ເປີດຕົວບໍລິສັດ ຫລັກຊັບລ້ານຊ້າງ ຢ່າງເປັນທາງການ

Sunday, May 20th

Last update12:47:10 AM GMT

Headlines

ເຜີຍ! ຄວາມຄືບ ຫນ້າແຜນລາວ-ໄທ ສ້າງຂົວຂ້າມ ສະເພາະລົດໄຟ

ຄວາມອຶດອັດ ຈາກຜົນກະທົບ ຂອງລະເບີດ ທີ່ຍັງບໍ່ທັນແຕກ ຈາກບ້ານແສນອຸດົມ

ຂ້ອຍມີເລື້ອງໜື່ງ ຈະເລົ່າສູ່ຟັງເດີ້ ເພື່ອເປັນອຸທາຫອນ

Special lecture by Sounay Phothisane ການປົດປ່ອຍອຳນາດ (Unlock the Power)

Alexandra Bounxouei MV "My Radio" has released

ເປີດນໍາໃຊ້ ເວັບໄຊອາເຊັມ ຄັ້ງທີ 9 ຢ່າງເປັນທາງການ

PTT to open integrated facility in Vientiane, expand Laos network

ພິດສະໄຫມ ຈັນທະສອນ ຄອງຕໍາແຫນ່ງ ສາວງາມຈໍາປາສັກ 2012

Sounay Phothisane participates ON|OFF event 2011 Jakarta

ລັດ ຈະອອກໃບ ສອງພັນກີບ

ເປີດຕົວບໍລິສັດ ຫລັກຊັບລ້ານຊ້າງ ຢ່າງເປັນທາງການ

Tuesday, 29 March 2011 20:28 Sounay Phothisane

Share

ບໍລິສັດ ຫລັກຊັບລ້ານຊ້າງ ມະຫາຊົນ ເຊິ່ງເປັນຜູ້ໃຫ້ບໍລິການຊື້-ຂາຍຫລັກຊັບລວມເຖິງໃຫ້ຄຳປຶກສາດ້ານ ການເງິນ ໄດ້ເປີດຕົວຢ່າງເປັນທາງການໃນຕອນຄ່ຳວັນທີ 25 ມີນາ ຫລັງ ຈາກທີ່ດຳເນີນການເຄື່ອນໄຫວມາເປັນເວລາສາມເດືອນ.

ພິທີເປີດໄດ້ຈັດຂຶ້ນທີ່ໂຮງແຮມດອນຈັນພາເລດ ນະຄອນຫລວງວຽງຈັນ ໂດຍການເປັນກຽດເຂົ້າຮ່ວມຂອງທ່ານ ສົມສະຫວາດ ເລັ່ງສະຫວັດ ຮອງນາຍົກລັດຖະມົນຕີ, ຜູ້ປະຈຳການລັດຖະບານ, ທ່ານ ຕະມິງ ເຈົ່າ ເອກອັກຄະລັດຖະທູດແຫ່ງ ສສ ຫວຽດນາມປະຈຳລາວ; ມີບັນດາປະທານສະພາບໍລິຫານ, ຕະຫລອດຮອດພະນັກງານ ແລະ ນັກທຸລະກິດເຂົ້າຮ່ວມ.

ບໍລິສັດຫລັກຊັບລ້ານຊ້າງມະຫາຊົນ ເປັນບໍລິສັດຮ່ວມທຸລະກິດລະຫວ່າງທະນາຄານພັດທະນາລາວ ແລະ ບໍລິສັດຫລັກຊັບຊາຄອມແບງແຫ່ງ ສສ ຫວຽດນາມ ຖືກສ້າງຂຶ້ນໃນວັນທີ 11 ພະຈິກ 2010 ຕາມຂໍ້ຕົກລົງຂອງທະນາຄານແຫ່ງ ສປປ ລາວ ດ້ວຍທຶນຈົດທະບຽນ 100 ຕື້ກີບ; ໃນນັ້ນ ບໍລິສັດຫລັກຊັບຊາຄອມແບງຖື ຮຸ້ນ 50,5%, ທະນາຄານພັດທະນາລາວ 48,5%, ພະນັກງານບໍລິສັດຊາຄອມແບງ 0,5% ແລະ ພະນັກງານທະນາຄານພັດທະນາລາວຖືຮຸ້ນ 0,5%.

ທ່ານ ວິໄລມິດ ອັກຄະວົງ ປະທານສະພາບໍລິຫານບໍລິສັດຫລັກຊັບລ້ານຊ້າງມະຫາຊົນກ່າວວ່າ: ຕະຫລອດໄລຍະ 3 ເດືອນທີ່ບໍລິສັດດຳເນີນການເຄື່ອນໄຫວ ເບິ່ງລວມແລ້ວເຫັນວ່າວຽກງານກໍ່ເດີນແມ່ນແລ່ນສະດວກພໍສົມຄວນ, ຜ່ານມາ ໄດ້ສຳເລັດການເປັນທີ່ປຶກສາໃຫ້ທະນາຄານການຄ້າຕ່າງປະເທດລາວໃນ ການຫັນເປັນມະຫາຊົນ ແລະ ຄ້ຳປະກັນໃຫ້ທະນາຄານດັ່ງກ່າວໃນຕະຫລາດຂັ້ນຫນຶ່ງ ເຊິ່ງເປັນລູກຄ້າຫລາຍທຳອິດ ພ້ອມດຽວກັນນັ້ນ ຍັງໄດ້ເຊັນບົດບັນທຶກຄວາມເຂົ້າໃຈ ແລະ ສັນຍານຳບັນດາບໍລິສັດຈຳນວນຫນຶ່ງທີ່ຕ້ອງການທີ່ປຶກສາໃນການຫັນ ເປັນບໍລິສັດມະຫາຊົນ, ເປັນທີ່ປຶກສາດ້ານການເງິນ, ການລະດົມທຶນຜ່ານຕະຫລາດຫລັກຊັບ ໂດຍການຈຳຫນ່າຍຮຸ້ນ ແລະ ອື່ນໆ.

ຢ່າງໃດກໍ່ຕາມ ພວກເຮົາກໍ່ຍັງຂາດບົດຮຽນໃນການດຳເນີນທຸລະກິດປະເພດນີ້, ແຕ່ດ້ວຍຄວາມຕັດສິນໃຈຂ້າພະເຈົ້າຈະພະຍາຍາມນຳບໍລິສັດຫລັກຊັບ ລ້ານຊ້າງມະຫາຊົນໃຫ້ກາຍເປັນບໍລິສັດທີ່ມີຄວາມເຂັ້ມແຂງທາງ ດ້ານການເງິນ, ດຳເນີນທຸລະກິດມີຜົນກຳໄລ, ທ່ານ ວິໄລມິດ ກ່າວ ເນັ້ນ.

ບໍລິສັດຫລັກຊັບລ້ານຊ້າງມະຫາຊົນ ມີສຳນັກງານຕັ້ງຢູ່ຊັ້ນ 5 ສຳນັກງານຕະຫລາດຫລັກຊັບລາວ ບ້ານໂພນທັນເຫນືອ ເມືອງໄຊເສດຖາ ນະຄອນຫລວງວຽງຈັນ ໂດຍມີຜະລິດຕະພັນການບໍລິການຄື: ບໍລິການໃຫ້ຄຳປຶກສາດ້ານການເງິນ, ຄ້ຳປະກັນການຂາຍຫລັກຊັບ, ບໍລິການນາຍຫນ້າຊື້-ຂາຍຫລັກຊັບ ແລະ ການບໍລິການຊື້-ຂາຍຫລັກຊັບ.

ພາບແລະເນື້ອຂ່າວຈາກ

Comments: