ລັດຖະບານ ເນັ້ນ! ເປົ້າຫມາຍ ບຸກທະ ລຸແຜນ 5 ປີ ຄັ້ງທີ 7 ຕ້ອງຍາດໂອກາດ ດຶງດູດ ແຫລ່ງທຶນ

Sunday, May 20th

Last update12:47:10 AM GMT

Headlines

ເຜີຍ! ຄວາມຄືບ ຫນ້າແຜນລາວ-ໄທ ສ້າງຂົວຂ້າມ ສະເພາະລົດໄຟ

ຄວາມອຶດອັດ ຈາກຜົນກະທົບ ຂອງລະເບີດ ທີ່ຍັງບໍ່ທັນແຕກ ຈາກບ້ານແສນອຸດົມ

ຂ້ອຍມີເລື້ອງໜື່ງ ຈະເລົ່າສູ່ຟັງເດີ້ ເພື່ອເປັນອຸທາຫອນ

Special lecture by Sounay Phothisane ການປົດປ່ອຍອຳນາດ (Unlock the Power)

Alexandra Bounxouei MV "My Radio" has released

ເປີດນໍາໃຊ້ ເວັບໄຊອາເຊັມ ຄັ້ງທີ 9 ຢ່າງເປັນທາງການ

PTT to open integrated facility in Vientiane, expand Laos network

ພິດສະໄຫມ ຈັນທະສອນ ຄອງຕໍາແຫນ່ງ ສາວງາມຈໍາປາສັກ 2012

Sounay Phothisane participates ON|OFF event 2011 Jakarta

ລັດ ຈະອອກໃບ ສອງພັນກີບ

ລັດຖະບານ ເນັ້ນ! ເປົ້າຫມາຍ ບຸກທະ ລຸແຜນ 5 ປີ ຄັ້ງທີ 7 ຕ້ອງຍາດໂອກາດ ດຶງດູດ ແຫລ່ງທຶນ

Wednesday, 06 October 2010 20:28 Sounay Phothisane

Share

ແຜນພັດທະນາເສດຖະກິດ-ສັງຄົມ 5 ປີ ຄັ້ງທີ 7 ເຖິງຍັງບໍ່ທັນໄດ້ຮັບການຮັບຮອງຈາກສະພາແຫ່ງຊາດ ແຕ່ລັດຖະບານກໍ່ເຫັນດີ ໃນດ້ານຫລັກການ ແລະ ຄາດຫມາຍສູ້ຊົນ ເຊິ່ງແຜນພັດທະນາເສດຖະກິດສັງຄົມ 5 ປີຄັ້ງນີ້ເປັນແຜນສືບຕໍ່ບຸກທະລຸທີ່ຈະເຮັດໃຫ້ເສດ ຖະກິດເປັນໄປແບບກ້າວກະໂດດ ທັງມີຄວາມຫມັ້ນທ່ຽງ ແລະ ຍືນຍົງຮັບປະກັນການເຕີບໂຕທາງເສດຖະກິດໃນລະດັບບໍ່ຕ່ຳກວ່າ 8% ຕໍ່ປີ, ຫລຸດຜ່ອນຄວາມທຸກຍາກໃຫ້ໄດ້ໂດຍພື້ນຖານໃນປີ 2015.

ເພື່ອກຽມຮັບມືກັບແຜນ 5 ປີ ຄັ້ງທີ 7 ໃຫ້ປາກົດຜົນເປັນຈິງ, ເມື່ອບໍ່ດົນມານີ້ ທ່ານ ສົມສະຫວາດ ເລັ່ງສະຫວັດ ຮອງນາຍົກລັດ ຖະມົນຕີ, ຜູ້ປະຈຳການລັດຖະບານ ໄດ້ຮຽກຮ້ອງໃຫ້ບັນດາລັດຖະມົນຕີ, ເຈົ້າຄອງນະຄອນ, ເຈົ້າແຂວງ ພິຈາລະນາທົບທວນຄືນໂຄງ ການຕ່າງໆ ເພື່ອເລືອກໂຄງການທີ່ຈະເກີດປະໂຫຍດສູງສຸດລວມເຖິງທິດທາງໃນການລະດົມທຶນ ແລະ ການຈັດແບ່ງທຶນສຳລັບແຜນ 5 ປີ ຄັ້ງທີ 7 ໃຫ້ເຫມາະສົມ.

ທ່ານຜູ້ປະຈຳການລັດຖະບານ ກ່າວວ່າ: ແຜນ 5 ປີ ຄັ້ງທີ 6 ເປັນແຜນການ 5 ປີຄັ້ງທຳອິດທີ່ເສດຖະກິດຂອງປະເທດບັນລຸໄດ້ ເກີນເປົ້າ. ເພື່ອເຮັດໃຫ້ຜົນງານທີ່ຍາດມາໄດ້ຮັບຫມາກຜົນຫລາຍຂຶ້ນ ໃນເຄິ່ງທົດສະວັດຕໍ່ຫນ້ານີ້ ຕ້ອງເອົາໃຈໃສ່ປັບປຸງແກ້ໄຂບັນຫາ ກົດຫນ່ວງຖ່ວງດຶງຕ່າງໆ, ບຸກທະລຸການເຊື່ອມໂຍງກັບສາກົນ,ຂະຫຍາຍຕະຫລາດໃຫ້ກວ້າງອອກເພື່ອໂອກາດຍາດແຍ່ງດຶງດູດແຫລ່ງ ທຶນເຂົ້າພັດທະນາປະເທດໃຫ້ຫລາຍ ເຊິ່ງເກາະເນື່ອງເຖິງແຮງຊຸກດັນເສດຖະກິດໃຫ້ຂະຫຍາຍຕົວໃນຈັງຫວະທີ່ໄວກະໂດດຂັ້ນ ອັນສາ ມາດສ້າງປະຖົມປັດໄຈໃນການຫັນເປັນອຸດສາຫະກຳ ແລະ ທັນສະໄຫມໃນອະນາຄົດ.

ຢ່າງໃດກໍ່ຕາມ ຈະເຮັດໄດ້ຄືແນວນັ້ນ ດ້ານການລົງທຶນຕ້ອງເຮັດຢ່າງມີຈຸດສຸມ ຕາມຄວາມສາມາດສະຫນອງຂອງແຫລ່ງທຶນ ແຕ່ ຕ້ອງແຈກຢາຍຢ່າງສົມເຫດສົມຜົນຕາມຂົງເຂດ, ຂະແຫນງການ ໂດຍແຕ່ລະພາກສ່ວນຊອກໃຫ້ເຫັນໂຄງການບຸລິມະສິດ ເຊິ່ງຈະເປັນ ຫົວຈັກແກ່ດຶງການພັດທະນາ ກໍ່ຄືການຂັບເຄື່ອງທາງເສດຖະກິດ, ທ່ານ ສົມສະຫວາດ ເລັ່ງສະຫວັດ ກ່າວ.

ແນວໃດກໍ່ດີ ໃນແຜນພັດທະນາເສດຖະກິດສັງຄົມ 5 ປີ ຄັ້ງທີ 7 ຖ້າທຽບໃສ່ 5 ປີ ຄັ້ງທີ 6 ທີ່ມີແຫລ່ງທຶນເພື່ອດຸນດ່ຽງການລົງ ທຶນໃນພາກລັດ 24.747ຕື້ກີບ ໃນນັ້ນເປັນທຶນຕ່າງປະເທດ 20.765 ຕື້ກີບ ຫລືປະມານ 2.443 ໂດລາສະຫະລັດ, ສະເລ່ຍ 88,66 ລ້ານໂດລາສະຫະລັດຕໍ່ປີ ບວກກັບເງິນສົມທົບຂອງລັດຖະບານປະມານ 17,73 ລ້ານໂດລາສະຫະລັດຕໍ່ປີ ແລະການລົງທຶນຂອງພາກ ເອກະຊົນໃນວົງເງິນ 9,7 ຕື້ໂດລາສະຫະລັດ ຫລື ສະເລ່ຍປະມານ 2 ຕື້ໂດລາສະຫະລັດຕໍ່ປີ ໂດຍເປັນທຶນຂອງນັກລົງທຶນພາຍໃນ ປະມານ 1,7 ຕື້ໂດລາສະຫະລັດ.

ທ່ານກິແກ້ວ ຈັນທະບູລີ ຫົວຫນ້າຫ້ອງການກະຊວງແຜນການ ແລະ ການລົງທຶນ ກ່າວເມື່ອບໍ່ ດົນມານີ້ວ່າ: ໄລຍະ 5 ປີຜ່ານມາ (2006-2010) ລາວເຮົາມີຜົນງານ ແລະ ມີບົດບາດສູງຂຶ້ນໃນເວທີສາກົນ ເຮັດໃຫ້ແຜນ 5 ປີຄັ້ງທີ 6 ລາວເຮົາມີທຶນຊ່ວຍເຫລືອລ້າ ແລະ ທຶນກູ້ຢືມບັນລຸເຖິງ 2.250 ກວ່າໂຄງການໃນວົງເງິນ 2.240 ລ້ານໂດລາສະຫະລັດ ຫລື ເທົ່າກັບ 448 ລ້ານໂດລາສະຫະລັດ ຕໍ່ປີ. ດ້ານການລົງທຶນຂອງພາກເອກະຊົນສູງເຖິງ 10,6 ຕື້ໂດລາສະຫະລັດ; ໃນນັ້ນ ເປັນການລົງທຶນຂອງນັກທຸລະກິດພາຍໃນ 1,8 ຕື້ໂດລາສະຫະລັດ ໂດຍຂົງເຂດພະລັງງານໄຟຟ້າກວມເອົາມູນຄ່າການລົງທຶນສູງກວ່າຫມູ່.

