ເອດີບີ ຊີ້ 2010 ເສດຖະກິດລາວ ເຕີບໂຕເກີນ ເປົ້າ ແຕ່ປີຫນ້າ ຄາດຈະ ຊ້າລົງ

Sunday, May 20th

Last update12:47:10 AM GMT

Headlines

ເຜີຍ! ຄວາມຄືບ ຫນ້າແຜນລາວ-ໄທ ສ້າງຂົວຂ້າມ ສະເພາະລົດໄຟ

ຄວາມອຶດອັດ ຈາກຜົນກະທົບ ຂອງລະເບີດ ທີ່ຍັງບໍ່ທັນແຕກ ຈາກບ້ານແສນອຸດົມ

ຂ້ອຍມີເລື້ອງໜື່ງ ຈະເລົ່າສູ່ຟັງເດີ້ ເພື່ອເປັນອຸທາຫອນ

Special lecture by Sounay Phothisane ການປົດປ່ອຍອຳນາດ (Unlock the Power)

Alexandra Bounxouei MV "My Radio" has released

ເປີດນໍາໃຊ້ ເວັບໄຊອາເຊັມ ຄັ້ງທີ 9 ຢ່າງເປັນທາງການ

PTT to open integrated facility in Vientiane, expand Laos network

ພິດສະໄຫມ ຈັນທະສອນ ຄອງຕໍາແຫນ່ງ ສາວງາມຈໍາປາສັກ 2012

Sounay Phothisane participates ON|OFF event 2011 Jakarta

ລັດ ຈະອອກໃບ ສອງພັນກີບ

ເອດີບີ ຊີ້ 2010 ເສດຖະກິດລາວ ເຕີບໂຕເກີນ ເປົ້າ ແຕ່ປີຫນ້າ ຄາດຈະ ຊ້າລົງ

Wednesday, 06 October 2010 20:24 Sounay Phothisane

Share

ທະນາຄານພັດທະນາອາຊີ ຫລື ເອດີບີ ລະບຸປີນີ້ການເຕີບໂຕຂອງເສດຖະກິດລາວທະລຸເກີນເປົ້າທີ່ຄາດການເບື້ອງຕົ້ນຜົນ ຈາກ ຂະແຫນງອຸດສາຫະກຳບໍ່ແຮ່ ແລະ ພະລັງງານໄຟຟ້າໄປໄດ້ງາມ, ຍອດສົ່ງອອກເສື້ອຜ້າເພີ່ມຂຶ້ນ ແຕ່ສົກໃຫມ່ທ້າທາຍຍ້ອນໄພແຫ້ງ ແລ້ງສົ່ງຜົນໃຫ້ການຜະລິດຫລ້າຊ້າ ຄາດຈີດີພີຈະເຕີບໂຕພຽງ 7,5%.

ເອດີບີ ເປີດເຜີຍວ່າ: ການຂະຫຍາຍຕົວທາງເສດຖະກິດຂອງລາວປີນີ້ບັນລຸເກີນເປົ້າເຖິງ 0,4% ຈາກທີ່ຄາດການໄວ້ໃນເບື້ອງຕົ້ນ ຈະເຕີບໂຕໄດ້ພຽງ 7% ແຕ່ສົກ ໃຫມ່ອາດຂະຫຍາຍຕົວຊ້າລົງ ເຖິງລາວຈະເລີ່ມມີການລົງທຶນຂະຫນາດໃຫຍ່ທີ່ຈະປະກອບ ສ່ວນໃຫ້ ຜະລິດຕະພັນພາຍໃນເພີ່ມຂຶ້ນກໍ່ຕາມ ທັງນີ້ກໍ່ເພາະການປ່ຽນແປງຂອງສະພາບດິນຟ້າອາກາດທີ່ມີຜົນກະທົບຕໍ່ການຜະລິດໃນຂະແຫນງ ກະສິກຳ ຂະນະທີ່ປະຊາຊົນຂອງປະເທດສ່ວນໃຫຍ່ຍັງຖືອາຊີບກະສິກຳເປັນຫລັກ.

