ຄຳມ່ວນຕັ້ງ ເປົ້າໃຫ້ ເສດຖະກິດ ຂະຫຍາຍຕົວ ລະດັບ 1012% ພ້ອມດຶງການ ລົງທຶນກວມໃຫ້ 35% ຈີດີພີ

Sunday, May 20th

Last update12:47:10 AM GMT

Headlines

ເຜີຍ! ຄວາມຄືບ ຫນ້າແຜນລາວ-ໄທ ສ້າງຂົວຂ້າມ ສະເພາະລົດໄຟ

ຄວາມອຶດອັດ ຈາກຜົນກະທົບ ຂອງລະເບີດ ທີ່ຍັງບໍ່ທັນແຕກ ຈາກບ້ານແສນອຸດົມ

ຂ້ອຍມີເລື້ອງໜື່ງ ຈະເລົ່າສູ່ຟັງເດີ້ ເພື່ອເປັນອຸທາຫອນ

Special lecture by Sounay Phothisane ການປົດປ່ອຍອຳນາດ (Unlock the Power)

Alexandra Bounxouei MV "My Radio" has released

ເປີດນໍາໃຊ້ ເວັບໄຊອາເຊັມ ຄັ້ງທີ 9 ຢ່າງເປັນທາງການ

PTT to open integrated facility in Vientiane, expand Laos network

ພິດສະໄຫມ ຈັນທະສອນ ຄອງຕໍາແຫນ່ງ ສາວງາມຈໍາປາສັກ 2012

Sounay Phothisane participates ON|OFF event 2011 Jakarta

ລັດ ຈະອອກໃບ ສອງພັນກີບ

ຄຳມ່ວນຕັ້ງ ເປົ້າໃຫ້ ເສດຖະກິດ ຂະຫຍາຍຕົວ ລະດັບ 1012% ພ້ອມດຶງການ ລົງທຶນກວມໃຫ້ 35% ຈີດີພີ

Tuesday, 07 December 2010 13:00 Sounay Phothisane

Share

ການລົງທຶນຖືເປັນສ່ວນຫນຶ່ງທີ່ສຳຄັນໃນການພັດທະນາກໍ່ສ້າງພື້ນຖານໂຄງລ່າງໃຫ້ໄດ້ຮັບການປັບປຸງ ເພື່ອເຮັດໃຫ້ເສດຖະກິດມີການ ຂະຫຍາຍຕົວຢ່າງຕໍ່ເນື່ອງເປັນລຳດັບໂດຍຈະສົ່ງຜົນໃຫ້ສາມາດເຊື່ອມໂຍງກັບພາກພື້ນ ແລະສາກົນໄດ້ ເຊິ່ງແຂວງຄຳມ່ວນກໍ່ໄດ້ຕັ້ງເປົ້າ ໃຫ້ເສດຖະກິດມີການຂະຫຍາຍຕົວໃນລະດັບ 10-12%, ພ້ອມດຶງດູດເອົາການລົງທຶນໃຫ້ກວມ 35% ຈີດີພີ.

ອີງຕາມແຜນພັດທະນາເສດຖະກິດ-ສັງຄົມສົກປີ 2009-2010 ຂອງແຂວງຄໍາມ່ວນໃຫ້ຮູ້ວ່າ: ເພື່ອເຮັດໃຫ້ບັນດາເປົ້າຫມາຍທີ່ວາງ ໄວ້ບັນລຸຜົນສຳເລັດ ແລະ ໄດ້ຮັບຫມາກຜົນທາງແຂວງໄດ້ວາງທິດທາງແຜນການໂດຍຈະສືບຕໍ່ສູ້ຊົນເຮັດໃຫ້ເສດຖະກິດມີການຂະຫຍາຍ ຕົວຕໍ່ເນື່ອງໃນລະດັບ 10-12%, ລວມຍອດຜະລິດຕະພັນພາຍໃນບັນລຸ 2.693 ຕື້ກວ່າກີບທຽບໃສ່ສົກປີ 2008-2009 ເພີ່ມຂຶ້ນ 14% ໂດຍໄດ້ວາງຄາດຄະເນການລົງທຶນໃນທົ່ວ ສັງຄົມໃຫ້ກວມເອົາ 35% ຂອງ ຈີດີພີ ຫລື ເທົ່າກັບ 942 ຕື້ກວ່າກີບ.

