ວັນສີ ຖິ່ນຫຼັກຊາວ ປ່ອຍເພງໃໝ່ໃນແບບຊຶ້ງໆ

0
17

ໃນວັນທີ 11 ກັນຍາ ຜ່ານມາ ສິລະປິນ ວັນນິດດາ ຫຼວງສົມພູ ເຊິ່ງຊື່ໃນວົງການບັນເທີງຂອງເພິ່ນແມ່ນ ວັນສີ ຖິ່ນຫຼັກຊາວ ຜູ້ທີ່ຮ້ອງເພງ “ ບໍ່ແມ່ນຂອງຕາຍ ” ໃນປັດຈຸບັນເພິ່ນໄດ້ປ່ອຍເພງໃໝ່ມາໃນແບບຊຶ້ງໆຊື່ເພງວ່າ: ໂປຣຟາຍບອກລາ ເນື້ອຮ້ອງ – ທໍານອງ ຈາກສິລະປິນ ກ້ອງ ໄຊຍະວົງ.
ສະນັ້ນ, ມື້ນີ້ຄໍລໍາບັນເທີງຍິນດີພາແຟນໆມາຮູ້ຈັກກັບສິລະປິນຄົນນີ້ ເຊິ່ງເພິ່ນໄດ້ປ່ອຍຜົນງານໃໝ່ລົງທາງຢູທູບເປັນທີ່ຮຽບຮ້ອຍແລ້ວບັນດາແຟນເພງກໍາລັງໃຫ້ການຕອບຮັບເປັນຢ່າງດີ ແລະ ຍັງບອກວ່າເພງນີ້ມ່ວນຫຼາຍຟັງແລ້ວຄິດຮອດອະດີດ ເພາະເນື້ອໃນຂອງເພງແມ່ນເວົ້າເຖິງຄວາມຮັກ ແລະ ກໍ່ບອກເລີກທາງອອນລາຍ ໂດຍການເຫັນຮູບໂປຣຟາຍຜູ້ຊາຍຄົນອື່ນເຂົ້າມາແທນ ແລະ ເຮັດໃຫ້ຫົວໃຈຂອງແຟນເກົ່າຕົກຫຼົ່ນ ສຸດທ້າຍກໍ່ໄດ້ແຕ່ຜິດຫວັງ.
ສິລະປິນ ວັນສີ ຖິ່ນຫຼັກຊາວ ຍັງໄດ້ຝາກໄປຍັງແຟນເພງກໍ່ຄືຊາວລາວແຕ່ເໜືອຕະຫຼອດໃຕ້ໃຫ້ຊ່ວຍເປັນກຳລັງໃຈກັບນັກຮ້ອງລາວ ສົ່ງເສີມເພງລາວ ເພື່ອໃຫ້ບັນດານັກສິລະປິນລາວເຮົາໄດ້ມີກໍາລັງໃຈໃນການຜະລິດເພງໃໝ່ອອກມາເລື້ອຍໆໃຫ້ສັງຄົມລາວເຮົາໄດ້ຟັງ ແລະ ເພີດເພີນໄປນໍາ.

 

 

Source: ເສດຖະກິດການຄ້າ