ສະຫະ ກອນສິນເຊື່ອ ປັບຍຸດ ທະສາດກ້າວ ສູ່ສິນເຊື່ອ SME

Sunday, May 20th

Last update12:47:10 AM GMT

Headlines

ເຜີຍ! ຄວາມຄືບ ຫນ້າແຜນລາວ-ໄທ ສ້າງຂົວຂ້າມ ສະເພາະລົດໄຟ

ຄວາມອຶດອັດ ຈາກຜົນກະທົບ ຂອງລະເບີດ ທີ່ຍັງບໍ່ທັນແຕກ ຈາກບ້ານແສນອຸດົມ

ຂ້ອຍມີເລື້ອງໜື່ງ ຈະເລົ່າສູ່ຟັງເດີ້ ເພື່ອເປັນອຸທາຫອນ

Special lecture by Sounay Phothisane ການປົດປ່ອຍອຳນາດ (Unlock the Power)

Alexandra Bounxouei MV "My Radio" has released

ເປີດນໍາໃຊ້ ເວັບໄຊອາເຊັມ ຄັ້ງທີ 9 ຢ່າງເປັນທາງການ

PTT to open integrated facility in Vientiane, expand Laos network

ພິດສະໄຫມ ຈັນທະສອນ ຄອງຕໍາແຫນ່ງ ສາວງາມຈໍາປາສັກ 2012

Sounay Phothisane participates ON|OFF event 2011 Jakarta

ລັດ ຈະອອກໃບ ສອງພັນກີບ

ສະຫະ ກອນສິນເຊື່ອ ປັບຍຸດ ທະສາດກ້າວ ສູ່ສິນເຊື່ອ SME

Sunday, 29 August 2010 16:13 Sounay Phothisane

Share

ກອງທຶນສະ ຫະກອນສິນເຊື່ອຊີ້ ສະຫະກອນ ໄດ້ປັບຍຸດທະສາດຫັນໄປສູ່ການ ສະຫນອງສິນເຊື່ອ ໃຫ້ທຸລະກິດ ຂະຫນາດນ້ອຍ ແລະ ກາງຫລາຍຂຶ້ນ ພ້ອມບໍລິການຮັບ ເງິນຝາກຈາກ ສັງຄົມທົ່ວໄປເພື່ອເຮັດໃຫ້ການ ບໍລິການມີຄວາມກວ້າງຂວາງເປັນທີ່ຍອມຮັບຈາກສັງ ຄົມ.

ທ່ານ ດຣ. ສີສະຫລຽວ ສະແຫວງສຶກສາປະທານສະພາບໍລິຫານກອງທຶນສະຫະກອນສິນເຊື່ອເປີດເຜີຍຕໍ່ທີມຂ່າວເສດຖະກິດສັງ ຄົມວ່າ: ປະຈຸບັນ ກອງທຶນໄດ້ເລ່ງສ້າງຄວາມເຂັ້ມແຂງໃຫ້ແຕ່ລະສາຂາສາມາດແຂ່ງຂັນໄດ້ ແລະ ດຳເນີນທຸລະກິດຢ່າງມີປະສິດທິຜົນ ພ້ອມກັບປັບຍຸດທະສາດດ້ວຍການຫັນໄປສູ່ການສະຫນອງສິນເຊື່ອໃຫ້ກັບທຸລະກິດຂະຫນາດນ້ອຍ ແລະ ກາງຫລາຍຂຶ້ນ ລວມທັງບໍລິ ການຮັບຝາກຈາກສັງຄົມ.

ທ່ານ ກ່າວຕື່ມວ່າ: ກອງທຶນສະຫະກອນສ້າງຂຶ້ນໃນປີ 1996 ທ່າມກາງທີ່ສັງຄົມຍັງມີສອງລະບົບການເງິນຄື: ການເງິນໃນລະບົບ (ທະນາຄານ) ແລະ ການເງິນນອກລະບົບຂອງຕະຫລາດ ທົ່ວໄປທີ່ອັດຕາດອກເບ້ຍສູງ ແຕ່ສັງຄົມກໍ່ຍັງເຂົ້າຫາ. ຜ່ານການສຶກສາຢ່າງ ລະອຽດເຫັນວ່າໃນເວລານັ້ນ ປະຊາຊົນບໍ່ກ້າເຂົ້າໄປໃຊ້ບໍລິການຢູ່ທະນາຄານ ນອກນັ້ນ ທະນາຄານກໍ່ມີຂໍ້ກຳນົດລະບຽບກົດຫມາຍ ຈິ່ງ ຕັດສິນໃຈສ້າງຕັ້ງກອງທຶນສະຫະກອນສິນເຊື່ອຂຶ້ນ ເພື່ອເປັນຂົວຕໍ່ລະຫວ່າງປະຊາຊົນກັບທະນາຄານ ຊ່ວຍໃຫ້ປະຊາຊົນເຂົ້າຫາແຫລ່ງ ທຶນເພື່ອໄປທຳມາຄ້າຂາຍໄດ້ງ່າຍຂຶ້ນ ເຊິ່ງຖືເປັນການເງິນຈຸລະພາກແຫ່ງທຳອິດຂອງປະເທດ.