ເພື່ອເຮັດໃຫ້ເສດຖະກິດຂອງແຂວງໄດ້ຮັບການຂະຫຍາຍຕົວຢ່າງຕໍ່ເນື່ອງຕາມເປົ້າຫມາຍທີ່ວາງໄວ້ ສະນັ້ນຕ້ອງໄດ້ມີການລົງທຶນເຂົ້າ ພັດທະນາໃນຫລາຍຂົງເຂດ ເປັນຕົ້ນແມ່ນສຸ່ມໃສ່ການລົງທຶນຂອງລັດ ຈຳນວນ 146 ໂຄງການມີມູນຄ່າທັງຫມົດ 40,420 ຕື້ກີບ, ໂດຍ ມີໂຄງການສະເຫນີໃຫມ່ 59 ໂຄງການ, ໂຄງການສຶບຕໍ່ 54 ໂຄງການ, ໂຄງການຊຳລະຫນີ້ 22 ໂຄງການ, ໂຄງການສົມທົບທຶນກັບ ຕ່າງປະເທດ 2 ໂຄງການ ແລະ ລຶບລ້າງຄວາມທຸກຍາກ 9 ໂຄງການ, ໃນນັ້ນ ເປັນເງິນງົບປະມານການລົງທຶນຂອງລັດ 24.950 ຕື້ ກີບ, ທຶນຫລຸດຜ່ອນຄວາມທຸກຍາກ 1.870 ຕື້ກີບ ແລະ ທຶນກູ້ຢຶມຈາກຕ່າງປະເທດຈຳນວນ 13.600 ຕື້ກີບ.

ໃນສົກປີຜ່ານມາ ການລົງທຶນຈາກເອກະຊົນພາຍໃນ ແລະຕ່າງປະເທດແມ່ນກວມປະມານ 22, 39% ຂອງຈີດີພີ ເທົ່າກັບ 805 ຕື້ ກວ່າກີບ ເຊິ່ງທາງແຂວງກໍ່ໄດ້ເອົາໃຈໃສ່ຊຸກຍູ້ປຸກລະດົມ ແລະສົ່ງເສີມອຳນວຍຄວາມສະດວກໃຫ້ແກ່ນັກລົງທຶນ. ພ້ອມທັງຕັ້ງຫນ້າໂຄສະ ນາພົວພັນຍາດແຍ່ງເອົາການຊ່ວຍເຫລືອ ແລະ ການລົງທຶນຂອງອົງການຈັດຕັ້ງສາກົນກໍ່ຄືຕ່າງປະເທດເພື່ອເຮັດໃຫ້ການພັດທະນາເສດ ຖະກິດ-ສັງຄົມຂອງແຂວງມີທ່າກ້າວນັບມື້ນັບຫລາຍຂຶ້ນ.

ພ້ອມກັນນັ້ນ ເພື່ອສືບຕໍ່ເຮັດໃຫ້ວຽກງານທາງດ້ານການຄ້າ ແລະ ການບໍລິການສິນຄ້າຂາເຂົ້າ ແລະ ຂາອອກ ດີຂຶ້ນເປັນກ້າວໆນັ້ນ ຕ້ອງຈຳກັດການສົ່ງອອກວັດຖຸດິບ, ຫັນມາເປັນຜະລິດຕະພັນສຳເລັດຮູບເພື່ອສົ່ງອອກໃຫ້ຫລາຍຂຶ້ນໂດຍຮັບປະກັນທາງດ້ານຄຸນນະພາບ, ມາດຕະຖານ ແລະປະລິມານຂອງສິນຄ້າທີ່ຈະສາມາດຮອງຮັບກັບຄວາມຕ້ອງການຂອງຕະຫລາດໃຫ້ຫລາຍກວ່າເກົ່າ. ພ້ອມນັ້ນຍັງຕ້ອງ ສືບຕໍ່ປັບປຸງລະບົບການຄຸ້ມຄອງການເງິນນັບແຕ່ແຂວງລົງຮອດເມືອງ, ທັງນີ້ ກໍ່ເພື່ອເຮັດໃຫ້ການຂຸດຄົ້ນແຫລ່ງລາຍຮັບເຂົ້າງົບປະມານ ໃຫ້ຖືກຕ້ອງ ແລະ ສອດຄ່ອງບັນລຸໄດ້ຕາມເປົ້າຫມາຍທີ່ວາງໄວ້.

ໃນນັ້ນ ຕ້ອງສູ້ຊົນສ້າງລາຍຮັບເຂົ້າງົບປະມານໃຫ້ໄດ້ 123 ຕື້ກວ່າກີບ ທຽບໃສ່ສົກປີ 2008-2009 ເພີ່ມຂຶ້ນ 17,77% ເທົ່າກັບ 22 ຕື້ກວ່າກີບ, ລວມຍອດລາຍຈ່າຍທັງຫມົດ 161 ຕື້ກວ່າກີບ ຫລຸດລົງຈາກຜ່ານມາ 6,06% ຫລື ເທົ່າ 9,77 ຕື້ກີບ.

ນອກນັ້ນ ທາງແຂວງຍັງຈະສືບຕໍ່ຂະຫຍາຍຕາຫນ່າງໄຟຟ້າລົງສູ່ຊົນນະບົດ ເຮັດໃຫ້ປະຊາຊົນໄດ້ນຳໃຊ້ໄຟຟ້າ ແລະ ຫັນເຂົ້າສູ່ການ ຜະລິດທາງດ້ານກະສິກຳ, ຫັດຖະກຳ ເພື່ອແກ້ໄຂຊີວິດການເປັນຢູ່ຂອງປະຊາຊົນບັນດາເຜົ່າໃຫ້ດີຂຶ້ນ, ພ້ອມປະຕິບັດໂຄງການກໍ່ສ້າງຕິດ ຕັ້ງໄຟຟ້າເຂົ້າບ້ານຈຳນວນ 48 ບ້ານ ແລະຕິດຕັ້ງໄຟຟ້າເຂົ້າເຮືອນປະຊາຊົນອີກ 4.509 ຫລັງຄາເຮືອນ. ທັງສືບຕໍ່ຂະຫຍາຍລະບົບໄຟ ຟ້າຂະຫນາດນ້ອຍ ໂດຍໃຊ້ພະລັງງານທົດແທນເພື່ອສະຫນອງໄຟໃຫ້ບ້ານຫ່າງໄກສອກຫລີກ, ບ້ານເຂດພູດອຍດ້ວຍລະບົບແສງຕາເວັນ ໂດຍຄາດໃຫ້ປະຊາຊົນໄດ້ຊົມໃຊ້ໄຟຟ້າເຖິງ 90% ຂອງຈຳນວນບ້ານໃນທົ່ວແຂວງ.

ໃນຂະນະທີ່ການພັດທະນາ ແລະ ສົ່ງເສີມການທ່ອງທ່ຽວຂອງແຂວງຄຳມ່ວນ ດຳເນີນໄປຢ່າງສອດຄ່ອງກັບແຜນພັດທະນາເສດຖະ ກິດ-ສັງຄົມກໍ່ຄືຍຸດທະສາດການທ່ອງທ່ຽວແຫ່ງຊາດກຳນົດໄວ້ແບບມີປະສິດທິຜົນ ແລະ ຮັບປະກັນໄດ້ເຖິງຜົນປະໂຫຍດທີ່ຈະໄດ້ຮັບຈາກ ຂະແຫນງດັ່ງກ່າວໃນຕໍ່ຫນ້າ. ສືບຕໍ່ສູ້ຊົນສຳຫລວດບັນດາແຫລ່ງທ່ອງທ່ຽວທີ່ເປັນທ່າແຮງທາງດ້ານທຳມະຊາດ, ວັດທະນາທຳ ແລະ ປະ ຫັວດສາດ, ພ້ອມກັບການຂຶ້ນບັນຊີຄຸ້ມຄອງ ແລະຈັດລຽງບຸລິມະສິດ ເພື່ອການພັດທະນາທີ່ເຫມາະສົມສອດຄ່ອງ, ມີຈຸດສຸມໃນຂອບເຂດ ທົ່ວແຂວງ.

ພາບແລະເນື້ອຂ່າວຈາກ

Comments: