ບໍລິສັດ ອາ​ລິ​ອັນ​ສ໌ ປະກັນ​ໄພ​ລາວ ມອບເງິນ 10 ກວ່າຕື້ ຊົດ​ເຊີຍ​ຜູ້​ປະ​ສົບ​​​ໄຟ​ໃໝ້ຕະຫຼາດ​ຊັ່ງ​ຈຽງ

0
13

 

ຈາກ​ເຫດການ​ໄຟ​ໃໝ້ຕະຫຼາດ​ຊັ່ງ​ຈຽງ​ໃນ​ວັນ​ທີ 14 ກໍ​ລະ​ກົດ 2017 ຜ່ານ​ມາ​ໄດ້​ສ້າງຄວາມ​ເສຍ​ຫາ​ຍຢ່າງ​ໃຫຍ່​ຫຼວງ​ໃຫ້​ກັບ​ບັນດາ​ຜູ້​ຄ້າຂາຍ​​ໃນ​ຕະຫຼາດ​ຈຳນວນ 300 ກວ່າ​ຮ້ານ; ​ໃນ​ນັ້ນ​ ມີ​ຈຳນວນ 28 ຮ້ານ​ທີ່​ໄດ້​ເຮັດ​ປະກັນ​ໄພ​ທຸລະ​ກິດ​ຂະໜາດ​ນ້ອຍ​ໄວ້​ກັບ ​ບໍລິສັດ ອາ​ລິ​ອັນ​ສ໌ ປະກັນ​ໄພ​ລາວ ​ແລະ ​ໄດ້​ຮັບ​ເງິນ​ທົດ​ແທນ​ຄວາມ​ເສຍ​ຫາຍ​ເປັນ​ຈຳນວນ​ເງິນ 10,7 ຕື້​ກວ່າ​ກີບ ຫຼື ປະມານ 1,2 ລ້ານກວ່າໂດລາສະຫະລັດ.

ການມອບ-ຮັບ ເງິນທົດແທນໃຫ້ກັບຜູ້ທີ່ເສຍຫາຍໃນເຫດການຕະຫຼາດຊັ່ງຈຽງຈັດຂຶ້ນໃນວັນທີ 8 ກັນຍາ 2017 ທີ່ສຳນັກງານໃຫຍ່ ບໍລິສັດ ອາລິອັນສ໌ ປະກັນໄພລາວ ໂດຍທ່ານ ກີ ອາໂປວີ, ຜູ້ອຳນວຍ ການໃຫຍ່ບໍລິສັດ ອາລິອັນສ໌ ປະກັນໄພລາວ ເປັນກຽດມອບໃຫ້ກັບເຈົ້າຂອງຮ້ານທັງ 28 ຮ້ານ.

Source: ເສດຖະກິດການຄ້າ