ເອດີບີໃຫ້ ທຶນອີກ 55 ລ້ານໂດລາ ປັບປຸງ 3 ໂຄງການໃຫຍ່

Sunday, May 20th

Last update12:47:10 AM GMT

Headlines

ເຜີຍ! ຄວາມຄືບ ຫນ້າແຜນລາວ-ໄທ ສ້າງຂົວຂ້າມ ສະເພາະລົດໄຟ

ຄວາມອຶດອັດ ຈາກຜົນກະທົບ ຂອງລະເບີດ ທີ່ຍັງບໍ່ທັນແຕກ ຈາກບ້ານແສນອຸດົມ

ຂ້ອຍມີເລື້ອງໜື່ງ ຈະເລົ່າສູ່ຟັງເດີ້ ເພື່ອເປັນອຸທາຫອນ

Special lecture by Sounay Phothisane ການປົດປ່ອຍອຳນາດ (Unlock the Power)

Alexandra Bounxouei MV "My Radio" has released

ເປີດນໍາໃຊ້ ເວັບໄຊອາເຊັມ ຄັ້ງທີ 9 ຢ່າງເປັນທາງການ

PTT to open integrated facility in Vientiane, expand Laos network

ພິດສະໄຫມ ຈັນທະສອນ ຄອງຕໍາແຫນ່ງ ສາວງາມຈໍາປາສັກ 2012

Sounay Phothisane participates ON|OFF event 2011 Jakarta

ລັດ ຈະອອກໃບ ສອງພັນກີບ

ເອດີບີໃຫ້ ທຶນອີກ 55 ລ້ານໂດລາ ປັບປຸງ 3 ໂຄງການໃຫຍ່

Saturday, 11 December 2010 16:05 Sounay Phothisane

Share

ທະນາຄານພັດທະນາອາຊີ (ເອດີບີ) ສືບຕໍ່ໃຫ້ການຊ່ວຍເຫລືອລ້າແກ່ລາວຈຳນວນ 55 ລ້ານໂດລາສະຫະລັດ ເຊິ່ງຈະນຳໃຊ້ເຂົ້າໃນ ການປັບປຸງພັດທະນາ 3 ໂຄງການໃຫຍ່ຂອງລັດຖະບານ ໂດຍມີໂຄງການຄວບຄຸມພະຍາດຕິດຕໍ່ໄລຍະ 2 ປັບປຸງຕາຫນ່າງຂົນສົ່ງຕອນ ເຫນືອ ແລະ ພັດທະນາໂຄງລ່າງຊົນນະບົດພາກເຫນືອ ເພື່ອເຮັດໃຫ້ການຈັດຕັ້ງປະຕິບັດເກີດມີປະສິດທິຜົນ.

ທ່ານ ສົມດີ ດວງດີ ລັດຖະມົນຕີວ່າການກະຊວງການເງິນກ່າວວ່າ: ນັບແຕ່ປີ 2005 ເປັນຕົ້ນມາລັດຖະບານໄດ້ຈັດຕັ້ງປະຕິບັດໂຄງ ການຄວບຄຸມພະຍາດຕິດຕໍ່ຮ່ວມກັບປະເທດເພື່ອນບ້ານໃນອະນຸພາກພື້ນແມ່ນ້ຳຂອງ ເພື່ອສ້າງລະບົບເຝົ້າລະວັງ ແລະ ຄວບຄຸມການແພ່ ລະບາດຂອງພະຍາດຕິດຕໍ່ຕາມເຂດຊາຍແດນ, ປັບປຸງຄຸນນະພາບລະບົບການບໍລິການດ້ານສາທາລະນະສຸກ, ສ້າງຂີດຄວາມສາມາດ ການກະກຽມຄວາມພ້ອມໃນການປ້ອງກັນຊຸມຊົນ, ສະກັດກັ້ນການແພ່ລາມຂອງພະຍາດໄດ້ຢ່າງທັນເວລາ ແລະ ມີປະສິດທິຜົນ.

ເພື່ອສືບຕໍ່ຜັນຂະຫຍາຍບັນດາວຽກງານຂອງໂຄງການ ເອດີບີຈິ່ງອະນຸມັດທຶນຊ່ວຍເຫລືອລ້າເພີ່ມຈຳນວນ 12 ລ້ານໂດລາສະຫະລັດ ເຂົ້າໃນໂຄງການຄວບຄຸມພະຍາດຕິດຕໍ່ໄລຍະ 2 ໂດຍຈະສຸມໃສ່ການເພີ່ມທະວີເຝົ້າລະວັງ ໃນຂອບເຂດທົ່ວປະເທດ, ພ້ອມນັ້ນ ຍັງສະ ຫນອງທຶນ 20 ລ້ານໂດລາສະຫະລັດ ເພື່ອດຳເນີນການກໍ່ສ້າງ ແລະປັບປຸງເສັ້ນທາງຢູ່ແຂວງຫົວພັນ ໃຫ້ກາຍເປັນແລວທາງເສດຖະກິດ ລະຫວ່າງ ສປປ ລາວກັບ ສສ ຫວຽດນາມ ເຊິ່ງຈະເຮັດໃຫ້ພາກເຫນືອຂອງລາວມີທາງອອກສູ່ທະເລ; ນອກນັ້ນຍັງໄດ້ໃຫ້ທຶນ 23 ລ້ານ ໂດລາສະຫະລັດ ແກ່ໂຄງການພັດທະນາໂຄງລ່າງຊົນນະບົດພາກເຫນືອທີ່ຈະເປັນການຍົກລະດັບຜະລິດຕະພັນ ແລະ ການເຂົ້າເຖິງຕະ ຫລາດ ລວມທັງການສ້າງຄວາມຮູ້ໃຫມ່ພ້ອມຊ່ວຍໃຫ້ປະຊາຊົນຮູ້ໃນປັດໄຈການຜະລິດໄດ້ງ່າຍ.

ພິທີເຊັນສັນຍາຊ່ວຍເຫລືອລ້າດັ່ງກ່າວ ໄດ້ຈັດຂຶ້ນໃນຕອນແລງຂອງວັນທີ 8 ທັນວາ 2010 ທີ່ກະຊວງການເງິນລະຫວ່າງທ່ານ ສົມ ດີ ດວງດີ ລັດຖະມົນຕີວ່າການກະຊວງການເງິນ ແລະ ທ່ານ ຮາຣູຮີໂກະ ກູໂຣດະ ປະທານທະນາຄານພັດທະນາອາຊີ, ໂດຍມີພາກ ສ່ວນກ່ຽວຂ້ອງເຂົ້າຮ່ວມເປັນສັກຂີພິຍານ.

ພາບແລະເນື້ອຂ່າວຈາກ

Comments: