ມາເບິ່ງລົດກະບະເບັນຊ໌ ຈະມີຄວາມແຕກຕ່າງຈາກກະບະທົ່ວໄປຄືແນວໃດ?

0
25

ນັບວ່າເປັນທາງເລືອກທີ່ດີສຳລັບຄົນມັກລົດຍີ່ຫໍ້ເມີເຊເດສ ເບັນຊ໌ ( Mercedes – Benz ) ເມື່ອຫຼ້າສຸດ ບໍລິສັດກໍ່ໄດ້ຜະລິດລົດກະບະເມີເຊເດສ ເບັນຊ໌ ເອັກ ຄລາສ ຂຶ້ນ ເຊິ່ງເປັນການປະຕິວັດຄັ້ງສຳຄັນສຸດ ເພາະຜ່ານມາມີແຕ່ຜະລິດລົດເກັ໋ງ ແລະ ລົດ ເອັສຢູວີ.
ຮູບຊົງທີ່ແທ້ຈິງຂອງເມີເຊເດສ ເບັນຊ໌ ເອັກ ຄລາສ ( Mercedes – Benz X – class ) ມີຄວາມຕ່າງຈາກລົດທີ່ເປີດຕົວໄປກ່ອນໜ້ານີ້ຕົວຖັງເນັ້ນຄວາມແຂງແຮງ.
ສ່ວນຕົວຖັງໂດຍລວມຂອງ ເມີເຊເດສ ເບັນຊ໌ ເອັກ ຄລາສ ມີດັ່ງນີ້: ຄວາມຍາວ 5,340 ມິນລີແມັດ, ກວ້າງ 1,920 ມິນລີແມັດ ແລະ ໄລຍະຖານລໍ້ 3,150 ມິນລີແມັດ, ຄວາມສູງຈາກພື້ນ 202 ມິນລີແມັດ, ຖືເປັນລົດກະບະທີ່ມີຄວາມໃຫຍ່ພໍສົມຄວນ. ໃນສ່ວນຂອງປະສິດທິພາບການລຸຍອຸປະສັກມີມຸມປະທະ 20.4 ອົງສາ ສາມາດສູ້ກັບຄູ່ແຂ່ງກະບະຫຼູຫຼາຄັນອື່ນໃນລະດັບດຽວກັນ; ຂະນະທີ່ພາຍໃນລຽບນຽນເນັ້ນການໃຊ້ງານ ແຕ່ອອກແບບໄດ້ທັນສະໄໝໃນຕົວຊ່ອງແອເປັນຮູບໂຕ X ສົມຊື່ກະບະລຸ້ນນີ້ ເມີເຊເດສ ເບັນຊ໌ ເອັກ ຄລາສ ຈໍສະແດງຜົນຮູບຊົງແບນ.

ໃນໄລຍະທຳອິດທີ່ເຮັດການຕະຫຼາດ ເມີເຊເດສ ເບັນຊ໌ ເອັກ ຄລາສ ມີທາງເລືອກດັ່ງນີ້: X220d ກຳລັງສູງສຸດ 163 ແຮງມ້າ ແລະ X250d ກໍາລັງສູງສຸດ 190 ແຮງມ້າ. ນອກຈາກນີ້, ຍັງມີລຸ້ນເຄື່ອງຈັກກາຊວນກຳລັງສູງສຸດ 165 ແຮງມ້າ ຄວາມແຮງ X350d ກຳລັງສູງສຸດ 258 ແຮງມ້າ ຈະເປີດຕົວໃນໄວໆນີ້ ໂດຍໃຊ້ລະບົບຂັບເຄື່ອນ 4 ລໍ້ຕະຫຼອດເວລາ 4Matic ສົ່ງກໍາລັງດ້ວຍເກຍອັດຕະໂນມັດ 7 ຈັງຫວະ ຫຼື ທໍາມະດາ 6 ຈັງຫວະ ພ້ອມໂໝດຂັບເຄື່ອນໄດ້ແກ່ Comfort Eco Sport Manual ແລະ off – Road.
ເມີເຊເດສ ເບັນຊ໌ ເອັກ ຄລາສ ຈະມີລາຄາເລີ່ມຕົ້ນແມ່ນ 37,294 ຢູໂຣ ຫຼື ປະມານ 350 ລ້ານກີບ ( ລວມພາສີນຳເຂົ້າ ) ກຽມເປີດຕະຫຼາດໃນປະເທດເຢຍລະມັນ ກ່ອນທີ່ຈະຂະຫຍາຍໄປຕະຫຼາດໃນພາກພື້ນຕ່າງໆ.


Source: ເສດຖະກິດການຄ້າ