ນໍ້າມັນຂຶ້ນ ສິນຄ້າແພງ ຍູ້ເງິນເຟີ້ກະ ທົບເສດຖະກິດ

Sunday, May 20th

Last update12:47:10 AM GMT

Headlines

ເຜີຍ! ຄວາມຄືບ ຫນ້າແຜນລາວ-ໄທ ສ້າງຂົວຂ້າມ ສະເພາະລົດໄຟ

ຄວາມອຶດອັດ ຈາກຜົນກະທົບ ຂອງລະເບີດ ທີ່ຍັງບໍ່ທັນແຕກ ຈາກບ້ານແສນອຸດົມ

ຂ້ອຍມີເລື້ອງໜື່ງ ຈະເລົ່າສູ່ຟັງເດີ້ ເພື່ອເປັນອຸທາຫອນ

Special lecture by Sounay Phothisane ການປົດປ່ອຍອຳນາດ (Unlock the Power)

Alexandra Bounxouei MV "My Radio" has released

ເປີດນໍາໃຊ້ ເວັບໄຊອາເຊັມ ຄັ້ງທີ 9 ຢ່າງເປັນທາງການ

PTT to open integrated facility in Vientiane, expand Laos network

ພິດສະໄຫມ ຈັນທະສອນ ຄອງຕໍາແຫນ່ງ ສາວງາມຈໍາປາສັກ 2012

Sounay Phothisane participates ON|OFF event 2011 Jakarta

ລັດ ຈະອອກໃບ ສອງພັນກີບ

ນໍ້າມັນຂຶ້ນ ສິນຄ້າແພງ ຍູ້ເງິນເຟີ້ກະ ທົບເສດຖະກິດ

Saturday, 09 April 2011 18:56 Sounay Phothisane

Share

ສະຖາບັນຄົ້ນຄວ້າເສດຖະກິດແຫ່ງຊາດ ມອງວ່າເສດຖະກິດຂອງລາວໃນປີນີ້ ກຳລັງປະເຊີນຫນ້າກັບສິ່ງທ້າທາຍຈາກພາຍນອກ ເປັນຕົ້ນການເພີ່ມຂຶ້ນຂອງລາຄານ້ຳມັນ ບວກກັບການສະຫນອງສິນຄ້າສະບຽງອາຫານພາຍໃນມີຈຳນວນທີ່ຫລຸດລົງ ເຊິ່ງລັດຖະບານຈະຕ້ອງໄດ້ເອົາໃຈໃສ່ ແລະ ເລ່ງຊຸກຍູ້ການຜະລິດໃຫ້ຫລາຍຂຶ້ນ ເພື່ອສະຫນອງການບໍລິໂພກພາຍໃນໃຫ້ພຽງພໍ.

ທ່ານ ດຣ. ລີເບີ ລີບົວປາວ ຮອງຫົວຫນ້າສະຖາບັນຄົ້ນຄວ້າເສດຖະກິດແຫ່ງຊາດກະຊວງແຜນການ ແລະການລົງທຶນກ່າວກັບທີມຂ່າວເສດຖະກິດໃນອາທິດນີ້ວ່າ: ປັດໄຈພາຍນອກ ພວມເປັນສິ່ງທ້າທາຍຕໍ່ແຜນພັດທະນາເສດຖະກິດ-ສັງຄົມໃນສົກປີນີ້ ໂດຍສະເພາະການເພີ່ມຂຶ້ນຂອງລາຄານ້ຳມັນ ເຮັດໃຫ້ຕົ້ນທຶນການຜະລິດສູງຂຶ້ນອັນໄດ້ຍູ້ຕົວເລກເງິນເຟີ້ຂອງ ປະເທດໃນສົກປີນີ້ສູງຂຶ້ນເປັນເງົາຕາມຕົວ ເຊິ່ງໄດ້ກະທົບຕໍ່ຊີວິດຂອງປະຊາຊົນ ແລະ ການຈັດຕັ້ງປະຕິບັດບາງໂຄງການ.

ທ່ານກ່າວຕື່ມວ່າ: ບັນຫາລາຄານ້ຳມັນຖືເປັນປັດໄຈທີ່ທ້າທາຍສຳຄັນ ເນື່ອງຈາກເປັນປັດໄຈພາຍນອກທີ່ກະທົບໂດຍກົງ ເຊິ່ງຖ້າຫາກລາຄານ້ຳມັນຍັງສືບຕໍ່ເພີ່ມຂຶ້ນຄວາມທ້າທາຍກໍ່ຍິ່ງ ຈະສູງຂຶ້ນ.

ນອກຈາກນັ້ນແລ້ວ ໄພທຳມະຊາດຢູ່ຍີ່ປຸ່ນກໍ່ຖືເປັນອີກຫນຶ່ງປັດໄຈທີ່ຈະຕ້ອງຕິດຕາມ ຢ່າງໃກ້ຊິດ ເຖິງແມ່ນວ່າມູນຄ່າການຄ້າລະຫວ່າງລາວ-ຍີ່ປຸ່ນຈະບໍ່ສູງ ແຕ່ການຊ່ວຍເຫລືອຂອງຍີ່ ປຸ່ນຢູ່ລາວ ແມ່ນມີຄວາມສຳຄັນໃນການພັດທະນາເສດຖະກິດ-ສັງຄົມຂອງປະເທດ.

ສ່ວນບັນຫາພາຍໃນທີ່ຈະຕ້ອງໄດ້ເອົາໃຈໃສ່ກໍ່ຄືການສະຫນອງສະບຽງ ອາຫານຕ້ອງຮັບປະກັນໃຫ້ພຽງພໍ ເພື່ອບໍ່ໃຫ້ລາຄາສິນຄ້າໃນທ້ອງຕະຫລາດເພີ່ມສູງຂຶ້ນຕື່ມອີກ ໂດຍພາກລັດຈະຕ້ອງໄດ້ເລ່ງຊຸກຍູ້ການຜະລິດກະສິກຳໃຫ້ຫລາຍ ຂຶ້ນເພື່ອທົດແທນຄວາມສູນເສຍຈາກໄພທຳມະຊາດທີ່ເກີດຂຶ້ນ ຫລັງຈາກທີ່ໃນອາທິດຜ່ານມາ ສັດລ້ຽງຢູ່ແຂວງຊຽງຂວາງຕາຍເປັນຈຳນວນ ຫລວງຫລາຍລວມເຖິງຄວາມແຫ້ງແລ້ງ ໃນເຂດພາກໃຕ້ທີ່ເຮັດໃຫ້ເຂົ້ານາຂອງປະຊາຊົນເສຍຫາຍຈຳນວນບໍ່ຫນ້ອຍ ເຊິ່ງອາດຈະກະທົບຕໍ່ພາກການສະຫນອງທາດຊີ້ນ ແລະ ສະບຽງອາ ຫານ, ທ່ານ ດຣ. ລີເບີ ກ່າວ.

ທ່ານເນັ້ນວ່າ: ນອກຈາກນັ້ນ ລັດຖະບານຄວນກະກຽມຮັບມືການປ່ຽນແປງດິນຟ້າອາກາດກໍ່ຄືການຕ້ານ ແລ້ງຕ້ານຖ້ວມ ທັງນີ້ ກໍ່ເພື່ອເຮັດໃຫ້ການຜະລິດບັນລຸໄດ້ຕາມແຜນການຫາກບໍ່ດັ່ງນັ້ນ ຍິ່ງຈະຊ້ຳເຕີມບັນຫາເງິນເຟີ້ໃຫ້ສູງຂຶ້ນຈາກລາຄານ້ຳມັນທີ່ ປັບຂຶ້ນຢ່າງຕໍ່ເນື່ອງໃນປະຈຸບັນ.

ຫລ້າສຸດ ກຸ່ມຜູ້ຜະລິດຊີມັງໄດ້ປະກາດປັບລາຄາຊີມັງຂຶ້ນແລ້ວ ຫລັງຈາກທີ່ຮັກສາລາຄາເດີມໄວ້ມາຫລາຍເດືອນອັນໄດ້ ແບກຫາບຄ່າຕົ້ນທຶນການຂົນສົ່ງທີ່ສູງຂຶ້ນ.

ຢ່າງໃດກໍ່ຕາມ ທ່ານເນັ້ນວ່າເຖິງແມ່ນວ່າປະຈຸບັນ ອັດຕາເງິນເຟີ້ຂອງລາວຈະສູງ ເມື່ອທຽບໃສ່ສົກປີຜ່ານມາທີ່ຕິດລົບຫລາຍເດືອນນັ້ນ ແຕ່ກໍ່ຖືວ່າຍັງຢູ່ໃນເກນທີ່ລັດຖະບານກຳນົດໄວ້ຄືໃຫ້ຢູ່ ໃນລະດັບຕົວເລກດຽວ ໂດຍອັດຕາເງິນເຟີ້ໃນເດືອນມັງກອນຢູ່ໃນລະດັບ 6,06% ເພີ່ມຂຶ້ນຈາກ 5,98% ໃນເດືອນທັນວາ.

ທ່ານ ພູເພັດ ຄຳພູນວົງ ຜູ້ວ່າການທະນາຄານແຫ່ງ ສປປ ລາວ ກ່າວເມື່ອບໍ່ດົນນີ້ວ່າ: ທະນາຄານແຫ່ງ ສປປ ລາວ ຈະສືບຕໍ່ຮັກສາສະຖຽນລະພາບເງິນຕາໃຫ້ຫມັ້ນທ່ຽງຍາວນານ ດ້ວຍການສູ້ຊົນໃຫ້ອັດຕາເງິນເຟີ້ໃຫ້ຢູ່ໃນລະດັບຫນຶ່ງຕົວເລກ ແລະ ຕ່ຳກວ່າອັດຕາການຂະຫຍາຍຕົວຂອງເສດຖະກິດ, ຄຸ້ມຄອງອັດຕາແລກປ່ຽນໃຫ້ມີຄວາມສະຫງົບປົກກະຕິ ແລະເຫນັງ ຕີງໃນຂອບເຂດບໍ່ເກີນບວກ ຫລື ລົບ 5%.

ບັນດາພໍ່ແມ່ປະຊາຊົນກ່າວກັບຫນັງສືພິມເສດຖະກິດ-ສັງຄົມວ່າ: ການເຫນັງຕີງຂອງລາຄາ ສິນຄ້າໃນທ້ອງຕະຫລາດໄດ້ສ້າງຄວາມກັງວົນໃຈໃຫ້ແກ່ຄອບຄົວຂອງຕົນ ເຊິ່ງຕ້ອງໄດ້ໃຊ້ ຈ່າຍໃນຊີວິດປະຈຳວັນທີ່ສູງຂຶ້ນ ທັງທີ່ລາຍຮັບຍັງຄືເກົ່າ.

ແນວໃດກໍ່ດີ ທ່ານຮອງຫົວຫນ້າສະຖາບັນຄົ້ນຄວ້າເສດຖະກິດແຫ່ງຊາດ ເຊື່ອວ່າ: ອັດຕາການຂະຫຍາຍຕົວຂອງເສດຖະກິດລາວໃນປີນີ້ ຈະບັນລຸໄດ້ຕາມແຜນທີ່ສະພາແຫ່ງຊາດຮັບ ຮອງເອົາ ແຕ່ລັດຖະບານກໍ່ຕ້ອງເຮັດວຽກໃຫ້ຫນັກຂຶ້ນ ເພື່ອຜ່ານຜ່າສິ່ງທ້າທາຍດັ່ງກ່າວ.

ພາບແລະເນື້ອຂ່າວຈາກ

Comments: