ປີກໄກ່ອົບຊ໋ອດບາບີຄິວ

0
15

ສ່ວນປະກອບ:
• ປີກໄກ່ 500 ກຣາມ.
• ຊ໋ອດໝາກເຫຼ່ນ 1 ຖ້ວຍນ້ອຍ.
• ນ້ຳຕານ 2 ບ່ວງແກງ.
• ນ້ຳສົ້ມສາຍຊູ 1 ບ່ວງແກງ.
• ນ້ຳເຜິ້ງ 1 ບ່ວງແກງ.
• ນ້ຳສະອິ້ວຂາວ 1 ບ່ວງແກງ.
• ເກືອເລັກໜ້ອຍ.
• ແກ່ນຜັກຫອມປ້ອມບົດ 1/2 ບ່ວງກາເຟ.
• ກະທຽມສັບ 1 ບ່ວງແກງ.
• ພິກໄທ 1 ບ່ວງກາເຟ.


ວິທີປຸງແຕ່ງ:
1. ປຸງຊ໋ອດບາບີຄິວງ່າຍໆໂດຍເອົາສ່ວນປະສົມທຸກຢ່າງລົງໃສ່ໝໍ້ ( ຍົກເວັ້ນປີກໄກ່ ) ຄົນໃຫ້ເຂົ້າກັນດີ ແລະ ນຳໄປຄ້າງໄຟປານກາງຄົນເລື້ອຍໆຈົນຟົດແລ້ວປົງລົງ. ຈາກນັ້ນ, ກໍ່ເອົາປີກໄກ່ໄປຈືນໃນນ້ຳມັນຮ້ອນຈົນໜັງໄກ່ສຸກ ຫຼື ເປັນສີເຫຼືອງກຽມໄວ້.
2. ຫຼັງຈາກນັ້ນ, ກໍ່ເປີດເຕົາອົບໄວ້ທີ່ອຸນຫະພູມ 180 ອົງສາ ແລະ ປູເຈ້ຍໄຂໃສ່ຖາດທີ່ໃຊ້ອົບກຽມໄວ້. ເມື່ອຮຽບຮ້ອຍແລ້ວກໍ່ທາຊ໋ອດບາບີຄິວໃສ່ປີກໄກ່ແລ້ວເອົາໃສ່ຖາດອົບປະມານ 30 ນາທີ ແລະ ນຳອອກມາທາຊ໋ອດບາບີຄິວອີກເທື່ອໜຶ່ງແລ້ວຈຶ່ງນຳໄປອົບຕໍ່ອີກ 10 ນາທີ ສຸກແລ້ວກໍ່ຈັດໃສ່ຈານພ້ອມເສີບ.

Source: ເສດຖະກິດການຄ້າ