສອງຝ່າຍໄດ້ສຳເລັດຂັ້ນຕອນຕ່າງໆ ທາງດ້ານກົດຫມາຍ, ພ້ອມກັນນັ້ນ ກໍ່ໄດ້ປຶກສາຫາລື ເຖິງຄວາມເປັນໄປໄດ້ໃນການເສີມຂະຫຍາຍການຮ່ວມມືໃນດ້ານອື່ນໆ ເປັນຕົ້ນແມ່ນສາທາລະນະສຸກ, ການສຶກສາ ແລະ ທ່ອງທ່ຽວ.

ໃນໂອກາດນີ້ ທ່ານຮອງນາຍົກລັດຖະມົນຕີ, ລັດຖະມົນຕີວ່າການກະຊວງການຕ່າງປະເທດກໍ່ໄດ້ສະແດງຄວາມຂອບໃຈ ຕໍ່ການຊ່ວຍເຫລືອອັນໃຫຍ່ຫລວງ ແລະມີປະສິດທິຜົນດັ່ງກ່າວ ຂອງລັດຖະບານຮົງກາລີ ອັນເປັນການປະກອບສ່ວນທີ່ສຳຄັນເຂົ້າໃນການສ້າງສາພັດທະນາຢູ່ ສປປ ລາວ ເປັນຕົ້ນແມ່ນທາງດ້ານກະສິກຳ; ພ້ອມກັນນີ້ ທ່ານກໍ່ໄດ້ສະແດງຄວາມຊົມເຊີຍຕໍ່ລັດຖະບານຮົງກາລີ ທີ່ໄດ້ຮັບກຽດເປັນປະທານ ASEM ໃນປີ 2011 ນີ້ ແລະ ອວຍພອນໃຫ້ກອງປະຊຸມລະດັບລັດຖະມົນຕີການຕ່າງປະເທດ ASEM ທີ່ຈະຈັດຂຶ້ນຢູ່ບູດາ ແປສ໌ ໃນເດືອນມິຖຸນານີ້ ຈົ່ງປະສົບຜົນສຳເລັດຢ່າງຈົບງາມ.

ພາບແລະເນື້ອຂ່າວຈາກ

Comments: