ກະຊວງການຄ້າ ເຜີຍແຜ່ຮ່າງຂໍ້ຕົກລົງວ່າດ້ວຍການຄ້າຊາຍແດນ

0
24

ມ​ນຳ​ເຂົ້າ​ ແລະ​ ສົ່ງ​ອອກ ກະຊວງ​ອຸດສາຫະກຳ ​ແລະ​ ການ​ຄ້າ ​ໄດ້​​ເຜີຍ​ແຜ່​ຮ່າງ​ຂໍ້​ຕົກລົງ​ວ່າ​ດ້ວຍ ​ການ​ຄ້າ​ຊາຍ​ແດນ ​ໃນ​ວັນ​ທີ 24 ສິງຫາ 2018 ຢູ່ແຂວງ​ສະຫວັນ​ນະ​ເຂດ ​ເຊິ່ງຮ່າງ​ນິຕິ​ກຳ​ດັ່ງກ່າວ ປະກອບມີ 7 ໝວດ 26 ມາດຕາ. ໃນແຕ່ລະໝວດແມ່ນ ໄດ້ກຳນົດຮູບແບບການຄ້າຊາຍແດນ, ສິດ ແລະ ພັນທະຂອງຜູ້ດຳເນີນ ການຄ້າຊາຍແດນ, ຂໍ້ຫ້າມ, ອົງການຄຸ້ມຄອງ ການຄ້າຊາຍແດນ ແລະ ນະໂຍບາຍຜູ້ທີ່ມີຜົນງານ ໃນການດຳເນີນການຄ້າ ແລະ ຜູ້ລະເມີດ ໃນນີ້ລະບຽບຂັ້ນຕອນຕ່າງໆ ແມ່ນຈະໄດ້ຖືກຮັບຮອງ ຈັດຕັ້ງປະຕິບັດ ເປັນເອກະພາບ ທົ່ວປະເທດໃນອີກບໍ່ຊ້ານີ້.

ທ່ານ ສຸລິຍົນ ພິລາ​ວົງ ຫົວໜ້າ​ກົມ​ນຳ​ເຂົ້າ​ ແລະ​ ສົ່ງ​ອອກ ກະຊວງ​ອຸດສາຫະກຳ ​ແລະ​ ການ​ຄ້າ ​ໄດ້​ໃຫ້​ຮູ້​ວ່າ: ຕໍ່​ກັບ​ຮ່າງ​ນິຕິ​ກຳ​ດັ່ງກ່າວ ​ໄລຍະຜ່ານ​ມາ ກົມ​ນຳ​ເຂົ້າ ​ແລະ​ ສົ່ງ​ອອກ ​ໄດ້​ຈັດ​ສຳ​ມະ​ນາ​ປະກອບ​ຄຳ​ຄິດ​ຄຳ​ເຫັນຢູ່ບັນດາແຂວງ​ ໃນ​ຂອບ​ເຂດ​ທົ່ວ​ປະ​ເທດ ທັງ​ນີ້​ກໍ​ເພື່ອ​ເຮັດ​​ໃຫ້ຮ່າງ​​ຂໍ້​ຕົກລົງ​ ວ່າ​ດ້ວຍ​ການ​ຄ້າ​ຊາຍ​ແດນ ​ເປັນ​ຂໍ້​ຕົກລົງ​ທີ່​ສົມບູນ ​ແລະ ​ສາມາດ​ນຳ​ໄປ​ຈັດ​ຕັ້ງ​ປະຕິບັດ​ ໄດ້​ຢ່າງ​ມີ​ປະສິດ​ພາບ, ທັງ​ເຮັດ​ໃຫ້ການຄຸ້ມຄອງ ການຄ້າຊາຍແດນໃຫ້ຖືກຕ້ອງຕາມກົດໝາຍ ແລະ ລະບຽບການ ແນໃສ່ສ້າງຄວາມສະດວກໃນການຊື້-ຂາຍ, ແລກປ່ຽນ ແລະ ການນຳເຂົ້າ-ສົ່ງອອກສິນຄ້າ, ມີການສົ່ງເສີມການຄ້າຊາຍ ແດນແບບມີແຜນ ແລະ ຈຸດສຸມ ທັງປະກອບສ່ວນສ້າງ ວຽກເຮັດງານທຳສ້າງລາຍໄດ້, ແກ້ໄຂຊີວິດການເປັນ ຢູ່ຂອງປະຊາຊົນ ໃຫ້ດີຂຶ້ນ.
ເນື້ອໃນ: ຂປລ