ສາວຊາວຈິນແທງຄົນແປກໜ້າ ແຕ່ສຸດທ້າຍບອກວ່າ “ແທງຜິດຄົນ”

0
9

ສາວຊາວຈີນຄວັກມີດມຸ້ງເຂົ້າຟັນແທງຜູ້ຍິງລາຍໜຶ່ງນັ່ງກິນເຂົ້າໃນຫ້າງສິນຄ້າເມືອງຫຍາງໂຈວ ຈົນໄດ້ຮັບບາດເຈັບ ແຕ່ສຸດທ້າຍກັບຫົວຂວັນ ແລ້ວບອກວ່າເຮັດຜິດຄົນ

ສື່ຂ່າວປະເທດຈີນລາຍງານວ່າ ເມື່ອຊ່ວງຕອນສວຍວານນີ້ 23 ສິງຫາ ເກີດເຫດຜູ້ຍິງຊາວຈີນຄົນໜຶ່ງໃຊ້ມີດປອກໝາກໄມ້ແທງຜູ້ຍິງອີກຄົນໜຶ່ງຢູ່ຮ້ານອາຫານ ໃນເມືອງ ຫຍາງໂຈວ ມົນທົນຊຽງຊູ ຈົນໄດ້ຮັບາດເຈັບບໍລິເວນໄຫຼ່ຊ້າຍ ເລືອດໄຫຼແດງເຕັມຫຼັງ

 

ຜູ້ເຫັນເຫດການໄດ້ເຫຼົ່າວ່າ ຫຼັງຈາກທີ່ຜູ້ຫຍິງລາຍໜຶ່ງມາຮອດຮ້ານອາຫານ ໄດ້ຂວັກມີດມາກ່ອນແລ້ວມຸ້ງເຂົ້າໄປແທງບໍລິເວນໄຫຼ່ຊ້າຍຂອງສາວອີກຄົນໜຶ່ງທີ່ຢູ່ພາຍໃນຮ້ານອາຫານ ເຮັດໃຫ້ຜູ້ຄົນຈົນຕົກໃຈກັບເຫດການດັ່ງກ່າວ ແຕ່ຜູ້ຍິງທີ່ແທງນັ້ນກັບ ຫົວຂຶ້ນ ແລ້ວບອກວ່າ “ຂໍໂທດ ແທງຜິດຄົນ”

 

 

ໂດຍເຫດການດັ່ງກ່າວເຈົ້າໜ້າທີ່ຕຳຫຼວດໄດ້ເຂົ້າມາສອບສວນ ພ້ອມເຂົ້າມາຄວບຄຸມຕົວຜູ້ຍິງລາຍດັ່ງກ່າວອາຍຸ 25ປີ ເປັນຊາວມົນທົນ ຊານຕົງ ມີປະຫວັດປ່ວຍທາງຈິດ ຊຶ່ງຄາດວ່າອາດຈະເກີດອາການພະຍາດນັ້ນຂຶ້ນມາຈຶ່ງເຮັດເຫດດັ່ງກ່າວ

 

ທັງນີ້ເຈົ້າໜ້າທີ່ຕຳຫຼວດໄດ້ນຳຕົວສົ່ງໂຮງໝໍ ລວມທັງຜູ້ຍິງທີ່ຖືກແທງ ເຊີ່ງອາການບໍ່ເປັນຫຍັງຮ້າຍແຮງ

 

ທີ່ມາ: Khaosod