ສ່ວນຕົວເລກການລົງທຶນໃນແຜນ 5 ປີ ຄັ້ງທີ 7 ກໍານົດການ ລົງທຶນລວມໃຫ້ໄດ້ 32% ຂອງຈີດີພີ ໃນນັ້ນ ລະບຸໄວ້ແຫລ່ງເງິນ ລົງທຶນຈາກພາກລັດຕ້ອງກວມເອົາ 8-10% ຂອງການລົງທຶນລວມສະເລ່ຍ 240 ລ້ານໂດລາ ສະຫະລັດຕໍ່ປີ ແລະ ເງິນຊ່ວຍເຫລືອ ລ້າເງິນກູ້ຢືມໃຫ້ໄດ້ 33 ພັນຕື້ກີບ ຫລື ເທົ່າກັບ 26-28% ຂອງການລົງທຶນທັງຫມົດ.

ຫນັກໄປກວ່ານັ້ນແມ່ນການ ລົງທຶນຂອງພາກເອກະຊົນທີ່ຈະໃຫ້ຢູ່ໃນລະດັບ 7,4-8,3 ຕື້ໂດລາຫະລັດ ເທົ່າກັບ 50% ຂອງການ ລົງທຶນລວມເປັນຢ່າງຕ່ຳ ຫລືປະມານ 1,7 ຕື້ໂດລາສະຫະລັດຕໍ່ປີ. ສ່ວນເຫລືອອີກ 10-12% ຂອງວົງເງິນການລົງທຶນທັງຫມົດແມ່ນ ເປັນຫນ້າທີ່ຂອງທະນາຄານທີ່ຕ້ອງປ່ອຍສິນເຊື່ອແກ່ຫົວຫນ່ວຍທຸລະກິດຕ່າງໆດຳເນີນກິດຈະການ ແນໃສ່ຮອດປີ 2015 ປະເທດເຮົາ ສາມາດດຸນດ່ຽງແຮງງານ ແລະສ້າງວຽກເຮັດງານທຳໃນຂົງເຂດກະສິກຳໃຫ້ໄດ້ 70%, ບໍລິການ 23 ແລະຂົງເຂດອຸດສາຫະກຳ 7%, ຫລຸດຜ່ອນອັດຕາຄວາມທຸກຍາກໃຫ້ຕ່ຳກວ່າ 19% ຂອງຈຳນວນພົນລະເມືອງ ຫລື ຕ່ຳກວ່າ 11% ຂອງຈຳນວນຄົວເຮືອນທັງຫມົດ.

ຄຽງຄູ່ກັບການລົງທຶນຍັງຕ້ອງສູ້ຊົນເຮັດໃຫ້ອັດຕາການສົ່ງອອກເພີ່ມຂຶ້ນໃນສັດສ່ວນສູງທີ່ສຸດ ໂດຍຂະຫຍາຍຕົວປະມານ 40% ຕໍ່ ປີ, ການເປີດກວ້າງທາງການຄ້າຂອງ ສປປ ລາວ ໃຫ້ສາມາດຢູ່ລະດັບ 100% ຂະນະທີ່ປີ 2006-2008 ການຄ້າລາວສາກົນແມ່ນຢູ່ ທີ່ 83% ເມື່ອທຽບໃສ່ຄາດຫມາຍໃນຈີດີພີ.

ຢ່າງໃດກໍ່ຕາມ, ທ່ານ ນາງ ພອນວັນ ອຸທະວົງ ຮອງຫົວຫນ້າກົມແຜນການກະຊວງແຜນການ ແລະ ການລົງທຶນກ່າວວ່າ: ໃນຊຸມ ປີຕໍ່ຫນ້າຄືນັບແຕ່ 2011-2015 ນີ້ ລາວເຮົາທີ່ເປັນປະເທດພວມຕ້ອງການແຫລ່ງທຶນຈາກບ່ອນອື່ນ ເພື່ອມາພັດທະນາປະເທດຫລາຍ. ດັ່ງນັ້ນ, ລາວຍັງຈະສືບຕໍ່ຂາດດຸນງົບປະມານໃນລະດັບ 35% ເນື່ອງຈາກຄາດຫມາຍແຜນການ 5 ປີຕໍ່ຫນ້າດ້ານລາຍຮັບທັງຫມົດ ຈະໃຫ້ຢູ່ທີ່ 18-20% ຂອງຈີດີພີ ເວລາດຽວກັນລາຍຈ່າຍພັດກວມເອົາ 20-22% ຂອງຈີດີພີ ຫລືເພີ່ມຂຶ້ນປະມານ 0,2 ຫາ 0,25% ຂອງຈີດີພີ.

ພາບແລະເນື້ອຂ່າວຈາກ

Comments: