ເມືອງຊຳເໜືອ ຈັດພິທີທຳລາຍສິນຄ້າປອມ ແລະ ສິນຄ້າຕ້ອງຫ້າມ

0
50

ກອງບັນຊາການ ປ ກ ສ ເມືອງຊຳເໜືອໄດ້ຈັດພິທີທຳລາຍສິນຄ້າປອມ ແລະ ສິນຄ້າຕ້ອງຫ້າມທີ່ຜິດຕໍ່ລະບຽບກົດໝາຍ ໂດຍການເຂົ້າຮ່ວມຂອງທ່ານ ອານົງລັກ ແສງສຸລິຍາ ຮອງເລຂາພັກເມືອງ-ຮອງເຈົ້າເມືອງຊຳເໜືອ, ທ່ານ ພັທ ໄມສິງ ຄຳສຸບັດ ຫົວໜ້າກອງບັນຊາການ ປກສ ເມືອງຊຳເໜືອ, ມີບັນດາທີມງານກໍ່ສ້າງຮາກຖານການເມືອງ, ທີມງານຕ້ານປາກົດການຫຍໍ້ທໍ້ຂອງເມືອງ, ປກສ ກຸ່ມບ້ານເທດສະບານ, ເລຂາພັກເຂດ ແລະ ພາກສ່ວນທີ່ກ່ຽວຂ້ອງເຂົ້າຮ່ວມນຳ.

ທ່ານ ພັຕ ເມກ ອິນທະໄຊ ຫົວໜ້າ ປກສ ກຸ່ມ 3 ເມືອງຊຳເໜືອໄດ້ຜ່ານບົດລາຍງານໃນການລົງແກ້ໄຂປາກົດການຫຍໍ້ທໍ້ໃນສັງຄົມໂດຍອີງໃສ່ຄຳສັ່ງແນະນຳຂອງທ່ານເຈົາແຂວງສະບັບເລກທີ 34 ລົງວັນທີ 2 ກັນຍາ 2016 ວ່າດ້ວຍການຕ້ານ ແລະ ແກ້ໄຂປາກົດການຫຍໍ້ທໍ້ໃນສັງຄົມທົ່ວແຂວງຫົວພັນ ແລະ ອີງຕາມທິດຊີ້ນຳຂອງກອງບັນຊາການ ປກສ ເມືອງຊຳເໜືອໄດ້ລົງກວດບັນດາຮ້າງຮ້ານເທດສະບານຈຳນວນ 246 ຮ້ານ.

ຜ່ານການກວດກາເຫັນວ່າໄດ້ພົບເຫັນສິນຄ້າປອມຈຳນວນ 44 ຮ້ານທີ່ບໍ່ໄດ້ຜ່ານການກວດກາຈາກກົມອາຫານ ແລະ ຢາກະຊວງສາທາລະນະສຸກ, ພົບເຫັນສິນຄ້າລັກລອບພາສີ ແລະ ເຄື່ອງຕ້ອງຫ້າມຈຳນວນຫຼວງຫຼາຍເຊັ່ນ: ແປ້ງນົວປອມ 1,128 ຖົງ, ມອງໃສ່ເຈຍ-ນົກ 400 ດາງ, ແກັບ 50 ກໍ້, ໝື້ປືນ 70 ຖົງນ້ອຍ, ຂີ້ເກຍ 5 ກິໂລກະລາມ, ອຸປະກອນຜະະລິດປືນອັງໂກນ 11 ອັນ, ສາຍຈູດອັງໂກນ 30 ເສັ້ນ, ປືນຍິງອັງໂກນ 2 ກະບອກ, ໝາກກະໂພກ 15 ບັ້ງໃຫຍ່ 22 ກັບນ້ອຍ ແລະ ລູກຫວ່ານອີກຈຳນວນໜື່ງ. ພິທີດັ່ງກ່າວ ຈັດຂຶ້ນໃນວັນທີ 6 ກັນຍາ 2017 ນີ້ ທີ່ກອງບັນຊາການ ປ ກ ສ ເມືອງຊຳເໜືອ.

Source: ເສດຖະກິດການຄ້າ