ຊິແທນເຂົາໄດ້ບໍ່? ບົດເພງທີ່ສະທ້ອນເຖິງ ຄວາມຮັກທີ່ອອກມາໃໝ່

ໃນອາທິດຜ່ານມາ, ທາງຄ້າຍເພງ ທີເຄ ຊາວລາວ ໄດ້ປ່ອຍເພງໃໝ່ລົງທາງຢູທູບ ເຊິ່ງເປັນເພງທີ່ມີເນື້ອໃນເວົ້າເຖິງຄວາມຮັກຂອງຄູບ່າວ – ສາວ ແຕ່ລົງເອີຍໃນທາງທີ່ບໍ່ສົມຫວັງ ໂດຍທີ່ມີນ້ອງຮັກຄົນໜຶ່ງມາໃຫ້ກໍາລັງໃຈສູ້ຕໍ່ໄປ.
ຊື່ເພງ “ ຊິແທນເຂົາໄດ້ບໍ່? ” ທີ່ຮ້ອງໂດຍ: ພິມໃຈ ສະໃບພອນ ແລະ ປະກາຍຟ້າ ສຽງສະຫວັນ ທີ່ສັງກັດຢູ່ຄ້າຍ ທີເຄ ຊາວລາວ ແລະ ເປັນອາລະບໍ້າພິເສດທີ່ຄູ່ນີ້ໄດ້ຮ້ອງປະສານສຽງກັນຢ່າງມ່ວນອ່ອນຊ້ອຍ ຟັງແລ້ວສາມາດເຮັດໃຫ້ເຮົາຄິດເຖິງອະດີດທີ່ເຄີຍຝາກໄວ້ກັບໃຜຄົນໜຶ່ງ ໂດຍສະເພາະແມ່ນຕອນເປັນໄວໜຸ່ມຂຶ້ນໃໝ່ກໍາລັງມີ ຄວາມຮັກ ແລະ ເມື່ອບໍ່ສາມາດເປັນໄປໄດ້ດັ່ງຫວັງ ສຸດທ້າຍກໍ່ໄດ້ແຕ່ນັ່ງກອດຫົວເຂົ່າ.
ທ້າຍນີ້, ສິລະປິນຄູ່ນີ້ຍັງໄດ້ຝາກເຖິງແຟນໆທຸກຄົນຕິດຕາມຊ່ວຍຊົມຊ່ວຍເຊຍ “ ເຮົາຄົນລາວຟັງເພງລາວ ” ແລະ ສາມາດຕິດຕາມທາງເຟສບຸ໊ກ ທີເຄ ຊາວລາວ ນັ້ນເອງ.

 

Source: ເສດຖະກິດການຄ້າ

Related News

Leave a Reply

[bsa_pro_ad_space id=8]