ຮອນດາ ຊີອາ – ວີ 2017 ໃໝ່ ເພີ່ມຂະໜາດຕີນລົດໃຫ້ໃຫຍ່ ລຸຍທຸກສະພາບເສັ້ນທາງ

0
26

ດັ່ງທີ່ພວກເຮົາໄດ້ນຳສະເໜີໄປກ່ອນໜ້ານີ້ແລ້ວວ່າຈະນຳສະເໜີລາຍລະອຽດແບບເຕັມໆຂອງລົດ ຮອນດາ ຊີອາ – ວີ 2017 ມາໃຫ້ຜູ້ອ່ານໄດ້ຮູ້ຕື່ມພາຍຫຼັງເປີດເປັນທາງການແລ້ວ ເຊິ່ງການປ່ຽນແປງຄັ້ງນີ້ເປັນການປ່ຽນແປງຄັ້ງທີ 5 ຂອງ ຊີອາ – ວີ ເພື່ອໃຫ້ສາມາດຕອບໂຈດໄດ້ທຸກມິຕິ ໂດຍສະເພາະເພີ່ມຂະໜາດຕີນລົດໃຫ້ໃຫຍ່ຂຶ້ນ 18 ນິ້ວ ເພື່ອລຸຍທຸກເສັ້ນທາງ.

ເປັນທີ່ຮູ້ກັນດີແລ້ວວ່າ ຮອນດາ ຊີອາ – ວີ 2017 ໄດ້ເປີດເປັນທາງການໃນວັນທີ 28 ສິງຫາ 2017 ທີ່ສູນການຄ້າວຽງຈັນເຊັນເຕີ ນະຄອນຫຼວງວຽງຈັນ ເຊິ່ງກໍ່ບໍ່ໄດ້ເຮັດໃຫ້ຜູ້ເຂົ້າຮ່ວມຜິດຫວັງດ້ວຍຮູບໂສມງົດງາມ ແອບແຜງມາດ້ວຍຄວາມແຂງແກ່ນ ແລະ ມີພະລັງ.

ທ່ານ ສະເໜີ ຈຸນລະມະນີ ຮອງປະທານ ກຸ່ມບໍລິສັດ ນິວຈິບເຊັ່ງ ຈຳກັດ ໄດ້ກ່າວວ່າ: ມື້ນີ້ຖືເປັນໂອກາດດີທີ່ ບໍລິສັດ ນິວຈິບເຊັ່ງ ຈຳກັດ ຈະໄດ້ເປີດໂຕ ຮອນດາ ຊີອາ – ວີ 2017 ( Honda CR – V 2017 ໃໝ່ ) ເຊິ່ງ ເປັນລຸ້ນທີ 5 ຂອງ CR – V ທີ່ໄດ້ມີການປັບປຸງ ເຊິ່ງເຊື່ອວ່າຈະສາມາດຕອບໂຈດໃຫ້ປະຊາຊົນໄດ້ນຳໃຊ້ຢ່າງກວ້າງຂວາງ. ຮອນດາ ຊີອາ – ວີ 2017 ໃໝ່ ມີການອອກແບບພາຍນອກໃໝ່ທີ່ໂດດເດັ່ນດ້ວຍໄຟໜ້າແບບ LED ພ້ອມ Daytime Running Light ເສີມດ້ວຍກະຈັງໜ້າແບບພຣີມ້ຽມ ອອກແບບໂດຍເສັ້ນສາຍທີ່ສຽບຄົມພ້ອມລໍ້ແມັກອັນລອຍແບບສະປອດໃໝ່.

ພາຍໃນຫ້ອງໂດຍສານອອກແບບໃຫ້ກວ້າງຂວາງ ແລະ ງຽບຂຶ້ນ ມາພ້ອມເບາະນັ່ງແບບ 3 ແຖວ 7 ບ່ອນນັ່ງ ແລະ ລະບົບປັບອາກາດສຳລັບຜູ້ໂດຍສານແຖວ 2 ແລະ 3 , ແຜງຄອນໂຊນໜ້າຂະໜາດໃຫຍ່ຕົກແຕ່ງດ້ວຍລາຍໄມ້, ເບາະນັ່ງດ້ານຄົນຂັບປັບໄຟຟ້າໄດ້ 8 ທິດທາງ ພ້ອມປຸ່ມເບາະຫຼັງໄຟຟ້າ 4 ທິດທາງ, ຖົງລົມນິລະໄພ 6 ຊຸດ ( ຄູ່ໜ້າ, ຂ້າງ, ຜ້າກັ້ງ ) ລະບົບປັບອາກາດອັດຕະໂນມັດແບບ i – Dual Zone.

ມີປຸ່ມຄວບຄຸມການປ່ຽນເກຍຢູ່ພວງມະໄລຖືວ່າໃຫ້ຄວາມສະດວກໃນເວລາຂັບຂີ່, ລະບົບລ໋ອກລົດອັດຕະໂນມັດ ເມື່ອກະແຈຫ່າງຈາກຕົວລົດ, ມີລະບົບສະແດງພາບມູມລັບສາຍຕາຂະນະທີ່ປ່ຽນເລນ ໂດຍໃຊ້ກ້ອງຈັບພາບ ແລະ ສະແດງຜົນຜ່ານໜ້າຈໍຂະໜາດ 7 ນິ້ວ ຕິດຕັ້ງລະບົບເຄື່ອງສຽງໜ້າຈໍສຳຜັດຂະໜາດ 7 ນິ້ວ, Advanced Touch ຮອງຮັບການເຊື່ອມຕໍ່ Apple CarPlay ແລະ ໜ້າຈໍສະແດງຂໍ້ມູນການຂັບຂີ່ແບບ TFT ສາມາດສະແດງຜົນໄດ້ຫຼາກຫຼາຍ.

ຮອນດາ ຊີອາ – ວີ 2017 ໃໝ່ ຕິດຕັ້ງເຄື່ອງຈັກ 2.0 ລິດ ໃຫ້ກຳລັງສູງສຸດ 154 ແຮງມ້າ ພ້ອມດ້ວຍເກຍຜັດປ່ຽນລຸ້ນໃໝ່ CVT ເຊິ່ງພັດທະນາພາຍໃຕ້ Earth Dream Technology.

ຮອນດາ ຊີອາ – ວີ 2017 ໃໝ່ ຍັງຖືກຕິດຕັ້ງຟັງຊັນການໃຊ້ງານລະດັບພຣີມ້ຽມ ເຊັ່ນ: ຝາກະໂປ່ງທ້າຍປິດ – ເປີດ ອັດຕະໂນມັດ ແບບໄຟຟ້າດ້ວຍລະບົບ ( Hands – free Power Tailgate ) ພ້ອມການຄວບຄຸມການເປີດ – ປິດຣີໂມດ ແລະ ສາມາດປັບລະດັບ ຄວາມສູງຂອງປະຕູໄຟຟ້າໄດ້ຕາມຕ້ອງການ ເບາະນັ່ງສາມາດປ່ຽນເພື່ອຮອງຮັບການໃຊ້ງານທີ່ຫຼາກຫຼາຍໄດ້.

Source: ເສດຖະກິດການຄ້າ