ຢ່າງໃດກໍ່ຕາມ ຕະຫລອດໄລຍະ 14 ປີຜ່ານມາ ກອງທຶນສະຫະກອນມີຄວາມພະຍາຍາມຢ່າງຫນັກໃນການສະຫນອງເງິນທຶນພ້ອມ ກັບຖ່າຍທອດຄວາມຮູ້ຄວາມສາມາດໃນການບໍລິຫານຈັດການທຸລະກິດຂອງຕົນ ເພື່ອໃຫ້ສາມາດດຳເນີນກິດຈະການໄດ້ຢ່າງມີປະສິດທິ ຜົນ, ແນວໃດກໍ່ດີ ດ້ວຍເປົ້າຫມາຍໄດ້ສຸມໃສ່ປະຊາຊົນຜູ້ທຸກຍາກຫ່າງໄກສອກຫລີກ ເຮັດໃຫ້ມີຄວາມຫຍຸ້ງຍາກພໍສົມຄວນກ່ອນເຂົາເຈົ້າ ຈະເຂົ້າໃນເຖິງການຄ້າຂາຍ, ທຸລະກິດບໍລິການຕ່າງໆ, ທ່ານປະທານສະພາບໍລິຫານ ກ່າວ.

ປະຈຸບັນ ສະຫະກອນສິນເຊື່ອມີ 11 ຫນ່ວຍບໍລິການ, 1 ສຳນັກງານໃຫຍ່ທີ່ນອນໃນ 8 ແຂວງຂອງປະເທດ, ສ່ວນໃຫຍ່ແມ່ນຕັ້ງຢູ່ ໃນຈຸດທີ່ທະນາຄານໄປບໍ່ເຖິງ, ມີສະມາຊິກບໍ່ຕ່ຳກວ່າ 3.000 ຄົນ. ປະຈຸບັນກອງທຶນສະຫະກອນສິນເຊື່ອພວມຫັນໄປສູ່ການບໍລິການຮັບ ຝາກຈາກສັງຄົມທົ່ວໄປ ເຊິ່ງກ່ອນຫນ້ານີ້ຮັບພຽງເງິນຝາກຂອງສະມາຊິກ ພ້ອມກັບການຫັນໄປສູ່ການປ່ອຍກູ້ໃນຂະແຫນງທຸລະກິດຂະ ຫນາດນ້ອຍ ແລະ ກາງທັງນີ້ ກໍ່ເພື່ອເຮັດໃຫ້ການບໍລິການມີຄວາມກວ້າງຂວາງຂຶ້ນ ແລະ ເປັນທີ່ຍອມຮັບຂອງສັງຄົມຫລາຍກວ່າເກົ່າ, ທ່ານ ດຣ. ສີສະຫລຽວ ກ່າວ.

ທ່ານກ່າວເນັ້ນທ້າຍວ່າ: ພວກເຮົາພູມໃຈທີ່ເປັນສ່ວນຫນຶ່ງໃນການພັດທະນາເສດຖະກິດຄອບຄົວຂອງປະຊາຊົນ ໃຫ້ຫລຸດພົ້ນອອກ ຈາກຄວາມທຸກຍາກເຖິງວ່າ ຕະຫລອດໄລຍະຜ່ານມາຈະມີຄວາມຫຍຸ້ງຍາກຫລາຍປະການ ແຕ່ພວກເຮົາກໍ່ພ້ອມທີ່ຈະກ້າວໄປຂ້າງຫນ້າ ແລະຄຽງຄູ່ກັບປະຊາຊົນຜູ້ທີ່ຕ້ອງການແຫລ່ງທຶນໃນການສ້າງຄວາມກ້າວຫນ້າໃຫ້ກັບຄອບຄົວ ແລະຮຽກຮ້ອງໃຫ້ປະຊາຊົນຈົ່ງເຊື່ອຫມັ້ນ ໃນສິ່ງທີ່ຕົນເຮັດຖ້າກູ້ເງິນເພື່ອການຄ້າ ກໍ່ເຊື່ອວ່າມັນຈະແຕກດອກອອກຜົນ.

ພາບແລະເນື້ອຂ່າວຈາກ

Comments: