ພົງສະຫວັນ ຢືນຢັນວ່າຄວາມບໍ່ຫມັ້ນຄົງ ຂອງທະນາຄານ ເປັນພຽງຂ່າວລື

Sunday, May 20th

Last update12:47:10 AM GMT

Headlines

ເຜີຍ! ຄວາມຄືບ ຫນ້າແຜນລາວ-ໄທ ສ້າງຂົວຂ້າມ ສະເພາະລົດໄຟ

ຄວາມອຶດອັດ ຈາກຜົນກະທົບ ຂອງລະເບີດ ທີ່ຍັງບໍ່ທັນແຕກ ຈາກບ້ານແສນອຸດົມ

ຂ້ອຍມີເລື້ອງໜື່ງ ຈະເລົ່າສູ່ຟັງເດີ້ ເພື່ອເປັນອຸທາຫອນ

Special lecture by Sounay Phothisane ການປົດປ່ອຍອຳນາດ (Unlock the Power)

Alexandra Bounxouei MV "My Radio" has released

ເປີດນໍາໃຊ້ ເວັບໄຊອາເຊັມ ຄັ້ງທີ 9 ຢ່າງເປັນທາງການ

PTT to open integrated facility in Vientiane, expand Laos network

ພິດສະໄຫມ ຈັນທະສອນ ຄອງຕໍາແຫນ່ງ ສາວງາມຈໍາປາສັກ 2012

Sounay Phothisane participates ON|OFF event 2011 Jakarta

ລັດ ຈະອອກໃບ ສອງພັນກີບ

ພົງສະຫວັນ ຢືນຢັນວ່າຄວາມບໍ່ຫມັ້ນຄົງ ຂອງທະນາຄານ ເປັນພຽງຂ່າວລື

Friday, 28 May 2010 15:27 Sounay Phothisane

Share

ພົງສະຫວັນ ຢືນຢັນວ່າຄວາມບໍ່ຫມັ້ນຄົງ ຂອງທະນາຄານ ເປັນພຽງຂ່າວລື

Prev
1 of 3
Next

ທະນາຄານແຫ່ງ ສປປລາວ (ທຫລ) ຮ່ວມກັບທະນາຄານພົງສະຫວັນ ໄດ້ອອກມາຢືນຢັນ ທະນາຄານພົງສະຫວັນ ຈຳກັດ ຍັງມີ ຖານະທາງການເງິນຫມັ້ນຄົງແລະປະຕິເສດກໍລະນີຂ່າວລືການຈັບຕົວຜູ້ອຳນວຍການໃຫຍ່ຂອງທະນາຄານ. ພ້ອມຊີ້ເປັນກົນອຸບາຍຫວັງ ມ້າງເພສະຖາບັນການເງິນຂອງຊາດຈາກກຸ່ມຄົນບໍ່ຫວັງດີ, ຮຽກຮ້ອງສັງຄົມບໍລິໂພກຂ່າວສານໃຫ້ຖືກ ຕ້ອງຢ່າຫລົງເຊື່ອຂ່າວລືຂອງກຸ່ມ ຄົນບໍ່ດີ.

ມື້ວານນີ້ ໄດ້ມີພໍ່ແມ່ປະຊາຊົນຊາວນະຄອນຫລວງວຽງຈັນ ເດີນທາງໄປຖອນເງິນຢູ່ທະນາຄານພົງສະຫວັນຈຳກັດ ອອກຈາກບັນຊີ ຫລັງຈາກໄດ້ຮັບຂ່າວລືກ່ຽວກັບຄວາມບໍ່ຫມັ້ນຄົງທາງດ້ານການເງິນຂອງທະນາຄານລວມເຖິງການຈັບຕົວຜູ້ອຳນວຍການ ທະນາຄານພົງ ສະຫວັນຈຳກັດ.

ຈາກເຫດການດັ່ງກ່າວ ທະນາຄານແຫ່ງ ສປປ ລາວ ຮ່ວມກັບທະນາຄານພົງສະຫວັນຈຳກັດ ຈິ່ງໄດ້ອອກມາຖະແຫລງຕໍ່ມວນຊົນ ທີ່ທະນາຄານພົງສະຫວັນ ສາຂານະຄອນຫລວງວຽງຈັນ ເພື່ອລາຍງານຄວາມເປັນຈິງຕໍ່ມວນຊົນກໍ່ຄືສັງຄົມໃຫ້ໄດ້ຮັບຮູ້ຂໍ້ມູນ-ຂ່າວສານ ທີ່ແທ້ຈິງບໍ່ໃຫ້ເກີດມີຜົນກະທົບທີ່ຮ້າຍແຮງຕໍ່ສະຖາບັນການເງິນຂອງປະເທດ.

ໂດຍທ່ານ ພຸດທະໄຊ ສີວິໄຊ ຫົວຫນ້າກົມຄຸ້ມຄອງທະນາຄານທຸລະກິດແລະສະຖາບັນການເງິນ ເຊິ່ງໄດ້ຮັບການມອບຫມາຍຈາກ ທະນາຄານແຫ່ງ ສປປ ລາວ ໃຫ້ເຂົ້າຮ່ວມຖະແຫລງຂ່າວຕໍ່ມວນຊົນ ໄດ້ຢືນຢັນເຖິງຄວາມຫມັ້ນຄົງທາງຖານະການເງິນຂອງທະນາຄານ ພົງສະຫວັນ ຈຳກັດ. ຂະນະທີ່ຂ່າວລືການຈັບຕົວຜູ້ອຳນວຍການໃຫຍ່ທະນາຄານພົງສະຫວັນແມ່ນບໍ່ມີມູນຄວາມຈິງໃດໆທັງນັ້ນ.

ທ່ານກ່າວຕື່ມວ່າ: ໃນຖານະເປັນຜູ້ຄຸ້ມຄອງທະນາຄານທຸລະກິດທາງກົມຂອງພວກເຮົາໄດ້ກວດກາຢ່າງເປັນປົກກະຕິເປັນປະຈຳວັນ, ປະຈຳເດືອນ ເຊິ່ງເຫັນວ່າທະນາຄານພົງສະຫວັນເປັນທະນາຄານທຸລະກິດເອກະຊົນທີ່ມີຄວາມເຂັ້ມແຂງ, ມີຖານະການເງີນທີ່ຫມັ້ນຄົງ. ສະນັ້ນ ການສະຫນອງຂໍ້ມູນທີ່ບໍ່ຖືກຕ້ອງໄດ້ເຮັດໃຫ້ພໍ່ແມ່ປະຊາຊົນມີຄວາມເຂົ້າໃຈຜິດ ແລ້ວພ້ອມກັນແຫ່ກັນເຂົ້າມາຖອນເງິນອັນກໍ່ໃຫ້ ເກີດມີຄວາມສັບສົນ. ດັ່ງນັ້ນ ຈິ່ງຂໍ້ໃຫ້ທຸກທ່ານເຊື່ອຫມັ້ນຕໍ່ຄວາມຫມັ້ນຄົງຂອງທະນາຄານເງິນຝາກທຸກກີບຂອງທ່ານຈະບໍ່ຕົກເຮ່ຍເສຍ ຫາຍ.

ຂະນະທີ່ ທ່ານ ເດດພູວັງ ມູລຣັຕນ໌ ຜູ້ຊ່ວຍຄະນະຜູ້ວ່າການທະນາຄານແຫ່ງ ສປປ ລາວ ໄດ້ກ່າວຕໍ່ຫນັງສືພິມເສດຖະກິດສັງຄົມໃນ ຕອນຄຳວານນີ້ວ່າ: ນີ້ ເປັນເຫດການທີ່ກຸ່ມຄົນບໍ່ຫວັງດີປ່ອຍຂ່າວ ອອກມາຫວັງມ້າງເພສະຖາບັນການເງິນເອກະຊົນທີ່ມີຊື່ສຽງຂອງປະເທດ ເພື່ອໃຫ້ເກີດຄວາມສູນເສຍທາງດ້ານເສດຖະກິດໂດຍລວມຂອງຊາດ ລວມທັງສ້າງພາບພົດອັນບໍ່ດີຕໍ່ສະຖາບັນການເງິນແຫ່ງຊາດ ກໍ່ຄືທະ ນາຄານແຫ່ງ ສປປ ລາວ.

ໃນຄວາມເປັນຈິງ ທະນາຄານພົງສະຫວັນຈຳກັດຖືເປັນທະນາຄານທຸລະກິດເອກະຊົນທີ່ໄດ້ມາດຖະການສາກົນທະນາຄານຫນຶ່ງທີ່ ຄົນລາວຄວນເອກອ້າງທີ່ໄດ້ຜ່ານການກວດສອບຂອງທະນາຄານແຫ່ງ ສປປ ລາວ ກໍ່ຄືສະຖານບັນການເງິນສາກົນຢ່າງເຂັ້ມງວດ. ທີ່ ສຳຄັນທະນາຄານພົງສະຫວັນຍັງປະຕິບັດໄດ້ເກີນມາດຕະຖານຂອງທະນາຄານແຫ່ງ ສປປ ລາວ ວາງອອກເຊັ່ນ: ການຖອກພັດທະ ນາໃຫ້ລັດ, ການຄ້ຳປະກັນຄວາມສ່ຽງໃນການປ່ອຍສິນເຊື່ອກໍ່ສູງເຖິງ 26% (ມາດຕະຖານຂອງທຫລແມ່ນ8%). ນອກນັ້ນທະນາຄານ ພົງສະຫວັນຍັງເປັນສະມາຊິກກອງທຶນປົກປ້ອງຜູ້ຝາກເງິນຂອງທຫລນຳອີກ, ທ່ານຜູ້ຊ່ວຍຄະນະຜູ້ວ່າການ ທຫລ ກ່າວຢ້ຳ.

ດ້ານທ່ານ ອ໊ອດ ພົງສະຫວັນ ອຳນວຍການໃຫຍ່ທະນາຄານພົງສະຫວັນ ຈຳກັດ ກໍ່ໄດ້ອອກມາຢືນຢັນຕໍ່ມວນຊົນເຖິງການນຳໃຊ້ ເງິນໃນການປ່ອຍສິນເຊື່ອເງິນກູ້ຕ່າງໆ ລວມທັງການຝາກຖອນເງິນຕ່າງໆວ່າ: ແມ່່ນຍັງນຳໃຊ້ເງິນຂອງທະນາຄານເອງ ແລະຍັງບໍ່ທັນ ໄດ້ແຕະຕ້ອງເງິນທີ່ຈົດທະບຽນຂອງທະນາຄານກັບທະນາຄານກາງທີ່ມີມູນຄ່າ 10 ລ້ານກວ່າໂດລາສະຫະລັດ. ພ້ອມປະຕິເສດຂ່າວລື ການທີ່ຕົນເອງຖືກຈັບ.

ທ່ານກ່າວອີກວ່າ: ຂອບໃຈທີ່ສັງຄົມໃຫ້ການສະຫນັບສະຫນູນ ຕະຫລອດມາ, ທະນາຄານພົງສະຫວັນຍັງມີຖານະການເງິນທີ່ຫມັ້ນ ຄົງ ແລະ ພ້ອມທີ່ຈະສະຫນອງຜະລິດຕະພັນໃຫມ່ໆ ແລະຢູ່ຄຽງຄູ່ກັບສັງຄົມລາວຕະຫລອດໄປດ້ວຍຄຳຂວັນທີ່ວ່າ: ທະນາຄານພົງສະ ຫວັນມຸ່ງຫມັ້ນໃຫ້ທ່ານຫລາຍກວ່າ ໂດຍຫວັງວ່າສັງຄົມຈະໃຫ້ການສະຫນັບສະຫນູນ ແລະມີຄວາມເຊື່ອຫມັ້ນຕໍ່ທະນາຄານພົງສະຫວັນ ຈຳກັດ ການທີ່ເຮັດໃຫ້ປະຊາຊົນ ມີຄວາມແຕກຕື່ນໄດ້ແບບນີ້ແມ່ນຜູ້ບໍ່ຫວັງດີໄດ້ມີການວາງແຜນມາແລ້ວ.

ປະຈຸບັນຈຳນວນເງິນໃນບັນຊີເງິນຝາກຕ່າງໆຂອງທະນາຄານ ມີເກືອບ 80 ລ້ານໂດລາສະຫະລັດ ໂດຍຈຳນວນຜູ້ມາຖອນເງິນ ໃນບັນຊີແມ່ນເປັນພຽງສ່ວນຫນ້ອຍເທົ່ານັ້ນ ເຊິ່ງສ່ວນໃຫຍ່ຈະເປັນປະຊາຊົນທົ່ວໄປ ແລະຊາວຄ້າຂາຍ ສ່ວນບັນດາພະນັກງານ ແລະ ລູກຄ້າລາຍໃຫຍ່ຕ່າງໆຂອງທະນາຄານຈະມີຈຳນວນຫນ້ອຍ, ທ່ານ ອ໊ອດ ພົງສະຫວັນ ກ່າວເນັ້ນ.

ໃນຂະນະທີ່ກຳລັງລາຍງານຂ່າວຢູ່ນີ້, ທາງທະນາຄານພົງສະຫວັນຈຳກັດ ກໍ່ກຳລັງເຮັດຫນັງສືສະເຫນີຕໍ່ລັດຖະບານ ເຊິ່ງຫນັງສືພິມ ເສດຖະກິດສັງຄົມຈະໄດ້ລາຍງານໃຫ້ຊາບຕໍ່ໄປ.

ດ້ານ ທ່ານ ພຸດທະໄຊ ສີວິໄຊ ຍັງໄດ້ເນັ້ນອີກວ່າ: ສຳລັບຜູ້ທີ່ສ້າງຄວາມສັບສົນແກ່ສັງຄົມຈົນເກີດຄວາມບໍ່ສະຫງົບໃນຄັ້ງນີ້ ທາງ ພາກສ່ວນເຈົ້າຫນ້າທີ່ທີ່ກ່ຽວຂ້ອງຈະໄດ້ຕິດຕາມຕົວ ເພືື່ອນຳມາດຳເນີນຄະດີຕາມກົດຫມາຍ ຕໍ່ໄປເພາະການກະທຳດັ່ງກ່່າວກະທົບເຖິງ ຄວາມຫມັ້ນຄົງຂອງສະຖາບັນການເງິນແຫ່ງຊາດ.

ພາບແລະເນື້ອຂ່າວຈາກ

Comments: