ລັດ ຈະອອກໃບ ສອງພັນກີບ

Sunday, May 20th

Last update12:47:10 AM GMT

Headlines

ເຜີຍ! ຄວາມຄືບ ຫນ້າແຜນລາວ-ໄທ ສ້າງຂົວຂ້າມ ສະເພາະລົດໄຟ

ຄວາມອຶດອັດ ຈາກຜົນກະທົບ ຂອງລະເບີດ ທີ່ຍັງບໍ່ທັນແຕກ ຈາກບ້ານແສນອຸດົມ

ຂ້ອຍມີເລື້ອງໜື່ງ ຈະເລົ່າສູ່ຟັງເດີ້ ເພື່ອເປັນອຸທາຫອນ

Special lecture by Sounay Phothisane ການປົດປ່ອຍອຳນາດ (Unlock the Power)

Alexandra Bounxouei MV "My Radio" has released

ເປີດນໍາໃຊ້ ເວັບໄຊອາເຊັມ ຄັ້ງທີ 9 ຢ່າງເປັນທາງການ

PTT to open integrated facility in Vientiane, expand Laos network

ພິດສະໄຫມ ຈັນທະສອນ ຄອງຕໍາແຫນ່ງ ສາວງາມຈໍາປາສັກ 2012

Sounay Phothisane participates ON|OFF event 2011 Jakarta

ລັດ ຈະອອກໃບ ສອງພັນກີບ

Tuesday, 29 November 2011 14:29 Sounay Phothisane

Share

ທະນາຄານແຫ່ງ ສປປ ລາວໄດ້ຈັດຖະແຫລງຂ່າວ ກ່ຽວກັບການເອົາເງິນປະເພດໃບ 2.000 ກີບທີ່ໄດ້ປັບປຸງໃໝ່ ອອກສູ່ມວນຊົນ ໃນວັນທີ 28 ພະຈິກ 2011, ຢູ່ທະນາຄານດັ່ງກ່າວ. ທ່ານ ສຸພັດ ໂຄດໂຍທາ, ຫົວໜ້າກົມເງິນຕາ ທະນາຄານ ແຫ່ງ ສປປ ລາວ ໄດ້ກ່າວວ່າ: ທະນາຄານແຫ່ງ ສປປ ລາວ ໄດ້ຕົກລົງເອົາເງິນປະເພດໃບລະ 2.000 ກີບ ອອກຈໍລະຈອນ ນັບແຕ່ວັນທີ 1 ທັນວາ 2011 ເປັນຕົ້ນໄປ ເພື່ອເປັນການຄຳນັບຮັບຕ້ອນວັນຊາດທີ 2 ທັນວາ ຄົບຮອບ 36 ປີ, ເພື່ອປັບປຸງໂຄງປະກອບ ແລະ ຄຸນນະພາບຂອງໃບເງິນໃນຂອດຈໍລະຈອນໃຫ້ດີຂຶ້ນ, ສົ່ງເສີມການນຳໃຊ້ເງິນກີບໃຫ້ນັບມື້ກວ້າງຂວາງຕອບສະໜອງຄວາມຕ້ອງການ ການຊຳລະສິນຄ້າ ແລະ ຄ່າບໍລິຫານໃຫ້ສະດວກສະບາຍຍິ່ງຂຶ້ນ, ເຮັດໃຫ້ເງິນໃບ 2.000 ກີບ ໃນຂອດຈໍລະຈອນມີຄຸນນະພາບດີຂຶ້ນກວ່າເກົ່າ, ມີລັກສະນະພິເສດເພື່ອປ້ອງກັນການ ປອມແປງ.

ຊຶ່ງເງິນໃບ 2.000 ກີບ ທີ່ປັບປຸງໃໝ່ ແລະ ປະກາດນຳໃຊ້ນັບແຕ່ວັນທີ 1 ທັນວາ 2011 ເປັນຕົ້ນໄປ, ຈະໄດ້ນຳໃຊ້ຄ່ຽງຄູ່ກັບເງິນໃບ 2.000 ເກົ່າ ທີ່ໄດ້ພິມ ອອກໃຊ້ຊຸມປີຜ່ານມາ. ເງິນໃບ 2.000 ກີບລຸ້ນເກົ່າ ແລະ ລຸ້ນປັບປຸງໃໝ່ລ້ວນແລ້ວແຕ່ມີຄຸນຄ່າເທົ່າທຽມກັນ. ໂດຍລັກສະນະເຕັກນິກຂອງເງິນໃບ 2.000 ກີບທີ່ປັບປຸງໃຫມ່ມີຮູບແບບ ແລະ ສີສັນໂດຍພື້ນຖານແມ່ນຍັງຮັກສາໄວຄືເງິນໃບ 2.000 ກິບ ລຸ້ນເກົ່າ ແລະ ໄດ້ຍົກລະດັບຄຸນນະພາບພາບຂອງເຈ້້ຍ, ປັບປຸງ ເສັ້ນລວມລາຍ ແລະ ສີສັນ, ຍົກລະດັບທາງດ້ານເຕັກນິກການພິມ, ການປ້ອງກັນການປອມແປງດ້ວຍການອັດສຳເນົາ ແລະ ການສະແກນ. ຂະໜາດຂອງ ໃບເງິນ: ລວງກວ້າງ 66 ມມ ແລະ ຍາວ 142 ມມ. ຊຶ່ງດ້ານໜ້າ: ມີຮູບປະທານໄກສອນ ພົມວິຫານໄດ້ປັບປຸງໃຫ້ຈົບງາມກວ່າເກົ່າ, ມີຮູບວັດຊຽງທອງ, ຮູບເຄື່ອງ ໝາຍກາຊາດ ພິມດ້ວຍສີສະທ້ອນແສງ, ເລກລຳດັບໃບເງິນ ມີທັງຕົວເລກລາວ ແລະ ຕົວເລກສາກົນ. ແລະ ດ້ານຫລັງ: ຕົວໜັງສືທະນາຄານແຫ່ງ ສປປ ລາວໃໝ່ ແລະ ຊັດເຈນກວ່າເກົ່າ, ຮູບເຄື່ອນໄຟຟ້າເຊເສັດ II ໄດ້ປັບປຸງໃຫ້ແຈ້ງດີຂຶ້ນ, ຕົວເລກລາວ ແລະ ຕົວເລກສາກົນ ໄດ້ປັບປຸງໃຫ້ໃຫຍ່ ແລະ ຈະແຈ້ງກວ່າເກົ່າ, ໄດ້ເພີ້ມສິລະປະລວມລາຍຂອງລາວ.

ທ່ານ ຫົວໜ້າກົມເງິນຕາ ທະນາຄານ ແຫ່ງ ສປ ລາວ ໄດ້ກວ່າຕື່ມວ່າ: ການພິມຈຳໜ່າຍໃບ 2.000ກີບຈະບໍ່ເພີ້ມເງິນໃນຂອດຈໍລະຈອນ ແລະ ບໍ່ເປັນປັດໃຈ ເຮັດໃຫ້ມີໄພເງິນເຟີ້ເພາະການພິມຈຳໜ່າຍແມ່ນຢູ່ຂອບຂອງແຜນເງິນຕາຂອງທະນາຄານແຫ່ງ ສປປ ລາວ. ແມ່ນການປ່ຽນແທນເງິນເກົ່າທີ່ເຊື່ອມຄຸນນະພາບ, ຈະເປັນການອຳນວຍຄວາມສະດວກໃນການຊຳລະສະສາງ, ເປັນພາຫະນະເພື່ອແລກປ່ຽນ ແລະ ໃຊ້ເປັນເງິນທອນ.

Comments: