ອາດີດຮອງນາຍົກ ຮ່ວມສະຫລອງ 2 ວັນປະຫວັດສາດຢູ່ແຂວງບໍ່ແກ້ວ

0
21

ທ່ານ ສົມສະຫວາດ ເລັ່ງສະຫວັດ ອາດີດກໍາມະການສູນກາງພັກ, ອາດີດຮອງນາຍົກ ລັດຖະມົນຕີ ແຫ່ງ ສປປ ລາວ ​ເຂົ້າຮ່ວມສະເຫລີມສະຫລອງ ວັນສ້າງຕັ້ງສາຍພົວພັນການທູດ ລາວ-ຫວຽດນາມ ຄົບຮອບ 55 ປີ (1/9/1962-5/9/2017) ແລະ ວັນເຊັນສົນທິສັນຍາມິດຕະພາບ ແລະ ການຮ່ວມມືລາວ-ຫວຽດນາມ ຄົບຮອບ 40 ປີ (18/7/1977-18/7/2017) ໃນວັນທີ 23 ສິງຫາ 2017 ນີ້, ມີບັນດາການນໍາຂອງແຂວງ, ສະມາຄົມຫວຽດນາມ ທີ່ມາເຮັດທຸລະກິດຢູ່ ແຂວງບໍ່ແກ້ວ, ບັນດາຫົວໜ້າ, ຮອງຫົວໜ້າພະແນກ ການອ້ອມຂ້າງແຂວງ, ພະນັກງານ-ລັດຖະກອນ ເຂົ້າຮ່ວມ.



ໂອກາດ​ນີ້, ທ່ານ ສົມສະຫວາດ ເລັ່ງສະຫວັດ ໄດ້ກວ່າວ່າ: ການສ້າງຕັ້ງສາຍພົວພັນການທູດ ແມ່ນໄດ້ມີມາກ່ອນປະເທດຊາດ ໄດ້ຮັບການປົດປ່ອຍ ໂດຍແມ່ນລັດຖະບານ ປະສົມເປັນ ຜູ້ເຊັນ ແລະ ມີແນວລາວ ອິດສະຫລະເຂົ້າຮ່ວມ 4 ສະຫາຍ ທັງສອງຊາດລາວ-ຫວຽດນາມ ໄດ້ຮ່ວມກັນສ້າງປະຫວັດສາດ ອັນອົງກາດກ້າຫານ, ພ້ອມກັນຕີສັດຕູໂຕດຽວກັນ ຈຶ່ງເຮັດໃຫ້ເກີດການ ເຊັນສົນທິສັນຍາມິດຕະພາບ ແລະ ການຮ່ວມມື ລາວ-ຫວຽດນາມ. ເພື່ອການປະຕິວັດ ກໍຄື ການປົກປັກຮັກສາ ປະເທດຊາດທັງສອງໄດ້ຮ່ວມມື ທາງດ້ານການປ້ອງກັນ ຄວາມສະຫງົບ, ເສດຖະກິດ, ການສຶກສາ ແລະ ອື່ນໆ. ບັນດາການນໍາ ແລະ ປະຊາຊົນສອງປະເທດ ໄດ້ເພີ່ມພູນຄຸນສ້າງການຮ່ວມມືດັ່ງກ່າວ ເປັນມໍລະດົກອັນລໍ້າຄ່າໄວ້ໃຫ້ເຍົາ ວະຊົນຮຸ່ນໃໝ່ ແລະ ປະຊາຊົນທັງສອງຊາດຕະຫລອດໄປ.

ເນື້ອໃນ: ຂປລ