ທ່ານ ຈອງ ຈີ ນາຍ ຜູ້ຕາງຫນ້າທະນາຄານພັດທະນາອາຊີ ປະຈຳລາວກ່າວມື້ວານນີ້ທີ່ສຳນັກງານທະນາຄານພັດທະນາອາຊີວ່າ: ເສດຖະກິດລາວແມ່ນກຳລັງໄປໄດ້ດີໃນຂອບເຂດອາຊີຕາເວັນອອກສຽງໃຕ້ ພ້ອມຍັງນຳໃຊ້ມາດຕະການກະຕຸ້ນ ເສດຖະກິດຄົບຊຸດທີ່ມີ ປະສິດທິພາບໃນປີ 2008-2009 ຈິ່ງເຮັດໃຫ້ເສດຖະກິດມີທ່າອຽງຂະຫຍາຍຕົວໄປສູ່ທິດທາງທີ່ດີໃນອະນາຄົດ ເຊິ່ງຫນຶ່ງໃນປັດໄຈຍູ້ ຫນູນຄື ການເລີ່ມສົ່ງອອກກະແສໄຟຟ້າທີ່ສຳຄັນຈາກໂຄງການໄຟຟ້າຂະຫນາດໃຫຍ່ນ້ຳເທີນ 2 ແລະ ການເພີ່ມຂຶ້ນຂອງການສົ່ງອອກ ລາຄາທອງແດງ, ຄຳ ແລະ ເງິນ ໃນທົ່ວໂລກໄດ້ມີການປັບປຸງຖານະທາງງົບປະມານໃຫ້ມີສະພາບຄ່ອງ ຈາກບັນດາປັດໄຈເຫລົ່ານີ້ ຄາດວ່າການຂາດດຸນງົບປະມານຂອງລາວຈະຫລຸດລົງ 9% ຂອງຈີດີພີໃນປີນີ້ ແລະ 8% ໃນປີ 2011.

ໃນທາງກົງກັນຂ້າມອັດຕາເງິນເຟີ້ແມ່ນໄດ້ເພີ່ມສູງຂຶ້ນກວ່າທີ່ຄາດຄະເນໄວ້ ເຊິ່ງສູງເຖິງ 6,8% ຕໍ່ປີໃນເດືອນກໍລະກົດ ໂດຍມີຜົນ ມາຈາກການເພີ່ມຂຶ້ນຂອງລາຄາສະບຽງອາຫານ ແລະ ນ້ຳມັນ ແຕ່ເວລາດຽວກັນໄພແຫ້ງແລ້ງກໍ່ໄດ້ກະທົບຕໍ່ສະພາບການຜະລິດລວມ ເຖິງລາຄາສິນຄ້າ ສະນັ້ນ ອັດຕາເງິນເຟີ້ໃນປີ 2010 ຄາດ ຈະຢູ່ປະມານ 6% ແລະ ເພີ່ມຂຶ້ນເປັນ 6,5% ໃນປີ 2011 ທ່ານ ຈອງ ຈີ ນາຍ ກ່າວ.

ຢ່າງໃດກໍ່ຕາມ ທ່ານ ບາເຣນ ຟຣລິງຄ໌ ຮອງຜູ້ຕາງຫນ້າທະນາຄານພັດທະນາອາຊີກ່າວວ່າ: ປີນີ້ ເສດຖະກິດລາວເຕີບໂຕເກີນ ເປົ້າທີ່ຄາດໄວ້ອັນມີຜົນມາຈາກຂະແຫນງອຸດສາຫະກຳ ໂດຍສະເພາະຂະແຫນງບໍ່ແຮ່ ແລະ ພະລັງງານໄຟຟ້າໄດ້ສືບຕໍ່ຂະຫຍາຍຕົວ ພ້ອມດຽວກັນອັດຕາສັ່ງຊື້ສິນຄ້າສົ່ງອອກປະເພດເສື້ອຜ້າກໍ່ເພີ່ມຂຶ້ນປະມານ 15% ຕໍ່ປີນັບແຕ່ໄຕມາດ 2 ຂອງປີ 2010 ບວກກັບການ ເພີ່ມຂຶ້ນເລັກນ້ອຍຂອງຂະແຫນງການທ່ອງທ່ຽວ ແຕ່ຄຽງຄູ່ກັນນັ້ນໄພແຫ້ງແລ້ງ ຜັດເຮັດໃຫ້ການປູກເຂົ້າທີ່ເປັນຄວາມຕ້ອງການຕົ້ນຕໍ ຂອງສັງຄົມຫລ້າຊ້າ ເຊິ່ງບໍ່ສາມາດບັ່ນທອນການຂະຫຍາຍຕົວຂະແຫນງກະສິກຳໃນປີນີ້ ສະນັ້ນ ຄາດວ່າສົກໃຫມ່ອັດຕາການຈະເລີນ ເຕີບໂຕຕໍ່ຫົວຄົນຈະບັນລຸພຽງແຕ່ 7,5%.

ພາບແລະເນື້ອຂ່າວຈາກ

Comments: